ဗုဒ္ဓဘာသာ မြန်မာလူမျိုးတော်တော်များများ ကြားဘူးကြလိမ့်မယ် ထင်ပါတယ်။ ဗုဒ္ဓရဲ့ စကားနဲ့ ပတ်သက်တဲ့ အဆုံးအမလေး တစ်ခုပါ။
“စကား (၆) ခွန်း ၊ လူ၌ထွန်း ၊ (၄) ခွန်းကိုရှောင် ၊ (၂) ခွန်းဆောင်” တဲ့။ တချို့ကလည်း (၄) ခွန်းကိုပယ် ၊ (၂) ခွန်းထယ်” တဲ့ ။ ကာရံ ညီအောင် ညှိကြတာပါဘဲ။ အဓိပ္ပါယ်ကတော့ စကား (၆) ခွန်းမှာ (၄) ခွန်းကို မပြောနဲ့၊ အကျိုးမရှိဘူး ၊ (၂) ခွန်းသာ ပြောကြလို့ ဗုဒ္ဓဘုရားရှင် ဆိုဆုံးမခဲ့တဲ့ စကားပါ။
ဘုရားရှင်ဟာ သူကိုယ်တိုင်လည်း ဘုရားအဖြစ်သို့ ရောက်တော် မူသည့် အချိန်ကနေ ပရိနိဗ္ဗာန် ပြုသည့်တိုင်အောင် စကား (၆) ခွန်းအနက် ပယ်ရမယ့် (၄)ခွန်းကို လုံးဝမပြောခဲ့ဘဲ ကျန်တဲ့ (၂)ခွန်းကိုသာ တစ်သက်တာပတ်လုံး “ဆောင်” သွားခဲ့သူဖြစ်ပါတယ်။
ဒီ စကားကြီး (၆) ခွန်းကတော့ -
(၁) ဟုတ်မှန်ခြင်း / မဟုတ်မှန်ခြင်း (၂) အကျိုးရှိခြင်း / အကျိုးမရှိခြင်း (၃) အပြောခံရသူ နှစ်သက်ခြင်း / မနှစ်သက်ခြင်း (၃)မျိုးအပေါ်မှာ အခြေခံပါတယ်။ တွဲစပ်လိုက်တော့ – စကားတစ်ခုဟာ
(၁) ဟုတ်မှန်ခြင်းမရှိ ၊ အကျိုးလည်းမရှိ ၊ အပြောခံရသူလည်း မကြိုက်တာက တစ်ခု။
(၂) ဟုတ်မှန်ခြင်းမရှိ ၊ အကျိုးလည်းမရှိ ၊ အပြောခံသူကတော့ ကြိုက်တာက တစ်ခု။
(၃) ဟုတ်မှန်တယ် ၊ ဒါပေမယ့် အကျိုးမရှိ ၊ အပြောခံရသူလည်း မကြိုက်တာက တစ်ခု။
(၄) ဟုတ်မှန်တယ် ၊ ဒါပေမယ့် အကျိုးမရှိ ၊ အပြောခံရသူကတော့ ကြိုက်တယ်က တစ်ခု။
(၅) ဟုတ်မှန်တယ် ၊ အကျိုးလည်း ရှိတယ် ၊ အပြောခံရသူကလည်း ကြိုက်တယ်က တစ်ခု။
(၆) ဟုတ်မှန်တယ် ၊ အကျိုးလည်း ရှိတယ် ၊ အပြောခံရသူကတော့ မကြိုက်ပြန်ဘူး က တစ်ခု။
