၂ လီတာ ရေပုလင်းကို မီးသီးအဖြစ်သုံးပုံ

မြန်မာနိုင်ငံလို လျှပ်စစ်မီး မလုံလောက်ပဲ အလင်းငတ်လင့်နေတဲ့ နိုင်ငံတွေအတွက် အလွန်သင့်တော်တဲ့ နည်းပညာတခုပါ။ သဘာဝ ပတ်ဝန်းကျင်ထိမ်းသိမ်းမှုဆိုင်ရာ နည်းပညာ တခုဖြစ်တဲ့ ၂ လီတာ ရေပုလင်းတွေ ထဲ ရေထည့်၊ မျက်နှာကျက်မှာ လျှပ်စစ် အလင်းအစားသုံးတဲ့ နည်းစနစ်တခု Green Cupboards အွန်လိုင်း သတင်းမှာ ဖော်ပြထားပါတယ်။

ဖိလစ်ပိုင် နိုင်ငံက အိမ်တွင်းလုပ် နည်းပညာ တခုလည်းဖြစ်ပါတယ်။ နေရောင်ခြည်စွမ်းအင်ကို အပြည့်အ၀ သုံးပြီး ပုလင်း တလုံးကို ၆၀ Watt လျှပ်စစ်မီးသီးတွေလို အသုံးပြုနိုင်တာလည်းဖြစ်ပါတယ်။ အလင်းယိုင်ခြင်း သဘောကို ထူးခြားစွာ အလင်းအတွက် အသုံးပြုနိုင်တာလည်းဖြစ်ပါတယ်။

၂ လီတာ ရေပုလင်းထဲကို ရေအပြည့်ထည့် အဖုံးပိတ်ပြီး အိမ်ခေါင်မိုးမှာ ရေပုလင်းရဲ့ ၃ ပုံ ၁ ပုံကို ဖော်ထားပြီး ကျန် အပိုင်း ကို အိမ်ရဲ့ အတွင်းပိုင်းမှာ မီးသီးအဖြစ် ထားလိုက်တာပါ။ အိမ်တလုံးမှာ အခန်းအကျယ် အ၀န်းအပေါ် မူတည်ပြီး ပုလင်း အရေအတွက်ကို သုံးလို့ ရပါတယ်။ ဒီနည်းစနစ်ကိုပဲ “A litre of Light” လို့ ခေါ်ဆိုပါတယ်။

ဒါကြောင့် ဒီနည်းစနစ်ဟာ မြန်မာနိုင်ငံအတွက် အလွန်အသုံးတည့်ပါတယ်။ အမေရိကန် GE ကုမ္ပဏီကြီးဆီက မီးစက်ကြီး တွေ ၀ယ်စရာလည်း မလိုဘူး။ နောက်မီတာခလည်း ပေးဆောင်စရာမလိုဘူး။ မီးဖြတ်မှာ၊ အလှည့် ကျပေးတာကို စောင့်ရ မှာလည်း မလိုဘူး။

ဒါပေမယ့် ဒီနည်းစနစ်က အဲယားကွန်းတွေ၊ ကွန်ပျူတာ၊ အင်တာနက်သုံးဖို့ လျှပ်စစ်ဓာတ်အားကိုတော့ မထုတ်ပေးနိုင်တာ ကြောင့် ဒါမျိုးတွေပါ သုံးလို့ရမယ့် နည်းစနစ်တခုကို မြန်မာများ တီထွင်နိုင်လိမ့် မယ်လို့မျှော်လင့်တယ်။

ဂျပန်တွေဟာ လောကဓံကို ခံစားရရင် အံတုဘို့ နည်းပညာတွေ တီထွင်နိုင်ကြတယ်။ မြန်မာတွေလည်း အားကျမခံ အမှောင်ထဲက အလင်းရဖို့ အခု ဖိလစ်ပိုင်ထက်သာတဲ့ နည်းပညာသစ်တခုကို နှစ်ပေါင်းများစွာကြာ လာပေမယ့် အခုထိ မတီထွင်နိုင်သေးတာ စဉ်းစားစရာပါ။

မြန်မာသက္ကရာဇ် ဖြစ်လာပုံ

သက္ကရာဇ်

သက္ကရာဇ်ဆိုသည်မှာ အချိန်ကာလကို အမှတ်အသားတစ်ခုအနေဖြင့် သတ်မှတ်ထားသော စံတစ်ခုဖြစ်ပေသည်။ အချိန် ၂၄-နာရီကို တစ်ရက်အဖြစ်သတ်မှတ်ပြီး ရက်ပေါင်း ၃၆၅-ရက်ကို တစ်နှစ်ဟုသတ်မှတ်သည်။ တစ်နှစ်ကို သက္ကရာဇ် တစ်ဟု သတ်မှတ်သည်။

သက္ကရာဇ် (၅)မျိုး

(၁) မဟာ သက္ကရာဇ် = ဂေါတမဘုရားရှင်၏ ဘိုးတော် (သီရိမဟာ မာယာဒေ၀ီ၏ ခမည်းတော်) ဒေ၀ဒဟ ပြည့်ရှင်ဘုရင် အဉ္စနမင်းကြီးသည် ဒိဗ္ဗစက္ခုအဘိညာဉ် ရ ဒေ၀ီလရသေ့နှင့် တိုင်ပင်ပြီး မိမိလက်ထက်၌ ရောက်ဆဲဖြစ်သော သက္ကရာဇ် (၈၆၄၅)ခုကို ထိုနှစ် တပေါင်းလကွယ် စနေနေ့ အထိ ဖြိုပြီးလျှင် တန်ခူးလဆန်း(၁)ရက် တနင်္ဂနွေနေ့ကို အစပြု၍ သက္ကရာဇ် တစ်ခု ထားလေသည်။ ထိုသက္ကရာဇ်ကို မဟာသက္ကရာဇ်ဟု ခေါ်တွင်လေ သည်။ ထိုအချိန်သည် မြတ်စွာဘုရား ဖွားတော်မမူမီ (၆၈)နှစ် အလိုဖြစ်သည်။ ဂေါတမ ဘုရားရှင် ၏ သက်တော် (၈၀)နှင့်ပေါင်းသော မဟာ သက္ကရာဇ်၏ သက်တမ်းမှာ (၁၄၈)နှစ်သာ ရှိသည်။ ထို ၁၄၈ နှစ်ကို ဖြိုပြီး သာသနာသက္ကရာဇ်ကို စ၍တွက်သည်။


(၂) သာသနာ သက္ကရာဇ် = မဟာ သက္ကရာဇ်၏ သက်တမ်းမှာ (၁၄၈)နှစ်သို့ ရောက်သော အခါ ဂေါတမဘုရားရှင်သည် ပရိနိဗ္ဗာန် စံတော်မူသည်။ ပရိနိဗ္ဗာန် စံတော်မူပြီး လေးလအကြာ ရာဇဂြိုဟ် ပြည့်ရှင်ဘုရင် အဇာတသတ် ကြီးကြပ်၍ ပထမသင်္ဂါယနာတင်တော်မူပြီးနောက် သက္ကရာဇ် (၁၄၈)ကို ဖြိုခွင်းပြီး သာသနာနှစ် သက္ကရာဇ်(၁)ခု ကြွင်းထားခဲ့သည်။ ထိုမှစ၍ သာသနာသက္ကရာဇ် ပေါ်ပေါက်လာသည်။


(၃) ကောဇာ သက္ကရာဇ်၊ မြန်မာ သက္ကရာဇ် = သရေခေတ္တရာ မင်းဆက် သုမုန္ဒရီမင်း လက်ထက်မှ စ၍ ရေတွက်သည်။ (လက်ရှိ မြန်မာ ပြက္ခဒိန်)

(၄) ခရစ် သက္ကရာဇ် (ဘီစီ) = ခရစ်တော် မပေါ်မီကာလ နောက်ကို ရေတွက်သည်။

(၅) ခရစ် သက္ကရာဇ် (အေဒီ) = ခရစ်တော် ပေါ်ပြီးနှစ်မှစ၍ အစဉ်အတိုင်း ရေ တွက်သော နှစ်များ ဖြစ်သည်။ (လက်ရှိ အင်္ဂလိပ် ပြက္ခဒိန်)

သက္ကရာဇ် ဖြိုခြင်း အစ

ဂေါတမဘုရားရှင်၏ ဘိုးတော် အဉ္ဇနမင်းကြီး လက်ထက်တွင် ဒိဗ္ဗစက္ခုအဘိညာဉ် ရ ဒေ၀ီလရသေ့နှင့် တိုင်ပင်ပြီး ရှိရင်းသက္ကရာဇ်(၈၆၄၇)နှစ်မှ (၈၆၄၅)နှစ်ဖြို၍ ကျန်နှစ်နှစ်ကို ဘိုးတော်အဉ္ဇနမင်း ဖြိုကြွင်းသော အဉ္ဇနသက္ကရာဇ် (မဟာသက္ကရာဇ်)အဖြစ် သုံးစွဲခဲ့လေသည်။

အဉ္ဇနသက္ကရာဇ် အတွင်းမှာပင် ဂေါတမဘုရားရှင် သည် သက္ကရာဇ် ၁၄၈ ခုနှစ် ကဆုန်လပြည့်တွင် ပရိနိဗ္ဗာန် စံဝင်တော်မူခဲ့ပါသည်။ ထိုနှစ်မှာပင် ၀ါခေါင်လ မှ စ၍ ပထမ သင်္ဂါယနာ တင်ရာ ၇ လကြာခဲ့သည်။ ထိုစဉ်က မဂဓတိုင်း၊ ရာဇဂြိုလ်ပြည်၌ စိုးစံသောဘုရင် အဇာတသတ် နှင့် အရှင်မဟာကဿပတို့ တိုင်ပင်ပြီး ရှိပြီး ၁၄၈-ခုနှစ် ကို ဖြို၍ ထိုနှစ်ကို ဗုဒ္ဓသာသနာနှစ် (သာသနာသက္ကရာဇ်) ၁ ခုနှစ် ဟု သတ်မှတ်ခဲ့သည်။


ထိုမှတစ်ဖန် အစဉ်အဆက် သာသနာသက္ကရာဇ် ကို ဆက်လက် သုံးစွဲလာခဲ့ကြရာ သာသနာသက္ကရာဇ် ၆၂၄-ခု ရောက်သောအခါ သရေခေတ္တရာပြည့်ရှင် သုမုန္ဒီရဇ် မင်းလက်ထက်တွင် ရှေးဆရာ ပညာရှိ ရသေ့ကြီးများ၏ နည်းအရ ဒေါဒေါရသ (ခေါ်) နှစ်ရှည် သက္ကရာဇ် ဖြိုကိန်းနှင့် ကြုံကြိုက်သဖြင့် ၆၂၄-ခုနှစ်မှ ၆၂၂-ခုနှစ်ကို ဖြို၍ အကြွင်း ၂ -နှစ်ကို ထားကာ သုမုန္ဒရဇ်(သရေခေတ္တရာ) သက္ကရာဇ် အဖြစ် မှတ်သားသုံးစွဲ ခဲ့ပြန်သည်။

သုမုန္ဒရဇ်သက္ကရာဇ် ၅၆၂-ခုသို့ ရောက်သောအခါ ပေါက္ကံပြည့်ရှင် ဆရာသင်္ဃရာဇ် ခေါ် ပုပ္ပါးစောရဟန်းမင်း(ပုဂံမင်းဆက် ၂၁ ဆက်မြောက်မင်း) လက်ထက် ခန်းဆပဉ္ဇာ (ခေါ်) နှစ်တို သက္ကရာဇ် ဖြိုကိန်းနှင့် ကြုံကြိုက်ပြန်သည်နှင့် ၅၆၂ ခုမှ ခန်းဆပဉ္ဇာ ၅၆၀ ခု ဖြိုပြီး ကျန်သော ၂ ခု ကို ပေါက္ကံသက္ကရာဇ် အဖြစ် ယနေ့ထိ အဖြိုမရှိတော့ဘဲ ဆက်လက်သုံးစွဲခဲ့သည်။ ထိုသုံး စွဲခဲ့သော ပေါက္ကံသက္ကရာဇ်သည် ယခုအခါ မြန်မာကောဇာသက္ကရာဇ် (ဂေါဇာသက္ကရာဇ်) ဟုခေါ်သည်။

ထိုအချိန် မှ စ၍ သာသနာသက္ကရာဇ် ဟူသော မူလ အခေါ် ပျောက်သွားကာ ကောဇာသက္ကရာဇ် (သို့) သက္ကရာဇ် ဟုသာ သုံးပါတော့သည်။ သိရိခေတ္တရာ ပြည် ဘုရင် သုမုန္ဒီရဇ်မင်း ဖြိုသော ၆၂၂ ကို ပုပ္ပား စောရဟန်း လက်ထက် ဖြိုသော ၅၆၀ နှင့် ပေါင်း လျှင် ၁၁၈၂ နှစ် ရပါသည်။ ယင်း ၁၁၈၂ ကို လက်ရှိ ရောက်နေသော ကောဇာ သက္ကရာဇ် တွင် ထည့်ပေါင်းပါက ပထမသင်္ဂါယနာတင် ချိန် က စခဲ့သော သာသနာ သက္ကရာဇ် ကို ရပါသည်။
    လက်ရှိ ခရစ်နှစ် က (၆၃၈) ကို နှုတ်လျှင် မြန်မာသက္ကရာဇ် ကို ရမည်။

    မြန်မာ ပြက္ခဒိန်နှစ် ကို (၁၁၈၂) ပေါင်းပါက သာသနာနှစ် ကို ရမည်။


သက္ကရာဇ်ဖြိုရာ အင်္ဂါ ၃-ပါး

သက္ကရာဇ်ဖြိုခြင်း ဟူသည်ကား ဂဏန်းသင်္ချာအရေအတွက်တွေ များလာသည်ကို လွယ်ကူစွာ သိမှတ်နိုင် စေရန်ရည်သန်၍ အသစ်အတို ပြုခြင်းပင်ဖြစ်၏၊ သို့သော် အောက်ပါ အင်္ဂါ၃-ပါးနှင့် ညီညွတ်မှ ဖြိုအပ်သည်၊ဖြိုကောင်းသည်ဟု ပညာရှိတို့တွက်ကိန်းပုံစံ ထားကြကုန်၏၊ ကံနီ အတွင်းဝန်မင်းကမူ ကိန်းခမ်းညီးအောင်ဖြိုခြင်းသာ လိုရင်းပဓာနမှတ် ဟု ဆိုလေသည်။

    ရောက်ဆဲသက္ကရာဇ်တည်၇-ခုနှင့်စား၊ အကြွင်းမဲ့ပြတ်၊
    ရောက်ဆဲ သက္ကရာဇ်တည်၁၉-ခုစား၊ အကြွင်းမရှိပြတ်၊
    ရောက်ဆဲသက္ကရာဇ်တည် ၉၅-ခုစား၊ အကြွင်းမရှိပြတ်။
သက္ကရာဇ်ဖြိုမင်း  ၇ မင်း


(၁) အာကာရဋ္ဌမင်းကြီး လက်ထက် ကမ္ဘာဦးကာလမှစ၍ ``မဟာသုဒ္ဓ၀ယပ္ပ´´ဟူသော ပိဋကသင်္ချာနှင့်အညီ သက္ကရာဇ် (၁၁၄၉၇၈၅) ခုနှစ်တို့ကိုဖြိုခဲ့သည်။

(၂) ကုသမင်းကြီးလက်ထက်မှာ ``နာတိမဇ္ဇလဒ္ဓံဝိယ´´ ဟူသော ပိဋကသင်္ချာကိန်းခမ်းနှင့်အညီ သက္ကရာဇ် (၁၄၉၃၈၅၆၀) သော ခုနှစ်တို့ကိုဖြိုခဲ့လေသည်။

(၃) ဘိုးတော်အဉ္စနမင်းကြီးသည် ဒေ၀ီလရသေ့နှင့်တိုင်ပင်ကာ ``မာဃစန္ဒေ၊ သို့မဟုတ်ဏ၀စန္ဒေ ´´ ဟူသော ပိဋက သင်္ချာ ကိန်းခမ်းနှင့်အညီ သက္ကရာဇ် (၈၆၄၅) ခုနှစ်တို့ကို ဖြိုခဲ့လေသည်။


(၄) အဇာတသတ် မင်းကြီးနှင့် ရှင်မဟာကဿပထေရ် တိုင်ပင်ကာ ``ဒေ၀ီယ´´ ဟူသော ပိဋကသင်္ချာ ကိန်းနှင့်အညီ သက္ကရာဇ် (၁၄၈)ခုနှစ်တို့ကို ဖြိုလိုက်ပြန်လေသည်။

ထိုနောက် သာသနာသက္ကရာဇ် ၆၂၄-ခုနှစ်သို့ရောက်သောအခါ-

(၅) သုမုန္ဒရီမင်းကြီးသည် သီရိခေတ္တရာပြည်ကြီး၌ ``ဒေါဒေါရသ ´´ကိန်းခမ်းအရ ၂-ခုကြွင်းထား ၍ သက္ကရာဇ် (၆၂၂)နှစ် တို့ကို ဖြိုကာ ၂ က ပြန်စသည်။

ထိုနောက် ၅၆၂-ခုနှစ်သို့ရောက်ပြန်သောအခါ-

(၆) ပုပ္ပါးစောရဟံ မင်းကြီးသည် ပုဂံပြည်၌ ``အလံဗိက´´ ကိန်းကြုံ၍ ``ခဆပဉ္စန်း´´  ခေါ်(၅၆၀) တို့ကို ၂ ခုကြွင်းထားလျက် ဖြိုကာ ၂ က ပြန်စသည်။ ယနေ့ မြန်မာသက္ကရာဇ်ဖြစ်လာသည်။

ထိုမှနောက် သက္ကရာဇ် (၈၀၀)ခုနှစ်သို့ရောက်သော အခါ

(၇) မိုးညှင်း မင်းတရားကြီးသည်၊ ``အဋ္ဌန၀ သတ္တကိန်း´´ သို့မဟုတ် ``ဗသျှုဆိဒ္ဒမုနိကိန်း ´´ အရ (၇၉၈) ခုနှစ်တို့ကို ဖြိုပြန်သော်လည်း ကိန်းခမ်း မရောက်၍ မပြို မကြေဟု ပညာရှိတို့ ဆိုကြ ကုန်၏၊

ထိုနောက်ကား သက္ကရာဇ်ဖြိုမင်း မရှိ မပေါ်သေးပေ။

ငါအိုသွားသောအခါ(လိုသူတွေအတွက်တော့ကောင်း၏)

- ငါအိုသွားသောအခါ ငါဟာ အရင်က ငါ မဟုတ်တော့ဘူး။ ငါ့ကို နားလည်ပေးပါ။ စိတ်ရှည်ရှည်ထား ဆက်ဆံပေးပါ။

- ချည်နဲ့ နဲ့  လက်တွေနဲ့  ထမင်းဟင်းတွေ အင်္ကျီပေါ် ဖိတ်စင်သွားတဲ့အခါ အင်္ကျီ၊ လုံချည် ဖိုသီဖတ် သီ ဖြစ်နေတဲ့အခါ ငါ့ကို မရွံပါနဲ့ ။ ငယ်ငယ်တုံးက ငါ သုတ်သင်ပေးခဲ့တာတွေကို ကျေးဇူးပြုပြီး သတိရပေးပါ။

- အပ်ကြောင်းထပ်မက ပြောဖူးတဲ့စကားတွေ ပြန်ပြောမိတဲ့အခါ စကားမဖြတ်ပဲ ကျေးဇူးပြုပြီး နားထောင်ပေးပါ။ ငယ်ငယ်တုံးက အိပ်ရာဝင်တိုင်း တစ်ထောင့်တစ်ည ပုံပြင်တွေ၊ ငါးရာ့ငါးဆယ် နိပါတ်တော်တွေ၊ ဇာတ်ကြီးဆယ်ဘွဲ့ တွေ စတဲ့ ပုံပြင်တွေ မရိုးအောင် ပြောရင်း ငါ ချော့သိပ်ခဲ့တာကို သတိရပေးပါ။

- မလှုပ်ရှားနိုင်လို့  ရေချိုးဖို့  အကူအညီလိုတဲ့အခါ ငါ့ကို မငြိုငြင်ပါနဲ့ ။ ငယ်ငယ်လေးတုံးက ချော့တ လှည့် ခြောက်တလှည့် ရေချိုးပေးခဲ့ဖူးတဲ့ ပုံရိပ်လေးကို မြင်ယောင်ပေးပါ။

- ခေတ်သစ် နည်းပညာသစ်တွေကို မသိနားမလည်ခဲ့ရင် မလှောင်ပါနဲ့ ။ ငယ်ငယ်တုံးက "ဘာကြောင့်ဆို တဲ့" မေးခွန်းတိုင်းကို စိတ်ရှည်စွာ ငါ ပြန်ဖြေခဲ့တာကို သတိရပေးပါ။

- စိတ်သွားတိုင်း ကိုယ်မပါ နွမ်းလျပြီး လမ်းမလှောက်နိုင်တဲ့အခါ ခွန်အားပါတဲ့ လက်တစ်စုံနဲ့  ငါ့ကို ကူတွဲပေးကြပါ။ လမ်းလျှောက်သင်စ အရွယ်တုံးက တစ်လှမ်းချင်း လှမ်းလျှောက်လေ့ကျင်ပေးခဲ့တာတွေ ကို သတိရပေးပါ။

- တစ်နေ့ ထက်တစ်နေ့  အိုစာသွားတဲ့ ငါ့ကို ကြည့်ပြီး ၀မ်းမနည်းပါနဲ့ ။ နားလည်ပေးပါ။ အားပေးပါ။ အရင်တုံးက လူ့ ဘ၀တက်လမ်းအတွက် ငါ လမ်းညွှန်ခဲ့သလို အခုချိန်မှာ ငါ့ဘ၀ နောက်ဆုံးအချိန်အတွက် အဖော်ပြုပေးပါ။ ချစ်ခြင်းမေတ္တာနဲ့  အေးမြမှုတွေကို ငါ ပြုံးပြုံးလေး လက်ခံမှာပါ။ အဲဒီအပြုံးတွေထဲမှာ မဆုံးတဲ့ ငါ့မေတ္တာတွေ တွေ့ ရမှာပါ။

သားတို့  သမီးတို့ ရေ........ ထာဝရ ပျော်ရွှင်ချမ်းမြေ့ကြပါစေကွယ်။

Link လေးတွေထပ်တင်ပေးလိုက်တယ်နော်

• myanmardaily


• Exam Collection


• Myanmar Yellow Pages


• Myanmar Tele: Directory



• အင်တာနက် ဂျာနယ်


• အခွင့်အလမ်း ဂျာနယ်


• အောင်မြင်ခြင်း မဂ္ဂဇင်း


• People Online မဂ္ဂဇင်း


• ပလုတ်တုတ်မဂ္ဂဇင်း


• ပီစီဝါလ်(ဒ်) မြန်မာ မဂ္ဂဇင်း


• လိုက်ဖ်စတိုင် မဂ္ဂဇင်း


• တူဒေးမဂ္ဂဇင်း


• စီအီးအိုဂ္ဂဇင်း



• ပေါ်ပြူလာ ဂျာနယ်


• လျှပ်တစ်ပြက် ဂျာနယ်


• ဈေးကွက်ဂျာနယ်


• မြန်မာတိုင်း(မ်) ဂျာနယ်


• FIRST-11


• မိုဘိုင်းနည်းပညာ


• soccer myanmar


• မြန်မာနေရှင်နယ်လိဒ်


• ခရမ်းပြာအိပ်မက်



• ကဗျာ


• ညကဗျာ


• သနက်ခါး


• လိုတရ


• ရွှေဟင်္သာ


• ရွှေအိပ်မက်


• Burmese Classic


• အင်္ဂလိပ်စာလေ့လာရန်


• အင်္ဂလိပ်စာလေ့လာရန်(၁)