ဒီတော့ ဒီစကားလေးတွေကို ပြန်ချဲ့ကြည့်ရအောင် ။နံပါတ် (၁)စကားက “မဟုတ်၊ အကျိုးမရှိ ၊ မကြိုက်” တဲ့ စကား။ ဘယ်လိုမျိုးလဲ ဆိုတော့ လူတစ်ယောက်(သို့) အဖွဲ့အစည်းတစ်ခုကို မဟုတ်မမှန် လုပ်ကြံအပုပ်ချတဲ့ စကား၊ ဆဲရေးတိုင်းထွာတဲ့ စကားမျိုးပေါ့။ ယနေ့ အင်တာနက် လူမှုရေးဝက်ဆိုဒ်တွေ ၊ သတင်းဆိုဒ်တွေရဲ့ ကွန်းမန့်တွေ မှာ အများဆုံးတွေ့နေရတဲ့ စကားပါ။ တကယ် တရားတော်နဲ့ ပြောရရင် အင်မတန် အပြစ်ကြီးတဲ့ စကားတွေပါ။ ဘုရား မကြိုက်ဆုံးစကား ၊ အပယ်ငရဲကို လားမယ့် စကားတွေပါ။ လုံးဝရှောင်သင့်ပါတယ်။
နံပါတ် (၂) စကားက “မဟုတ်၊ အကျိုးမရှိ ၊ ကြိုက်” တဲ့ စကား။ မဟုတ်တာတွေ လုပ်နေတဲ့လူကို မဟုတ်တာလုပ်မှန်း သိပါရက်နဲ့ သူ့ဆီက အကျိုးရလိုမှုကြောင့် မြှောက်ပင့် ၊ ဖော်လံဖားပြီး ပြောတဲ့စကားမျိုးပါ။ ဘယ်လိုမှမကောင်းပါဘူး။ ကိုယ့်ရဲ့ ကိုယ်ကျင့်တရားကို ကိုယ်ပြန်မလေးစားနိုင်တော့တဲ့ စကားပါ။ အွန်လိုင်းတွေ ပေါ်မှာ လူကြိုက်များစေမယ့် မုသာဝါဒ စကားလုံးတွေ ၊ လုပ်ကြံဖန်တီးထားတဲ့ ရုပ်ပုံတွေ ဖော်ပြပြီး ကိုယ့်နာမည် ကျော်ကြားမှု ကို လုပ်နေသူတွေလည်း ပါပါတယ်။ မကောင်းတဲ့ စကားပါနော်။
နံပါတ် (၃) စကားက “ဟုတ်တယ်၊ အကျိုးမရှိ ၊ မကြိုက်” တဲ့ စကား။ ဥပမာ – အရမ်းပိန်တဲ့သူတစ်ယောက် “သိပ် ပိန်တာဘဲနော်။ ကျန်းမာရေးမကောင်းဘူးလား” လို့ ပြောရင်အပြောခံရသူက မကြိုက်ပါဘူး။ ဒီအတိုင်း အရမ်းဝ တဲ့သူတစ်ယောက်ကိုလည်း “သိပ်ဝတာဘဲနော်” ပြောကြည့် ၊ မကြိုက်ပါ။ မမှန်ဘူးလားဆိုတော့ မှန်ပါတယ်။ ဒါပေမယ့် ကိုယ်ပြောလိုက်လို့ ချက်ခြင်း ပိန်ရာက ၀မလာသလို၊ ၀ရာကလည်း ပိန်မသွားပါဘူး။ အကျိုးမရှိဘူးပေါ့။ ဒီစကားမျိုးကတော့ အလိုက်မသိတတ်သူ ၊ ပါးနပ်လိမ္မာမှု မရှိသူတွေ ပြောလေ့ရှိတတ်ကြပါတယ်။ အပြစ်တော့ သိပ်မကြီးပါဘူး။ ဒါပေမယ့် အကျိုးမရှိလို့ ဘုရားမကြိုက်ပါဘူး။