• Flash Band


• CITY FM


• English - မြန်မာ အဘိဓာန်


• မြန်မာ


• ဓမ္မရေးရာ


• မြတ်မြန်မာ


• မြန်မာသတင်း


• မြန်မာဂျီနီဗာ


• အင်းဝ



• အမြင်သစ်


• Planet


• ရန်ကုန်စီးတီး


• မြန်မာဂလိုဘယ်


• Foreverspace


• MRTV-3


• ကျန်းမာရေးဆိုင်ရာ


• The Best Games


• Free Flash Games



• Novel Games


• Torn City

Internet Download Manager ကို Full Version ဖြစ်အောင် Install လုပ်နည်း

ကျွန်တော် ဒီနေ့တော့ တောင်းဆိုတာလဲ များနေတဲ့အပြင် တော်တော်များများလဲ အဆင်မပြေသေးတဲ့ IDM ကို Full Version ဖြစ်အောင်မသုံးတက်သေးတဲ့ သူတွေအတွက် Keygen နဲ့ Patch File အသုံးပြုနည်းရယ် ၊ အဲ့ဒါတွေကို အသုံးမပြုမှီ ဘာတွေပြင်ဆင်ဖို့ လိုတယ်ဆိုတာရယ် မိမိစက်မှာ လက်ရှိသုံးနေတဲ့ Internet Downlaod Manager က Update မဖြစ်ဖူးဆိုရင် ဘယ်လို Update ပေးပြီး Full Version သုံးလို့ရအောင် ဘယ်လိုလုပ် ရမယ်ဆိုတာကို အသေးစိတ် Install လုပ်နည်းကအစ ပုံလေးတွေနဲ့ ရှင်းပြပေးသွားပါမယ်.. ဒီနေရမှာ ကျွန်တော်က ဘယ်လိုလုပ်ရင် အဆင်ပြေမလဲ ဆိုတာကိုပဲ အဓိကရေးပေးသွားမှာပါမယ် .. 

တစ်ခါတစ်လေ ကျတော့လဲ စာရေးရတာ တော်တော်စဉ်းစား နေရပါတယ်.. တစ်ချို့က ကွန်ပျူတာ နဲ့ပါတ်သတ်ရင် သုံးတက်တာကလွဲပြီး Software ပိုင်းတွေ နဲ့ပါတ်သတ်ရင် လုံးလုံးကိုနားမလည်တဲ့ သူတွေရှိပါတယ် .. ကျွန်တော်အနေနဲ့ အများစုအဆင်ပြေအောင် အတက်နိုင်ဆုံးတော့ ပုံလေးတွေနဲ့အဓိက ထားပြီး ရေးပေးနေတာပါပဲ.. တကယ်လို့မိမိတို့က ကွန်ပျူတာအခြေခံ လုံးဝမရှိသေးလို့ နားမလည်ဘူးဆိုရင်တောင် ပုံလေးတွေကြည့်ပြီးတော့ ကြိုးစားပြီးလုပ်ပေးစေချင်ပါတယ်.. စမ်းမကြည့်ပဲနဲ့ ဘာတွေရေးထားမှန်း နားမလည်ဘူးဆိုရင်တော့ ကျွန်တော်လည်း ဘာမှတက်နိုင်မှာမဟုတ်ပါဘူး .. ဘယ်အရာမဆို ကိုယ်တိုင်ကြိုးစား အားထုတ်မှုလေးတွေတော့ လိုအပ်တာအမှန်ပါပဲ.. ဘာမှမသိဘူးဆိုပြီး ဘာမှမလုပ်ပဲနေရင်တော့ ဘာမှသိလာမှာလဲမဟုတ်ပါဘူး ..

ကျွန်တော် အနေနဲ့ ပို့စ်တွေကို ပုံတွေနဲ့အသေးစိတ်ရှင်းပြဖို့ ပြင်ဆင်ရတာ အရမ်းအချိန်ပေးရပါတယ်.. စာရေးတယ် ဆိုတာက ကိုရေးချင်တာကို ချရေးရတာ တစ်ခုထဲဖြစ်လို့ အဆင်ပြေပါတယ်.. ပုံတွေနဲ့ရှင်းရတဲ့ အခါကျတော့ ပုံတွေကို Record လုပ်ဖို့အတွက် ပြင်ဆင်ရတယ်.. ပြီးရင် တစ်ခါကိုလိုချင်တဲ့ ပုံစံလေးတွေ ဖြစ်အောင် ပြင်ဆင်ရတယ် နောက်ပြီး ပို့စ်တင်တဲ့အခါ ပုံတွေကို Upload ပြန်တင်ရတယ်.. အရမ်းအချိန်ပေးရသလို ကျွန်တော်လဲ ပင်ပန်းပါတယ်.. ကျွန်တော်အနေနဲ့ အားလုံးကို အဆင်ပြေစေချင်လို့ အပင်ပန်းခံပြီး လုပ်ပေးရတာပါ ဒါကြောင့် ကြိုးစားပြီး လိုက်လုပ်ပေးပါလို့ပဲ ကျွန်တော် တောင်းဆိုပါရစေခင်ဗျာ.. 

အရင်ဆုံး ကျွန်တော် Internet Download Manager 6.05 ကို Keygen သုံးပြီး Full Version ဖြစ်အောင်ဘယ်လိုလုပ် ရမယ်ဆိုတာကို ရှင်းပြပေးပါမယ်.. အရင်ဆုံး Internet Download Manager ကိုစပြီး မိမိတို့စက်မှာ Install မလုပ်ခင် Registry ထဲမှာ အရင် Trail Version သုံးခဲ့တုန်းက ကျန်ခဲ့တဲ့ Key File တွေ အစအန လေးတွေကို အောက်မှာ ပုံလေးတွေနဲ့ပြထားသလို ရှင်းပေးလိုက်ပါ.. တကယ်လို့ ကျွန်တော် တို့က Registry ထဲမှာ မရှင်းခဲ့ဘူးဆိုရင် Patch ချိုးတဲ့အခါမှာ Internet Download Manager ကိုအသုံးပြု နေပါတယ်ဆိုပြီး Error တက်နေမှာဖြစ်ပါတယ်.. တကယ်လို့ Internet Download Manager ကိုခုမှ စပြီး Install လုပ်မှာဆိုရင်တော့ တန်းပြီး Install လုပ်လို့ရပါတယ်..

အရင်ဆုံး Keyboard မှ Windows + R ကိုနှိပ်ပြီး Run Box ကိုဖွင့်လိုက်ပါ.. ပြီးရင် Run Box ထဲမှာ regedit လို့ရိုက် ထည့်ပြီး Enter ခေါက်ပေးလိုက်ပါ..

အပေါ်ကအဆင်အတိုင်း Registry ထဲမှာရှင်းပြီးပြီဆိုရင် My Computer >> Local Disk ( C : ) >> Program File  ထဲမှာ  Internet Download Manager  ဆိုတဲ့ Folder ရှိမရှိရှာလိုက်ပါ.. တကယ်လို့ တွေ့တယ်ဆိုရင် အဲ့ဒီကောင်လေးကို Delete လုပ်ပေးလိုက်ပါ.. တကယ်လို့ မရှိတော့ဘူးဆိုရင်တော့ Delete လုပ်ပေးစရာမလို တော့ပါဘူး.. 

ကျွန်တော် တို့အပေါ်က အဆင့်တွေတိုင်း ရှင်းပြီးပြီ ဆိုရင်တော့ Internet Download  Manager  ကိုစပြီး Install လုပ်လို့ ရပါပြီ..အောက်မှာ ကျွန်တော် Install လုပ်နည်းကို ပုံလေးတွေနဲ့ ပြပေးထားပါတယ်..

အပေါ်က ပုံအတိုင်း  Finish ပေးပြီးပြီဆိုရင်တော့ သူက Firefox မှာသုံးမှာလား စသည်ဖြင့် မေးတာတွေရှိပါ လိမ့်မယ် .. အားလုံးကို OK ပေးလိုက်ပါ.. ပြီးရင် ကျွန်တော်တို့ Keygen File လေးကိုဖွင့်လိုက်ပါ .. ဒီနေရာမှာ Patch File လေးကိုအသုံးပြုလည်း ရပါတယ်.. ကျွန်တော် Patch File အသုံးပြုနည်း ကိုတော့ နောက်တစ်ဆင့် မှာရှင်းပြပေးပါမယ်..

အရင်ဆုံး အောက်ကပုံအတိုင်း Patch Server Check ကိုနှိပ်ပြီး Patch ချိုးပေးလိုက်ပါ..

အပေါ်က Serial Key လေးကို Copy ကူးပြီးပြီဆိုရင်တော့ IDM လေးကိုဖွင့်လိုက်ပါ .. ပြီးရင်အောက်ကပုံ မှာပြထားတဲ့ အတိုင်း Key ထည့်ပေးလိုက်ပါ..

အောက်ကပုံအတိုင်း ပေါ်လာပြီးဆိုရင်တော့ First Name နဲ့ Last Name မှာမိမိတို့ ကြိုက်တဲ့ နာမည်တစ်ခု ထည့်လိုက်ပါ .. E-Mail မှာတော့ မိမိတို့ အသုံးမပြုတော့တဲ့ E-Mail တစ်ခုထည့်လိုက်ပါ.. ပြီးရင် Serial Number မှာတော့ စောစောက Copy ကူးထားတဲ့ Serial Key လေးကို Paste ပေးလိုက်ပါ.. ပြီးရင်တော့ OK ပေးလိုက်ယုံပါပဲ..

Serial Key ထည့်ပြီးသွားပြီဆိုရင်တော့ Full Version ဖြစ်မဖြစ် ကိုအောက် နည်းအတိုင်း သွားပြီး ကြည့်လိုက်ပါ..

အပေါ်ကနည်းကတော့ Keygen ကိုအသုံးပြုပြီး Full Version သုံးလို့ရအောင် ပြုလုပ်တဲ့ နည်းလမ်းပဲ ဖြစ်ပါတယ်.. ဆက်ပြီး ဖော်ပြမဲ့ နည်းလမ်းကတော့ IDM ကို Update ဖြစ်အောင် ဘယ်လိုလုပ်ရမယ် ဆိုတဲ့ နည်းလမ်းလေးကို Update လုပ်ပြီးတဲ့ အချိန်မှာ Full Version လေးဖြစ်အောင် လုပ်တဲ့ နည်းလမ်းလေးကို Patch File လေးနဲ့ ကျွန်တော် ရှင်းပြပေးသွားပါမယ်.. ဒီနေရာမှာ ဘာကြောင်း Update လုပ်ရတယ် ဆိုတာကို ကျွန်တော် ရှင်းပြပေးပါမယ်.. အပေါ်မှာ ကျွန်တော် ရှင်းပြပေးထားတဲ့ IDM Version က 6.05 ပါ . လက်ရှိ IDM က Version 6.07 အထိ ထွက်နေပါပြီ ကျွန်တော်တို့ အနေနဲ့ နောက်ဆုံး Version လေးကိုအသုံးပြုချင်ပါတယ် .. အဲ့ဒီအတွက် စက်ထဲမှာ အရင်က သုံးနေတဲ့ Version အဟောင်းကို ဖြုတ်စရာမလိုပါဘူး .. လက်ရှိ သုံးနေတဲ့ Version ကို Update ပေးလိုက်ပါ .. ဒါဆိုရင် သူက နောက်ဆုံး Version ကို Download ချပေးပြီး Install လုပ်ပေးသွားပါလိမ့်မယ်.. ကျွန်တော်တို့က နောက်ဆုံး Version အတွက် Keygen နဲ့ Patch File လေးတွေရှာပြီး Patch ချိုးပေးလိုက်ယုံပါပဲ.. ဒါဆိုရင် အဆင်ပြေသွားပါလိမ့်မယ်.. ကျွန်တော် အောက်မှာ ဘယ်လို Update လုပ်ရမယ် ဆိုတာကို ပုံလေးတွေနဲ့ ပြပေးထားပါတယ်..

အပေါ်က Full Version ဖြစ်မဖြစ် ကြည့်တဲ့ အဆင့်အတိုင်းသွားပြီး Check For Update ဆိုတာလေးကို နှိပ်ပေးလိုက် ယုံပါပဲ..

အပေါ်ကပုံအတိုင်း Finish ပေးလိုက်ပြီဆိုရင် အောက်ကပုံအတိုင်း ပေါ်လာပါလိမ့်မယ်.. ကျွန်တော်တို့က အရင်သုံးနေတဲ့ မြင့်တဲ့ Version ကို Update ပေးလိုက်တာ ဖြစ်တဲ့အတွက်  အရင်သုံထားတဲ့ Serial Key ကအလုပ်လုပ်တော့မှာ မဟုတ်ပါဘူး.. ကျွန်တော်အောက်မှာ Update လုပ်လိုက်တဲ့ Version အသစ်ကို Full Version ဖြစ်အောင် လုပ်တဲ့ နည်းလေးကိုတော့ Patch File လေးနဲ့ ရှင်းပြပေးထားပါတယ်.. အောက်ကပုံ အတိုင်း ပေါ်လာရင် OK ပေးလိုက်ပါ.

အပေါ်က ပုံအတိုင်း OK ပေးပြီးပြီ ဆိုရင်တော့ Patch File လေးကို  Copy ကူးလိုက်ပါ..

အပေါ်ကပုံအတိုင်း Patch File လေးကို Copy ကူးပြီးပြီ ဆိုရင်တော့ အောက်ကပုံမှာ ပြထားတဲ့အတိုင်း  My Computer >> Local Disk ( C: ) >> Program File အထိအဆင့်ဆင့်သွားပြီး Internet Download Manager ဆိုတဲ့ Folder ထဲမှာ Paste လုပ်ပေးလိုက်ပါ .. 

အပေါ်ကပုံအတိုင်း Patch File လေးကို Double Click ပေးလိုက်ပြီ ဆိုရင် အောက်က ပုံအတိုင်း ပေါ်လာပါလိမ့်မယ်.. ကျွန်တော်တို့က Patch ဆိုတာလေးကို နှိပ်ပေးလိုက်ပါ .. 

အပေါ်က ပုံအတိုင်း Patch ချိုးပြီးသွားပြီ ဆိုရင်တော့ IDM လေးကိုဖွင့်ကြည့်လိုက်ပါ .. Full Version လေးဖြစ် သွားတာကို တွေ့ရပါလိမ့်မယ်..

တကယ်လို့  Trail Version လေးပဲ ဖြစ်နေသေးတယ် ဆိုရင်တော့ Patch File နဲ့အတူတူ ပါလာတဲ့ Keygen လေးကို ဖွင့်လိုက်ပါ .. ပြီးရင် အောက်ကပုံမှာ ပြထားတဲ့အတိုင်း Generate လုပ်လိုက်ပါ .. ပြီးရင် Key လေးကို Copy လုပ်ပြီး အပေါ်မှာပြခဲ့တဲ့ နည်းအတိုင်း ထည့်ပေးလိုက်ယုံပါပဲ .. ဒီလောက်ဆိုရင်တော့ အားလုံးပဲ  Internet  Downlaod  Manager  ကို Install လုပ်တာနဲ့ ပါတ်သတ်ပြီး အဆင်ပြေပြေနဲ့ ဆောင်ရွက်တက် သွားလိမ့်မယ်လို့ ထင်ပါတယ်..

ဒီပို့စ်လေးကို PDF ဖြင့်လိုချင်တယ်ဆိုရင် အောက်မှာဒေါင်းလော့ချသွားလိုက်ပါ..

Download  Ifile.it ၊ Download  Mediafire ၊ Download  Multiupload

အားလုံးပဲအဆင်ပြေကြပါစေ .. ကျေးဇူးတင်ပါတယ်ခင်ဗျာ..

စကားဟူသည်

တနေ့သ၌ မြတ်စွာဘုရားသခင်သည် စကားပြောခြင်းနှင့် ပတ်သက်၍ အကျိုး-အပြစ်တို့ကို
ဤသို့ မိန့်ကြားတော်မူ၏။

ရဟန်းတို့-စကားများသော ပုဂ္ဂိုလ်သည် အပြစ် ၅-မျိုးရှိ၏၊ ယင်းတို့မှာ-
၁။ မဟုတ်မမှန် ပြောမိတတ်၏။
၂။ အခင်အမင်ပျက်အောင် ပြောမိတတ်၏။
၃။ ကြမ်းတမ်းစွာ ဆိုမိတတ်၏။
၎။ အကျိုးမဲ့စကားကို ဆိုမိတတ်၏။
၎။ သေသည့်အခါ ငရဲသို့ ကျရောက်ရတတ်၏။

ရဟန်းတို့-ပညာဖြင့် နှိုင်းချိန်၍ စကားပြောဆိုတတ်သူသည် အကျိုး ၅-မျိုး ရှိ၏။ ယင်းမှာ-
၁။ မဟုတ်မမှန် မပြောမိတတ်။
၂။ အခင်အမင်ပျက်အောင် မပြောမိတတ်။
၃။ ကြမ်းတမ်းသောစကား မဆိုမိတတ်။
၎။ အကျိုးမဲ့စကား မဆိုမိတတ်။
၅။ သေသည့်အခါ နတ်ပြည်သို့ ရောက်ရ၏။

ရဟန်းတို့-စကားပြောဆိုသော ပုဂ္ဂိုလ်၌ အကျိုး-အပြစ်တို့သည် ဤ ၅-မျိုးတို့တည်း-ဟု မိန့်တော်မူ၏။

( အင်္ဂုတ္တိုရ်၊ ပဉ္စကနိပါတ် ဗဟုဘာဏိသုတ် )

ပျင်းရိခြင်း နှင့် မပျင်းရိခြင်း

ဗုဒ္ဓဘုရားရှင်သည် လူအများ ကျင့်သုံးလိုက်နာရန် အဆုံးအမပေါင်းများစွာကို ဟောကြားတော်မူခဲ့သည်။ ယင်းတို့တွင် ပျင်းရိခြင်းနှင့် ပတ်သက်၍ ဟောကြားသည်မှာ အထူးသတိပြု ဆင်ခြင်ဖွယ်ရာ ဖြစ်သည်။

ဗုဒ္ဓဘုရားရှင်က ပျင်းရိခြင်းနှင့် ပတ်သက်၍
(၁) ပျင်းရိ၍ အားမထုတ်ဘဲနေသောသူ။
(၂) မပျင်းရိဘဲ အားထုတ်၍နေသောသူဟူ၍ နှစ်မျိုးနှစ်စား ခွဲခြားပြသည်။
ထိုသို့ ခွဲခြားပြီးလျှင် အကျိုးအပြစ်များကိုလည်း ဖွင့်ဆိုပြသည်။

မြတ်စွာဘုရား လက်ထက်တော်အခါက မဟာဓနသူဌေးသားနဲ့ ဇနီးမယားတို့ ရှိကြသည်။ သူတို့သည် မိဘတို့၏ အမွေအနှစ်များကို ရ၍ ကြွယ်ဝချမ်းသာကြသော်လည်း အားထုတ်ခြင်းမရှိ၊ ပျင်းရိသောကြောင့် စီးပွားများပျက်၍ သူတောင်းစားဘ၀သို့ ရောက်ခဲ့ကြရသည်။

တနေ့သောအခါ ဆွမ်းစားဇရပ်တခုတွင် မြတ်စွာဘုရားသည် သံဃာတော်များနဲ့အတူ ဆွမ်းစားနေတော်မူ၏။ ထိုစဉ် တံခါးဝ၌ ခွက်လက်စွဲကာ ရပ်နေသော ထိုသူဌေးသား လင်မယားကိုမြင်၍ ပြုံးတော်မူ၏။ ပြုံးတော်မူရခြင်းအကြောင်းကို အရှင်အာနန္ဒာ မေးမြန်းလျှောက်ထားသောအခါ ဘုရားရှင်က-ငါသည် သူဌေးသားကိုမြင်၍ ပြုံးရသည်။ ဤသူဌေးသားနှင့် ဇနီးမယားတို့သည် လောကနှင့် ဓမ္မ နှစ်ဌာနတို့၌ ပျင်းရိ၍ အားထုတ်မှုမရှိသောကြောင့် လောကချမ်းသာ၊ ဓမ္မချမ်းသာ နှစ်မျိုးလုံးတို့မှ ဆုတ်ယုတ်သွားရလေပြီ-ဟု မိန့်ကြားတော်မူ၏။

ဘုရားရှင်က ဆက်လက်၍ ဤသူဌေးသားနှင့် ဇနီးမယားတို့သည် လောကဘက်၌ ပထမအရွယ်တွင် စီးပွားဥစ္စာ ရှာကြသော် ပထမတန်းစား သူဌေးများ ဖြစ်နိုင်ကြသည်။
ဓမ္မဘက်က တရားအားထုတ်ကြလျှင် သူဌေးသားက ရဟန္တာ၊ ဇနီးမယားက အနာဂါမ် ဖြစ်နိုင်ကြပေသည်-ဟု မိန့်တော်မူသည်။

ထို့နောက် ဘုရားရှင်က- ဤသူဌေးသားနှင့် ဇနီးမယားတို့သည် ဒုတိယအရွယ်တွင် စီးပွားဥစ္စာရှာကြသော် ဒုတိယတန်းစား သူဌေးများ ဖြစ်နိုင်ကြပေသည်။
ဓမ္မဘက်က တရားအားထုတ်ကြသော် သူဌေးသားက အနာဂါမ်၊ ဇနီးမယားက သကဒါဂါမ် ဖြစ်နိုင်ကြပေသည်။

အကယ်၍ တတိယအရွယ်တွင် စီးပွားဥစ္စာရှာကြသော် တတိယတန်းစား သူဌေးများ ဖြစ်နိုင်ကြပေသည်။
ဓမ္မဘက်က တရားအားထုတ်ကြလျှင်မူ သူဌေးသားက သကဒါဂါမ်၊ ဇနီးမယားက သောတာပန် ဖြစ်နိုင်ကြပေသည်။

ယခုမူ ပျင်းရိ၍ အားမထုတ်ခဲ့သောကြောင့် သူဌေးအဖြစ်မှလည်း ဆုတ်ယုတ်သွားကြပေပြီ။ သောတာပန်၊ သကဒါဂါမ်၊ အနာဂါမ်၊ ရဟန္တာ မဖြစ်ကြဘဲ မဂ်ချမ်းသာ၊ ဖိုလ်ချမ်းသာတို့မှလည်း ဆုတ်ယုတ်သွားကြပေပြီ-ဟု မိန့်တော်မူသည်။
ဤမိန့်တော်မူချက်သည် ပျင်းရိခြင်း၏ အကျိုးနှင့်အပြစ်ကို ကောင်းစွာ သာဓကပြလျက်ရှိသည်။