နံပါတ် (၄) စကားက – “ဟုတ်တယ်၊ အကျိုးမရှိ ၊ ကြိုက်တယ်” ဆိုတဲ့ စကား။ ဒီစကားက နည်းနည်း ရှင်းပြဖို့ ခက်ပါတယ်။ လူ့လောကထဲက ချီးမွမ်းစကားတွေပါဘဲ။ အမြှောက်အပင့်တွေလည်း ပါနိုင်ပါတယ်။ လှပ ချောမောတဲ့ မိန်းကလေးတစ်ယောက်ကို သိပ်ချောတာဘဲ လို့ ပြောရင် ကြိုက်ပါတယ်။ မှန်နေတာကိုး။ ဒါပေမယ့် ဒီစကားကြောင့် အလှမာန ပိုတက်လာနိုင်ပြီး “အိုခြင်း ၊ နာခြင်း ၊ သေခြင်း” ဆိုတဲ့ အမှန်တရားတွေနဲ့ အလှမ်းကွာသွားနိုင်လို့ ဘုရား၊ ရဟန္တာတို့က မကြိုက်ပါဘူး။ လူ့လောကထဲမှာ အပြစ်သိပ် မရှိပေမယ့် နိဗ္ဗာန်နဲ့ အလှမ်းဝေးတဲ့ စကားတွေဖြစ်လို့ ဘုရား ၊ ရဟန္တာတွေ ပယ်တာ ဖြစ်ပါတယ်။
နံပါတ် (၅) စကားက – “ဟုတ်တယ် ၊ အကျိုးရှိတယ် ၊ ကြိုက်တယ်” ဆိုတဲ့ စကား။ ဒါကတော့ အကောင်းတကာ့ အကောင်း ဆုံး စကားမို့ ရှင်းပြဖို့ လိုမယ် မထင်ပါဘူး။ လောကီရော ၊ လောကုတ္တရာမှာပါ အကျိုးများတဲ့ စကားမျိုးပါ။ ဗုဒ္ဓဟာ သူ ပွင့်တော်မူစဉ် ကာလတစ်လျှောက်လုံး အများဆုံးပြောသွားတဲ့ စကားပါ။ ဗုဒ္ဓရဲ့ တရားတော်တွေ မှန်သမျှ ဒီစကားတွေပါဘဲ။ ဒီလို စကားမျိုးကိုသာ ပြောကြမယ်ဆိုရင် ကမ္ဘာလောကကြီးတစ်ခုလုံး အေးချမ်းသာယာနေ ပါလိမ့်မယ်။
နံပါတ် (၆) စကားက - “ဟုတ်တယ် ၊ အကျိုးရှိတယ် ၊ မကြိုက်” ဆိုတဲ့ စကား။ ဒါကတော့ ဥပမာ ပေးရလွယ်ပါတယ်။ မိဘ ဆရာသမားတွေက သားသမီးတွေ ၊ တပည့်တွေကို မကောင်းတာ မလုပ်ကြဖို့ တားမြစ်တဲ့ စကားမျိုး။ လူငယ်တွေရဲ့ လွတ်လပ်ချင်တဲ့ သဘာဝကြောင့် မကြိုက်ဘူး။ ဒါပေမယ့် အကျိုးရှိတဲ့ စကားတွေဖြစ်တယ်။ ဒီလို စကားမျိုးကတော့ ကိုယ့်ကို မုန်းမယ်ဆိုလည်း ပြောရမှာဘဲ။ ဗုဒ္ဓကိုယ်တော်တိုင် ဆိုဆုံးမလို့ မလွယ်တဲ့ ရဟန်းတစ်ချို့ကို ဒီလို စကားမျိုးနဲ့ ပြင်းပြင်းထန်ထန် ရှုတ်ချ ပြောတာတွေ ရှိပါတယ်။ သူတို့ အကျွတ်တရားရစေချင်တဲ့ စေတနာနဲ့ပါ။
(ယခု ကျွန်တော် ရေးလိုက်တဲ့ ဆောင်းပါးကလည်း နံပါတ် (၆)ထဲမှာ ပါပါတယ်။ တချို့လူတွေကတော့ လုံးဝ ကြိုက်ကြမှာ မဟုတ်ပါဘူး။ ဒါပေမယ့် အကျိုးရှိတဲ့ စကားမို့ ပြောရမှာဘဲ)