လောကနီတိကျမ်းဆရာများကလည်း ပျင်းရိ၍ အားမထုတ်ဘဲနေသူတို့၏ ဆုတ်ယုတ်သွားပုံကို ရေးသားဖွင့်ပြကြသည်။
* ပျင်းရိသူသည် အတတ်ပညာ မတတ်၊
အတတ်ပညာ မရှိသူအား စီးပွားဥစ္စာ မရနိုင်၊
စီးပွားဥစ္စာ မရှိသူအား မိတ်ဆွေကောင်း မရနိုင်၊
မိတ်ဆွေကောင်း မရှိသူအား ချမ်းသာသုခ မရနိုင်၊
ချမ်းသာသုခ မရှိသူအား ကောင်းမှုမပြုနိုင်၊
ကောင်းမှုမရှိသောသူအား နိဗ္ဗာန်ချမ်းသာကို မရနိုင်-ဟူ၍ လောကဓမ္မ နှစ်ဌာနလုံး၌ ဆုတ်ယုတ်သွားပုံကို ဖွင့်ဆိုပြထားသည်။

ဤကား ကျွန်ုပ်တို့ စာစောင်က ဦးထိပ်ထားသော သဒ္ဓမ္မရံသီရိပ်သာ ဆရာတော်ကြီး၏ ဓမ္မဆောင်းပါးတပုဒ်တွင် ရေးသားချက်ဖြစ်သည်။ မြတ်မင်္ဂလာစာစောင်တွင် ဖော်ပြပြီးဖြစ်သော်လည်း အလွန်တန်ဖိုးရှိလှသဖြင့် ကျွန်ုပ်တို့ ထပ်ဆင့်တင်ပြလိုက်ရပေသည်။

ထူးခြားလက္ခဏာ စုံစုံညီ ရသေ့ကြီး ဦးခန္တီ

မြန်မာနိုင်ငံကား ဗုဒ္ဓသာသနာထွန်းကားသော နိုင်ငံတော်ဖြစ်၏။ သာသနာတော် ထွန်းလင်းရန် သာသနာပြုပုဂ္ဂိုလ်များသည် စွမ်းစွမ်းတမံ သယ်ပိုးဆောင်ရွက်ခဲ့ကြပါသည်။ ထိုထိုသော သာသနာပြုပုဂ္ဂိုလ် အာဇာနည်များတွင် ရသေ့ကြီး ဦးခန္တီမှာ များစွာထင်ရှားလှပါသည်။ 

ရသေ့ကြီးဦးခန္တီသည် ထွက်ရပ်ပေါက် သိဒ္ဓိရှင် ဘိုးတော်အောင်မင်းခေါင်နှင့် အတိတ်ဘ၀များစွာ၌ ရေစက်ဆုံကြကာ တဦးပါရမီကို တဦးက ဖြည့်ဆည်းပေးခဲ့ကြောင်း သိရှိရပါသည်။ သာသနာနှစ် (၂၅၀၀)ကျော်တွင် ဘုရားရှင်၏ ဗျာဒိတ်တော်အရ သထုံပြည်နှင့် ရာမညတိုင်းလုံးဆိုင်ရာတွင် သာသနာ့ဓာတ်ပန္နက် ရိုက်နှက်တော်မူရန် ဘိုးတော်အောင်မင်းခေါင်က ရသေ့ကြီးဦးခန္တီအား အပ်နှင်းလွှဲအပ်ခဲ့သည်ဟု မှတ်သားဖူးသည်။ ၀ိဇ္ဇာဓိုရ်ပုရပိုက်မှတ်တမ်း၌ အတိတ်ဘ၀တခုတွင် ဘိုးတော် အောင်မင်းခေါင်သည် ဓမ္မစေတီဖြစ်ခဲ့ဖူးကြောင်း ရသေ့ကြီးဦးခန္တီမှာလည်း ဓမ္မစေတီ ဓမ္မပါလရဟန်း ဖြစ်ခဲ့ ကြောင်း အဆိုရှိပါသည်။ 

ရသေ့ကြီးဦးခန္တီသည် မြန်မာနိုင်ငံတ၀ှမ်းလုံးကို လှည့်လည်ကာ ဗုဒ္ဓသာသနာတော်ကြီး တည်တံ့ပြန့်ပွား နိုင်ရေးအတွက် အားထုတ်ကြိုးပမ်းခဲ့၏။ ဘုရားစေတီပုထိုးများကို ပြုပြင်ခြင်း၊ အသစ်တည်ခြင်းများကို ဆောင်ရွက်ခဲ့၏။ ရသေ့ကြီးဦးခန္တီသည် ဘိုးတော်အောင်မင်းခေါင်၏ တာဝန်ပေးချက်အရ စေတီတော် များကို တည်ခဲ့ရာတွင် အောက်ပါစေတီများမှာ ထင်ရှားကြလေ၏။

၁။ သထုံမြို့တွင် အဋ္ဌကထာကျမ်းပြု ဗုဒ္ဓဃောသအရှင် တည်ထားတော်မူခဲ့သော ဖောင်တော်ဦးဘုရားကို 

    ထပ်မံပြုပင် တည်ထားပြီးမြောက်ခဲ့၏။(ဉာဏ်တော်အမြင့် ၁၂၅-တောင် ရှိပါသည်)

၂။ မော်လမြိုင်မြို့အနီး ခရုံဂူတောင်အတွင်း၌ သကျသီဟဘုရားကြီးကို တည်ထားပြီးမြောက်ခဲ့ပါသည်။ 

    ထို့အပြင် သိမ်း၊ စောင်းတန်း၊ ဇရပ်၊ ကျောင်းများကို တည်ဆောက်ပြီးစီးခဲ့ပါသည်။

၃။ သထုံခရိုင် သစ်ဆိပ်အနီး ကဿဖရွာ ကဿဖချောင်းဖျားတွင် တည်ရှိသော မဥတောင်ပေါ်၌ အရှင် 

    မဟာကဿဖမထေရ် ယူဆောင်လာသည့် ဓာတ်တော်များနှင့် ရွှေပန်းငါးခိုင်အား ဌာပနာ၍ 

   တည်ထားတော်မူခဲ့သော ဆုတောင်းပြည်ဘုရားကို ထပ်မံတည်ထားပြီးမြောက်ခဲ့ပါသည်။ 

   (ဉာစ်တော်အမြင့် ၇၅-တောင်ရှိ၏။)

၎။ ဟံသာဝတီပြည်ရှိ ဓနုတ်ဘုရားကြီးကို ထပ်မံပြင်ဆင်၍ တည်ထားပြီးစီးခဲ့ပါသည်။ 

   (ဉာဏ်တော်အမြင့် 

    ၁၂၅-တောင်ရှိ၏။

၅။ ဖျာပုံခရိုင်တွင် သမိန်ထောရာမ ဖောင်တော်ဦးဘုရားကြီးကို တည်ထားပြီးစီးခဲ့ပါသည်။ 

    ( ဉာဏ်တော် အမြင့် ၇၅-တောင် ရှိ၏)

၆။ ပုသိမ်ခရိုင် ၀ါးခယ်မမြို့နယ် မရမ်းကျိုက်ပိ၌ စိတ်ဘုရားကို တည်ထားပြီးစီးခဲ့ပါသည်။    

    (ဉာဏ်တော်အမြင့် ၉၉-တောင် ရှိ၏။)

၇။ က၀မြို့နယ်၌ လေးကျွန်းမာရ်အောင် စေတီတော်ကို တည်ထားပြီးစီးခဲ့ပါသည်။ 

    (ဉာဏ်တော် ၇၅-တောင်ရှိ၏)

၈။ အဆိုပါ လေးကျွန်းမာရ်အောင် ဘုရားအနီး မြေနေရာတွင် ပုပ္ပါးတောင်ကလာပ် ပုံသဏ္ဍာန်ပြုလုပ်၍  

   တောင်ကလာပ်ပုံပေါ်တွင် အောင်ဆုပန်စေတီတော်တဆူ တည်ထားပြီးစီးခဲ့ပါသည်။ 

   (ဉာဏ်တော် ၃၇-တောင် ရှိ၏။)

ဤကား ရသေ့ကြီးဦးခန္တီ၏သာသနာပြုလုပ်ငန်းများ အနက်မှ တစိတ်တဒေသမျှသာ ဖြစ်ပါသည်။ စင်စစ် ရသေ့ကြီးဦးခန္တီသည် ပါရမီရှင်ပုဂ္ဂိုလ်တဦး ဖြစ်၏။ ၄င်း၌ ထူးခြားသော လက္ခဏာကြီးငယ်များရှိလေရာ လေ့လာမိသမျှ တင်ပြရသည်ရှိသော်---

၁။ မျက်နှာတော်တွင် နဖူးပြင်က ဆင်ဦးကင်းကဲ့သို့ ပုံသဏ္ဍာန်ရှိခြင်း။

၂။ လည်ပင်းတွင် လည်ရစ်သုံးတန် ရှိခြင်း။

၃။ လက်ရင်း၌ ကြာဖိုကြာမ ရှိခြင်း။

၎။ လက္ခဏာတွင် ငါးကြင်းပုံတော် ပေါ်နေခြင်း။

၆။ လက်ရင်းတွင် အရစ် ဆယ့်ကိုးရစ်ရှိခြင်း။

၇။ ခြေသလုံးတွင် မြွေသဏ္ဍာန် မြွေမျက်လုံးနှစ်လုံး ရှိခြင်း။

၈။ ခြေဖ၀ါးတွင် ကြက်ခြေခတ်များ ပါရှိခြင်း။

၉။ ဒူးတွင် ဆင်ဦးနှာမောင်းပုံသဏ္ဍာန်နှင့် ပျော့ပျော့ပျောင်းပျောင်း ရှည်လျားစွာရှိခြင်း။

၁၀။ လက်ဖ၀ါးတွင် စကားဝါအပွင့် ပါရှိခြင်း

စသော ကြန်အင်လက္ခဏာများရှိကြောင်း လေ့လာသိရှိရပေရာ သာသနာပြုပုဂ္ဂိုလ်ဖြစ်သော ပါရမီရှင်ဖြစ်သော ရသေ့ကြီးဦးခန္တီကား မြန်မာနိုင်ငံ၏ သာသနာသမိုင်းတွင် ထာဝရထင်ရှားနေမည့် ပုဂ္ဂိုလ်ထူးပုဂ္ဂိုလ်မြတ်ဖြစ်ကြောင်း ကောက်ချက်ချရမည်သာ ဖြစ်ပါတော့၏။

မောင်စံထား (ဓနုဖြူ)

ရသေ့ကြီး ဦးခန္တီ ပုတီးစိပ်

ရသေ့ကြီး ဦးခန္တီကား မြန်မာနိုင်ငံ တ၀န်းရှိ သာသာနရေးဆိုင်ရာ အဆောက်အဦးများစွာကို ဦးစီးပြီး ဆောင်၇ွက်တည်ထောင်ပေးသော ပြုပြင်ထိန်းသိမ်းပေးသော သာသနာ့ဟိတဓဇ နာယက ပုဂ္ဂိုလ်ထူး ပုဂ္ဂိုလ်မြတ်တဦး ဖြစ်၏။

ရသေ့ကြီး ဦးခန္တီသည် မန္တလေးတောင်တော် အပါအ၀င် မြန်မာနိုင်ငံ အရပ်ရပ်ရှိ မြို့ပေါင်း ၂၁၊ ဌာနပေါင်း ၄၇-ဌာနတို့၌ သာသနာရေးဆိုင်ရာ အဆောက်အဦး အမျိုးမျိုးတို့ကို အခိုင်အခန့် ပြုပြင်တည်ဆောက်ခဲ့သည်။ ရသေ့ကြီး ဦးခန္တီ ပြုပြင်တည်ဆောက်ခဲ့သော မြန်မာနိုင်ငံတ၀ှမ်းရှိ သာသနာရေးဆိုင်ရာ အဆောက်အဦများ၏ ရှေးခေတ်တန်ဖိုးမှာ ကုဋေ(၅၀)မျှ ရှိမည်ဟု ခန့်မှန်းကြသည်။ ဒုတိယကမ္ဘာစစ်အတွင်းက စစ်ဒဏ်ကြောင့် ပျက်စီးသွားသော သာသနာ့အဆောက်အဦ အချို့၏ တန်ဖိုးမှာ သိန်း(၂၀)ကျော် ဖြစ်သည်ဟု မှတ်သားသိရှိရ၏။

သေသောသူ ကြာလျှင်မေ့-ဟူသော စကားရှိ၏။ သို့သော် မမေ့သင့် မမေ့ထိုက် မမေ့အပ်သော ပုဂ္ဂိုလ်များကို မမေ့ကောင်းဟု ကျွန်ုပ်ထင်၏။ ထို့အတွက်ကြောင့် သာသနပြုရသေ့ကြီး ဦးခန္တီအကြောင်းနှင့် သူ၏ လူသိနည်းသော အစွမ်းထက်မြက်သည့် ပုတီးစိပ်အကြောင်းကို ကျွန်ုပ်သည် သုတေသနပြု လေ့လာပြီး ဓမ္မမိတ်ဆွေ သူတော်စင်တို့အတွက် တင်ပြအပ်ပါသည်။

ဇာတိမျိုးရိုး---

ရသေ့ကြီး ဦးခန္တီကို အဖ ဦးရွှေလှ+အမိ ဒေါ်ခိုဥ-တို့မှ ရမည်းစင်းမြို့နယ် အနောက်တောင် ရွာသာရွာ နိဂုံး၌ (၁၂၂၉)ခုနှစ် ၀ါခေါင်လပြည့်ကျော်(၅)ရက် တနင်္လာနေ့တွင် ဖွားမြင်၏။ အချို့က ရသေ့ကြီး ဦးခန္တီ၏ အမိဖြစ်သူမှာ ဒေါ်ကန်-ဟု အမှတ်အသား ပြုကြသည်။

ရသေ့ကြီး ဦးခန္တီ၏ ငယ်နာမည်မှာ မောင်ဖိုးမောင်-ဖြစ်သည်။ (၁၂၄၉)ခုနှစ်တွင် ရဟန်းအဖြစ်သို့ ရောက်သည်။ ရဟန်းဝါ (၁၂)၀ါတိုင်တိုင် စာပေကျမ်းဂန်များကို မပြတ်သင်ကြားခဲ့ပြီးနောက် (၁၂၆၁)ခုနှစ်တွင် သိက္ခာချလျက် ရသေ့အသွင်သို့ ကူးပြောင်းသွားခဲ့ပြီးနောက် ရသေ့ဘ၀ဖြင့် မန္တလေးမြို့ သာခိုတောင် ရွှေမြင်တင်တောင်များ၌ ကမ္မဋ္ဌာန်းတရားများကို အားထုတ်နေသည်။

ရမည်းသင်း ရွှေမြင်တင်တောင်---

ရသေ့ကြီး ဦးခန္တီသည် ရမည်းသင်း အရှေ့ဘက် ရွှေမြင်တင်တောင်မှ အစပြု၍ သာသနာပြုခရီး စတင်ခဲ့သည်။ (၁၂၆၉) ခုနှစ်တွင် မန္တလေးတောင်တော်သို့ ကြွရောက်လာခဲ့သည်။ ရသေ့ကြီး ဦါ်ခန္တီ သာသနာပြုခဲ့သော မြို့ပေါင်း (၂၀) ဌာနပေါင်း (၄၇)ဌာန ရှိခဲ့၏။

၁။ မန္တလေးမြို့=မန္တလေးတောင်၊ ရန်ကင်းတောင်၊ မယ်ခဲ့တောင်၊ အာနန္ဒာ၊ နန်းတွင်းတောရ၊ ရွှေစာရံ၊ 

                   ကျောက်တော်ကြီး၊ စန္ဒာမုမိ ကုသိုလ်တော်၊ သကျသီဟ၊ တောင်ပြုံး၊ ဆုတောင်းပြည့်၊ 

                   ဆုတောင်းရ။ 

၂။ ပြင်ဦးလွင်= ဉာဏ်တော် မဟာမြတ်မုနိ၊ ရေ၀င်တောင်။

၃။ နမ္မတူ=      ရွှေမြင်သာတောင်။

၎။ သီပေါ=     ဘော်ကြိုဘုရား။

၅။ စစ်ကိုင်း=   ဆင်များရှင်၊ ရှင်ဖြူရှင်လှ။

၆။ မိုးကောင်း= မန်းဦးတောင်။

၇။ တောင်ကြီး=ရပ်တော်မူဘုရား။

၈။ ပင်းတယ=  ရွှေဥမင်ဘုရား၊ လိုဏ်ဂူ။

၉။ ရမည်းသင်း=ရွှေမြင်တင်၊ တောင်ပခြုပ်၊ 

    ရွှေယင်ကျော်=ရွှေယင်အိ၊ ရွှေယင်ဖုံး၊ မင်းသမီး၊ မဟာမြတ်မုနိ၊ ပျော်ရွာ၊ ပိတောက်ကုန်း(ညောင်လွန်)

၁၀။ နေပြည်တော် ပျဉ်းမနား=ဆင်ဖြူတောင်၊ စူဠာမဏိ(ဓမ္မိကတောင်)

၁၁။ နေပြည်တော် လယ်ဝေး=ရွှေလက်လှဘုရား။

၁၂။ ပဲခူး=        ရွှေဟင်္သာကုန်း၊ နောင်တော်ကြီး။

၁၃။ သထုံ=မဟာမြတ်မုနိ၊ ရဟန္တာကျောင်း၊ ဓာတ်တော်စေတီ၊ ရွှေစာရံကျောက်စာ။

၁၄။ မော်လမြိုင်=အလံတင်တော်(ဦးခန္တီ)ဘုရား။

၁၅။ ချောင်းဆုံ=မြင်းမိုရ်တောင်။

၁၆။ ပုပ္ပါး=      ရွှေသာလျောင်း။

၁၇။ ကျောက်ဆည်=ရွှေဆပ်သွား။

၁၈။ မိုးကုတ်=  ထီးတောင်။

၁၉။ အင်းဝ (တံတားဦး)=မင်္ဂလာစေတီ။

၂၀။ မင်းဘူး=  မန်းစက်တော်၊ ကျောင်းတော်ရာ(ဆယ်တော်)၊ မဟာမြတ်မုနိ တို့ဖြစ်၏။ 

ခြွင်းချက်မရှိ ယုံကြည်ခြင်း---

သာမန်လူတို့ စိတ်ကူးဖြင့် ပြုလုပ်ရန်ပင် မ၀ံ့သည့် သာသနိက အဆောက်အဦကြီးများကို တောင်ထပ်များ ပေါ်၌ တည်ဆောက်ရသည့် တာဝန်မှာ ကြီးလေးလှပါဘိ၏။ ထူးခြားသော ရသေ့ကြီး ဦးခန္တီ၏ စိတ်၊ စေတနာ၊ သဒ္ဓါ၊ အစွမ်းသတတိ၊ ပါရမီ တန်ခိုးသတ္တိတို့ကြောင့် လွယ်ကူစွာဖြင့် ပြီးစီးအောင်မြင်ခဲ့သည်သာ ဖြစ်သည်။

ရသေ့ကြီး ဦးခန္တီ၏ ဘာသာရေး၊ သာသနာရေး လုပ်ရပ်တို့ကို မြန်မာနိုင်ငံတ၀န်းလုံးရှိ ဗုဒ္ဓဘာသာဝင် အပေါင်းတို့က နှစ်သက်ကြည်ဖြူကြသည်။ အနယ်နယ် အရပ်ရပ်မှ စေတနာရှင်များကလည်း အလှူငွေများစွာဖြင့် ထည့်ဝင်လှူဒါန်းကြသည်။ ရသေ့ကြီး ဦးခန္တီ၏ စေတနာ၊ သဒ္ဓါတရားတို့ကို ခြွင်းချက်မရှိ ယုံကြည်လက်ခံကြ၏။

အကြီးအကဲများ မျက်လုံးပြူး---

ရသေ့ကြီး ဦးခန္တီ ဆောက်လုပ်လှူဒါန်း သာသနာပြုခဲ့သော ဘုရား၊ စေတီ၊ ပုထိုး၊ တန်ဆောင်း၊ ပြာသာဒ်၊ ဇရပ်၊ ရေကန်၊ စောင်းတန်း၊ အသွယ်သွယ်တို့မှာ လက်စွတြော်ပန်းရံ ပန်းပဲပညာရှင်များနှင့် သစ်ဝါး မပါဘဲ သံ၊ သဲ၊ ကျောက်၊ ဘိလပ်မြေ(အင်္ဂတေ) များဖြင့်သာ ပြုလုပ်ခဲ့သည်။ မန္တလေးတောင်တော် တခုတည်းပင် (၁၁၆-)သိန်းကျော် ကုန်သည်ဆို၏။  ထိုသို့ ငွေသိန်းပေါင်းများစွာ တန်ဖိုးရှိသော သာသနိက အဆောက်အအုံများကို ရသေ့ကြီးဦးခန္တီ လုပ်ကိုင်စီမံ ဆောင်ရွက်နေသည်ကို ဗြိတိသျှအစိုးရ အကြီးအကဲတို့ပင် မျက်လုံးပြူး၍ အံ့သြခဲ့ကြရသည်။

ရွှေဖြစ်သည်ဟူသော သတင်း---

ဗြိတိသျှ အစိုးရလက်ထက်က ရသေ့ကြီး ဦးခန္တီ ရွှေဖြစ်သည်ဟူသော သတင်းကြောင့် ဘုရင်ခံ၏ အထူးယုံကြည်မှုကို ခံရသော စုံထောက်(၃)ဦးကို စေလွှတ်ပြီး ရသေ့ကြီး ဦးခန္တီ ငွေစက္ကူ လုပ်-မလုပ် ဆိုသည်ကို လျှို့ဝှက်စွာ ထောက်လှမ်းခဲ့သည်ဆို၏။ မြန်မာနိုင်ငံကို အုပ်ချုပ်သော ဘုရင်ခံ၏ အထူးစုံထောက်များသည် ရသေ့ကြီး ဦးခန္တီ ငွေစက္ကူ လုပ်-မလုပ် သိ၇အောင် စုံစမ်းထောက်လှမ်းရန် မန္တလေးတောင်ခြေတွင် လူသွားလူလာ အရိပ်အခြည်ကို စောင့်ကြည့်နေကြသည်။

ရက်အားဖြင့်သာ နှဏ်ရက်သုံးရက်ခန့် ကြာမြင့်သွားပြီဖြစ်၏။ ရသေ့ကြီး ဦးခန္တီနှင့် ပတ်သက်သောသတင်း သဲလွန်စကို ရှာမရအောင် ဖြစ်နေချိန်တွင် မန္တလေးတောင်ပေါ်မှ ရသေ့ကြီး ဦးခန္တီက ထိုစုံထောက် အကျော်အမော်များကို လူလွှတ်ပြီး တောင်ပေါ်သို့ အခေါ်ခိုင်းလိုက်၏။

မန္တလေးတောင်ပေါ်သို့ ရောက်သောအခါ ရသေ့ကြီး ဦးခန္တီက တည်ကြည်သည့် မျက်နှာထားဖြင့် မောင်ရင်တို့ ဘာကိစ္စ စုံစမ်းထောက်လှမ်းစရာရှိလို့ ဒီကိုလာတာလဲ-ဟူ၍ မေး၏။