ဒါကတော့ ဒီခေတ်မှာ စာဖတ်နည်းသွားတဲ့ လူငယ်တွေ အတွက် ဗဟုသုတလေး တစ်ခုပါ။ လူလတ် ၊ လူကြီး ပိုင်း အတော်များများ ကြားဘူး သိဘူး သူများပါတယ်။ အခုလို အင်တာနက်ခေတ် ၊ သတင်းခေတ်မှာ လူငယ်တွေ ဖေ့စ်ဘုတ်ပေါ်မှာ ပြောနေကြတာတွေ ၊ သတင်းဝက်ဆိုဒ်တွေရဲ့ ကွန်းမန့်ထဲမှာ ပြောနေကြတာတွေ ဟာ ရှောင်ရမယ့် စကား (၄)ခွန်းသာ အများဆုံး ဖြစ်နေပြီး ဆောင်ရမယ့် စကား (၂)ခွန်းကတော့ သိပ်ကို နည်းနေတာကို သတိပြုမိလို့ ဒီဆောင်းပါးလေးကို ရေးမိလိုက်ပါတယ်။
ကိုယ့် စကားတစ်ခွန်းရဲ့ အတိုင်းအထွာ အကျိုးသက်ရောက်မှုကို ချိန်ဆပြီးမှ ရေးသင့် ပြောသင့်ကြပါတယ်။ အဓိက အချုပ်ပြောရရင် “ဟုတ်လည်း မဟုတ် ၊ အကျိုးလည်း မရှိ” တဲ့ စကားကို မပြောကြဖို့ တိုက်တွန်း ချင်ပါတယ်။
ဒါပေမယ့် ပြဿနာတစ်ခုက တစ်ချို့ လူငယ်တွေမှာ အသက်ငယ်သေးခြင်း ၊ ဘ၀အတွေ့အကြုံ နည်းလွန်းခြင်း ၊ လူငယ်ပီပီ စိတ်ဆတ် သွေးဆူလွယ်ခြင်းတို့ကြောင့် “ဟုတ်ပင် ဟုတ်ငြားသော်လည်း” အကျိုးသက်ရောက်မှု အတိုင်းအတာကို ချိန်ဆနိုင်ခြင်း မရှိတာကို တွေ့ရပါတယ်။ ဒါကြောင့် ကိုယ်ကြားသမျှ မြင်သမျှအပေါ် အကျိုးသက်ရောက်နိုင်မှုကို မချိန်ဆတော့ဘဲ စိတ်အားထက်သန်စွာ ပြောဆိုဝေဖန်မှု ၊ မိမိတို့ ခံစားချက်များကို တစ်ဦး နှင့် တစ်ဦး အလွယ်တကူ ဖြန့်ဝေမှုများ ကြောင့် တိုင်းပြည်တွင်းမှာ မဖြစ်သင့်တဲ့ ပြဿနာတွေ ဖြစ်နေတာကို တွေ့နေရကြောင်းပါခင်ဗျား။
ဒါကြောင့် ဗုဒ္ဓဘုရားရှင်ရဲ့ “သြ၀ါဒ” ကို ကိုးကားထားတဲ့ ဒီဆောင်းပါးလေးနဲ့ လူငယ်များ အသိဉာဏ်မြင့်မားနိုင်ကြစေရန် ၊ လူကြီးများလည်း စိတ်ထား မြင့်မြတ်နိုင်ကြ ပါစေရန် ရေးသားလိုက်ရခြင်း ဖြစ်ကြောင်းပါခင်ဗျား။
မြန်မာနိုင်ငံသူ နိုင်ငံသား အားလုံး ကောင်းသောစကား၊ အကျိုးရှိသော စကားကို ဆိုနိုင်ကြပါစေကုန်သော်။
ဒေါက်တာတင်ဗိုလ်ဗိုလ် (ကွန်ပျူ-ဗေဒသုခုမ)
No comments:
Post a Comment