စုံထောက်ကျော်များသည် ဘာမျှမပြောသေးဘဲ တဦးမျက်နှာ တဦးကြည့်ကာ မည်သို့မည်ပုံ အဖြေပေးရလျှင် သင့်နိုးနိုး စဉ်းစားနေကြသည်။ နောက်ဆုံးတွင် အမှန်အတိုင်း ဖွင့်ဟ၀န်ခံရလျှင် ကောင်းမည်ဟူ၍ ဆုံးဖြတ်ပြီး

တပည့်တော်တုိ့ဟာ ရသေ့ကြီး ငွေတွေ အများကြီးရအောင် ဘယ်ပုံဘယ်နည်း လုပ်သလဲဆိုတာကို ဘုရင်ခံက တာဝန်ပေးလို့ စုံစမ်းထောက်လှမ်းရအောင် လာရခြင်း ဖြစ်ပါတယ်ဘုရား။

ဟု လျှောက်ထား၏။ ထိုအခါ ရသေ့ကြီး ဦးခန္တီက-

သြော်-ငွေကိစ္စကို ငါ့အနေနဲ့ ဘယ်လိုလုပ်ပြီး ငွေတွေအများကြီးရအောင် လုပ်တယ်ဆိုတာ သိချင်တာပေါ့။

မှန်ပါ့-

ကဲ ဒီလိုဆိုလည်း သိရအောင် လုပ်ပြရတာပေါ့။ သေသေချာချာ ကြည့်ထားကြနော်-

ထိုသို့ ပြောဆိုပြီး ရသေ့ကြီး ဦးခန္တီသည် သူ့ရှေ့တွင်ရှိသော ကြေးစည် အဖိုနှင့်အမကို သူကိုယ်တိုင်ပင် သွား၍ သုံးချက်တီးလိုက်၏။

ဤသို့ ကြေးစည်ကို တီးခတ်လိုက်သည်နှင့် တခဏအတွင်းမှာပင် တောင်ခြေမှ ဘုရားဖူး ပရိသတ်သည် အစုလိုက် အပြုလိုက် မန္တလေးတော်ပေါ်သို့ တက်ရောက်လာကြပြီး မိမိတို့ စိတ်၊ စေတနာ၊ သဒ္ဓါရှိသလောက် ရွှေ၊ ငွေ၊ ကျောက် လက်ဝတ်ရတနာပစ္စည်းအပြင် ငွေများကိုလည်း ရသေ့ကြီးအား လှူဒါန်းတော့၏။

ယင်းကဲ့သို့လှူဒါန်းခြင်းသည် အလှူခံသေတ္တာပုံးအတွင်းသို့ ငွေများ ထည့်သွားခြင်းမဟုတ်၊ နေရပ်လိပ်စာ အပြည့်အစုံ မေးကာ ငွေများ ထည့်ဝင်လှူဒါန်းသွားခြင်း ဖြစ်သည်။ အလှူရှင်များ၏ နေရပ်လိပ်စာ အပြည့်အစုံကို ရသေ့ကြီးဦးခန္တီက စုံထောက်ကျော်များအား  ရေမှတ်စေ၏။ အလှူရှင်များသည် မြန်မာနိုင်ငံ အနယ်နယ်အရပ်ရပ်မှ လာကြသူများဖြစ်သည်။ တရက်တည်း တချိန်တည်းအတွင်း၌ တစုတဝေးတည်း ရောက်ရှိလာကြပုံမှာ ဆန်းကြယ်၍နေတော့သည်။

စုံထောက်ကျော်ကြီးများက အလှူရှင်များ၏ ရုပ်လက္ခဏာကိုလည်း အသေအချာလေ့လာမှတ်သားလေ့ ရှိသည်။ နေရပ်လိပ်စာ အပြည့်အစုံကိုလည်း ရေးကူးမှတ်သားထား၏။ ယခင်က လှူဒါန်းပြီးသည် ဆိုသောသူများ၏ နေရပ်လိပ်စာများကိုလည်း ရေးကူးထားပြန်၏။ စုံထောက်ကြီးများကိုယ်တိုင် တနာရီခန့် အလှူရှင်များ၏ နေရပ်လိပ်စာ အပြည့်အစုံကို ရေးမှတ်သားပြီး အလှူငွေများကို ကောက်ခံသိမ်းယူကြည့်ရာ တနာရီအတွင်း ရရှိသော အလှူငွေများမှာ ကျတ်တသောင်းကျော် ရှိလေသည်။

ဤတွင် စုံထောက်ကျော်ကြီးများသည် ရသေ့ကြီးဦးခန္တီအား ဦးချကာ မန္တလေးတောင်ပေါ်မှ ပြန်လည်၍ ဆင်းသွားကြတော့၏။ ထို့နောက်တွင် စုံထောက်ကျော်ကြီးများသည် သူတို့ ရေးမှတ်ယူသွားခဲ့သော နေရပ်လိပ်စာများသို့ သွားရောက်၍ စုံစမ်းကြည့်ရာ အမှန်တကယ်ရှိသောသူများ ဖြစ်ကြပြီး စေတနာသဒ္ဓါ တရား ထက်သန်စွာဖငြ့် လှူဒါန်းခဲ့ကြသော ပုဂ္ဂိုလ်များ ဖြစ်နေသည်ကို တွေ့ရသည်ဆို၏။ ထိုအကြောင်း အရာတို့ကို ဘုရင်ခံထံသို့ သူတို့၏အတွေ့အကြုံများ အစီရင်ခံစာ ရေးသားတင်သွင်းလိုက်သောအခါ "ရသေ့ကြီး ဦးခန္တီ ငွေစက္ကူ လုပ်,မလုပ်၊ ရွှေ ဖြစ်,မဖြစ် ဆိုသော ပြဿနာ-မှာ ရှင်းသွားတော့သည်။

သာသနာပြု ပုဂ္ဂိုလ်---

ထိုအချိန်မှစ၍ ဗြိတိသျှအစိုးရိုကုယ်တိုင်ပင် ရသေ့ကြီးဦးခန္တီအား တကယ်စစ်မှန်သော သူတော်ကောင်း သာသနာပြုပုဂ္ဂိုလ်ကြီးအဖြစ် အသိအမှတ်ပြုခြင်းကို ခံခဲ့ရသည်။ ရသေ့ကြီးဦးခန္တီ သွားလိုရာသို့ ရေကြောင်း၊ ကုန်းကြောင်း၊ ခရီးလမ်းများကို အလွယ်တကူ သွားလာနိုင်စေရန် ခွင့်ပြုလက်မှတ်များ ဆက်ကပ်လှူဒါန်းထားသည်။ ရသေ့ကြီး ဦးခန္တီ ပြုလုပ်သော ဘုရားပွဲတော် ပျော်ပွဲရွှင်ပွမျြားကို ဗြိတိသျှ အင်္ဂလိပ် အစိုးရမင်းထံ အမိန့်မခံယူဘဲ ပြုလုပ်နိုင်သည်အထိ အထူးအခွင့်အရေးများကို ပေးထား၏။

ဘုရင်ခံက လေးစားခြင်းခံရ---

မကြာမီမှာပင် မြန်မာဘုရင် ဆာဟာကုတ်ဘတ္တလာ၏ ဇနီးမောင်နှံတို့ကိုယ်တိုင် ရသေ့ကြီး ဦးခန္တီရှိရာ မန္တလေးတောင်တော်သို့ ရိုသေလေးစားစွာ လာရောက်၍ နှုတ်ဆက်ဂါရ၀ပြုသည်။ မြန်မာဘုရင်ခံ ဆာဟာကုတ်ဘတ္တလာသည် ရသေ့ကြီး ဦးခန္တီအား တွေ့သည်နှင့် လက်မှကိုင်ထားသော ဦးထုပ်ကိုပြကာ "ကျွန်ုပ် ခင်ဗျားကို ဘယ်လောက်လေးစားကြည်ညိုပါသလဲ ဆိုရင် ခင်ဗျားဆီကို လာတဲ့အတွက် မင်းတဲ(ဗိုလ်တဲရိပ်သာ)မှ ထွက်စဉ်ကပင် ဦးထုပ်ကို  ချွတ်ကိုင်လာခဲ့ပါတယ်-ဟူ၍ ပြောပြ၏။

ရသေ့ကြီး ဦးခန္တီမှာ မြန်မာလူမျိုးများသာမက နိုင်ငံခြားသားများပင်လျှင် လေးစားကြည်ညိုခြင်းကို ခံရသော လူတော်လူကောင်း ပုဂ္ဂိုလ်ကျော်တဦး ဖြစ်၏။ (၁၉၆၆)ခုနှစ်တွင် နိုင်ငံခြားသား လာမာဂေါဝိန္ဒ-သည် တိမ်ဖြူဖြူခရီး (The way of the white cloud) အမည်ရှိ ခရီးသွားမှတ်တမ်း စာအုပ်ကို ရေးသာပြုစုခဲ့သည်။ ထိုစာအုပ်သည် ပဉ္စမအကြိမ်အထိ ထုတ်ဝေခဲ့ရ၍ လူကြိုက်များလှသော စာအုပ်ဖြစ်ကြောင်း ထင်ရှားသည်။ ယင်းစာအုပ်တွင် မန္တလေးတောင် ရသေ့ကြီး ဦးခန္တီ-ခေါင်းစဉ်ငယ်ဖြင့် ရသေ့ကြီး ဦးခန္တီအား မိမိမြင်ရစဉ်က အတွေ့အကြုံများကို စိတ်ဝင်စားဖွယ် မှတ်တမ်းတင်ကာ ရသေ့ကြီး ဦးခန္တီ၏ ဂုဏ်ကျေးဇူးများကို အကျယ်တ၀င့် ရေးသားဖော်ပြထားသည်ကို လေ့လာဖတ်ရှုခဲ့ရ၏။

ဓနသိဒ္ဓိ---

ရသေ့ကြီးဦးခန္တီသည် မန္တလေးတောင်ကို မွမ်းမံသူဖြစ်သောကြောင့်မန္တလေးတောင် ရသေ့ကြီး ဦးခန္တီ-ဟူ၍ ပိုမိုလူသိများ၏။ ရသေ့ကြီး ဦးခန္တီ ကြီးမှူးနှိုးဆောင်၍ ပြုလုပ်သော ကောင်းမှုကုသိုလ်များမှာ လွန်စွာမှ များပြားလှသည်။ အတိအကျ တန်ဖိုးဖြတ်ရန် မလွယ်ကူပေ။ ထို့အတွက်ကြောင့် တချို့သောသူများက ဓနသိဒ္ဓိပေါက်နေသော ပုဂ္ဂိုလ်ထူးကြီးဟု ဆိုသူက ဆို၏။ တချို့ကလည်း ရသေ့ကြီး ဦးခန္တီထံတွင် သိဒ္ဓိပြီးမြောက်သော ဓာတ်လုံးရှိရမည်ဟု ထင်မြင်ယူဆနေကြ၏။

ပြန်လည်တည်ဆောက်---

အနှစ်(၄၀)ကျော်အတွင်း မြို့ပေါင်း ၂၀၊ ဌာနပေါင်း ၄၇-ဌာနတို့တွင် အမျိုးမျိုးသော သာသနာရေးဆိုင်ရာ အဆောက်အအုံတို့ကို တည်ဆောက်ခဲ့သည်။ ဒုတိယကမ္ဘာစစ် အတွင်းက ပျက်စီးဆုံးရှုံးသွားခဲ့သော အဆောက်အအုံတချို့ပင်လျှင် သိန်းပေါင်း(၂၀)ကျော်ခန့် တန်ဖိုးရှိ၏။ စစ်ပြီးရာတွင် ရသေ့ကြီး ဦးခန္တီသည် စစ်ဒဏ်ကြောင့် မိမိ၏ ကောင်းမှုများပျက်စီးရသည်ကို အသစ်တဖန် ပြန်လည်ပြင်ဆင်မွမ်းမံသေးသည်။ ထိုသို့ ပြင်ဆင်မွမ်းမံရင်း အဆောက်အအုံသစ်များကိုလည်း တည်ဆောက်ရန် စီစဉ်စိုင်းပြင်းသွားသေးသည်။

ကွယ်လွန်ရှာပြီ---

ဤကဲ့သို့ နှစ်ပေါင်းများစွာ မနားမနေ ဘုရားစေတီ ပုထိုးတန်ဆောင်းဇရပ်များကို စီမ့ဆောက်လုပ်သော သာသနာပြုခဲ့သော ရသေ့ကြီး ဦးခန္တီသည် မြန်မာသက္ကရာဇ်(၁၃၁၀)ခုနှဏ် ပြာသိုလ်လပြည့်ကျော် (၁၄)ရက် ဗုဒ္ဓဟူးနေ့ ညနေ သက်တော်(၈၂)နှစ်အရွယ်တွင် ကွယ်လွန်သွားတော့သည်။ ရသေ့ကြီး ဦးခန္တီ၏ ရုပ်ကလာပ်ကို (၂)နှစ်တိုင် ပူဇော်ကန်တော့ကြပြီး နိုင်ငံတော်အစိုးရက ထောက်ပံ့လှူဒါန်းငွေ(၅၀၀၀) ကျပ်နှင့် အရပ်ရပ် ဈာပနအလှူတော် ရန်ပုံငွေများ စုပေါင်းလျက် (၁၃၁၂)ခုနှစ် တပို့တွဲလဆန်း (၈)ရက်နေ့မှ တပို့တွဲလပြည့်နေ့အထိ မန္တလေးမြို့ ရဟန်းပျိုအဖွဲ့မှ ကြီးမှူး၍ မန္တလေးတောင်ခြေ ကွင်းပြင်တွင် ကြီးကျယ်ခမ်းနား စည်ကားသိုက်မြိုက်စွာ အန္တိမဈာပန ကျင်းပသင်္ဂြိုဟ်ခဲ့သည်။

ရသေ့ဝိဇ္ဇာ ဦးခန္တီ---

နိုင်ငံကျော် မိုးညှင်းတောရ ဆရာတော်ဘုရားကြီးသည် မိုးညှင်းသမ္ဗုဒ္ဓေဘုရားအတွင်း ရသေ့ကြီး၏ ပုံတူ ထုလုပ်၍ ရသေ့ဝိဇ္ဇာ ဦးခန္တီ-ဟု ကမ္ပည်းထိုးထားပေး၏။

ရသေ့ကြီး ဦးခန္တီ၏ ပုတီးစိပ်---

ရန်ကုန်မြို့ စဥ့်အိုးတန်းအောက်လမ်း တိုက်အမှတ်(၁၀)တွင် နေထိုင်ခဲ့သော ရန်ကုန် ဗားကရာကျောင်း အမကြီး ရွှေတိဂုံစေတီတော် စနေထောင့်ရှိ ၀ိဇ္ဇာဇော်ဂျီဘုရားနှင့် တန်ဆောင်းဒါယကာ ဒေါ်ဦး၏ သမီး ဒေါ်ညိမ်းအေး(စာရေးသူ၏ အဘွားဖြစ်သူ)သည် ဂန္ဓာရီ လောကီပညာရပ်များကို ၀ါသနာထုံ၍ လေ့လာလိုက်စားပြီး ပုတီးစိပ်လေ့ရှိ၏။

တနေ့သ၌ ကျွန်ုပ်က အဘွားဖြစ်သူ ဒေါ်ညိမ်းအေးအား အဘွား ဘာကို ပုတီးစိပ်လဲ။

ရသေ့ကြီး ဦးခန္တီ ပေးထားတဲ့ သရဏဂုံ(၃၀) မန္တာန်တော်ကြီးကို ပုတီးစိပ်တာပေါ့ ငါ့မြေးရဲ့။

အဲဒီ သရဏဂုံ (၃၀)ကို ပုတီးစိပ်ရင် ဘာဖြစ်သလဲ ဘွားဘွား။

သရဏဂုံ (၃၀)ကို ပုတီးစိပ်ရင် ငွေတွေရပြီး ချမ်းသာတာပေါ့။

ကျွန်ုပ် ကလေးဘ၀က ဘွားဘွားဒေါ်ညိမ်းအေးက ပြောဆိုခဲ့သော စကားကို ယခုထက်တိုင် မှတ်ရနေမိ သေးသည်။ ဘွားဘွားသည် နေ့စသ်နေ့တိုင်း ဘုရားရှိခိုးအပြီးတွင် ဘုရားစင်ရှေ့၌ ပုတီးစိပ်နေသည်ကို တွေ့မြင်ခဲ့ရသည်။

ကျွန်ုပ်သည် ငယ်ရွယ်စဉ် အခါသမယက အဘွားဒေါ်ညိမ်းအေး ပြောခဲ့သော မန္တလေးတောင် ရသေ့ကြီး ဦးခန္တီ ပေးခဲ့သည့် သရဏဂုံ(၃၀)အကြောင်းကို သိလည်း မသိ။ သိအောင်လည်း မလေ့လာခဲ့ပေ။ မိမိနှင့် မဆိုင်သကဲ့သို့ပင် နေထိုင်ခဲ့၏။

ကျွန်ုပ်၏အဘွားဖြစ်သူ ဒေါ်ညိမ်းအေးသည် လွန်စွာမှ ချမ်းသာခဲ့သည်။ စစ်ကြိုခေတ်ကာလက ရွှေတဆယ်သားလျှင် (၂၃)ကျပ်မျှသာ ပေါက်ဈေးရှိစဉ်ကာလက ကျွန်ုပ်တို့သည် ငွေကျပ် သိန်းပေါင်း (၆၀)ကျော်မျှ ချမ်းသာကြွယ်ဝခဲ့သည်။ ကျွန်ုပ် ငယ်ရွယ်စဉ်ကာလက ရွှေမရှား၊ ငွေမရှား အဖြစ်နှင့် ဘ၀တွင် ကြုံတွေ့ခဲ့ရဖူးသည်။ ကျွန်ုပ်သည် ကောင်းပေ့ညွှန့်ပေဆိုသော ၀တ်ကောင်းစားလှများကို ၀တ်ဆင်ခဲ့ရဖူးပြီး အကောင်းဆုံးသော အစားအစာများကိုလည်း စားသောက်ခဲ့ရသည်။ ကျောင်းသို့ သွားလျှင် ဂျာမနီလုပ် အိုပယ်ကားဖြင့် သွားခဲ့ရပြီး ပွဲထိုင် အလှူမင်္ဂလာ ပွဲလမ်းသဘင်များဆိုလျှင် ကိုယ်ပိုင် မာစီးဒီးကားသစ်ကြီးနှင့် သွားရောက်ခဲ့သည်။

ခေတ်ကာလတွေ အမျိုးမျိုးပြောင်းလဲလာပြီး အဘွားဖြစ်သူ ဒေါ်ညိမ်းအေးလဲ အသက်အရွယ် ကြီးရင့်၍ ဘ၀တပါးသို့ ပြောင်းသွားခဲ့သည်။ အဘွားကွယ်လွန်ပြီးချိန်ကစပြီး ကျွန်ုပ်တို့ သားအမိတတွေလည်း အမျိုးမျိုးသော စိတ်ဒုက္ခ ကိုယ်ဒုက္ခတို့နှင့် ရင်ဆိုင်တွေ့ကြုံရတော့သည်။

ခလုတ်ထိမှ အမိတ-ဆိုသော စကားစဉ်အတိုင်း အမျိုးမျိုးအထွေထွေသော ဘေးဒုက္ခအပေါင်းနှင့် တွေ့ကြုံရသည့်အခါတွင် ကျွန်ုပ်သည် အဘွားပြောခဲ့သော ရသေ့ကြီး ဦးခန္တီ၏ ပုတီးစိပ် သရဏဂုံ(၃၀) မန္တာန်တော်ကြီးကို သွား၍ အမှတ်ရနေမိသည်။ ထိုအခါ ရသေ့ကြီး ဦးခန္တီ ချီးမြှင့်ခဲ့သည်ဆိုသော သရဏဂုံ (၃၀) မန္တာန်တော်ကြီးကို အမှန်တကယ် သိရှိနားလည်လိုသောစိတ်ဖြင့် ကျွန်ုပ်သည် ရှာဖွေလေ့လာ ကြည့်ခဲ့ရာ တွေ့လေတော့ပြီ။ ကျွန်ုပ် လေ့လာတွေ့ရှိသော သရဏဂုံ(၃) မန္တာန်တော်ကြီးကို ယခုဘ၀ ရနိုင်သောအကျိုး အကျယ်များပါ အလွယ်တကူ သိရှိနိုင်ရန် အကုန်ဖော်၍ ရေးသားပါအံ့။

သရဏဂုံ (၃၀) မန္တာန်တော်ကြီး---

ပထမဦးစွာ ဇာ-ဘော-ဇီ-ယာ-မ-မ-အ-အ-နိ-နိ-ဟူသော ခေါင်းစဉ် ၁၀-ချက် အရကျက်ရမည်။

(၁) ဇာတိပရိယန္တံ ဗုဒ္ဓံ သရဏံ ဂစ္ဆာမိ။

     ဇာတိပရိယန္တံ ဓမ္မံ သရဏံ ဂစ္ဆာမိ။

     ဇာတိပရိယန္တံ သံဃံ သရဏံ ဂစ္ဆာမိ။

(၂) ဘောဂပရိယန္တံ ဗုဒ္ဓံ သရဏံ ဂစ္ဆာမိ။     

     ဘောဂပရိယန္တံ ဓမ္မံ သရဏံ ဂစ္ဆာမိ။

     ဘောဂပရိယန္တံ သံဃံ သရဏံ ဂစ္ဆာမိ။

(၃) ဇီဝိတပရိယန္တံ ဗုဒ္ဓံ သရဏံ ဂစ္ဆာမိ။    

     ဇီဝိတပရိယန္တံ ဓမ္မံ သရဏံ ဂစ္ဆာမိ။

     ဇီဝိတပရိယန္တံ သံဃံ သရဏံ ဂစ္ဆာမိ။

(၄) ယာဝဇီဝံ ဗုဒ္ဓံ သရဏံ ဂစ္ဆာမိ။     

     ယာဝဇီဝံ ဓမ္မံ သရဏံ ဂစ္ဆာမိ။

     ယာဝဇီဝံ သံဃံ သရဏံ ဂစ္ဆာမိ။

(၅) မရဏပရိယန္တံ ဗုဒ္ဓံ သရဏံ ဂစ္ဆာမိ။     

     မရဏပရိယန္တံ ဓမ္မံ သရဏံ ဂစ္ဆာမိ။

     မရဏပရိယန္တံ သံဃံ သရဏံ ဂစ္ဆာမိ။

(၆) မရဏကာလပရိယန္တံ ဗုဒ္ဓံ သရဏံ ဂစ္ဆာမိ။     

     မရဏကာလပရိယန္တံ ဓမ္မံ သရဏံ ဂစ္ဆာမိ။

     မရဏကာလပရိယန္တံ သံဃံ သရဏံ ဂစ္ဆာမိ။

(၇) အရဟတ္တမဂ္ဂပရိယန္တံ ဗုဒ္ဓံ သရဏံ ဂစ္ဆာမိ။     

     အရဟတ္တမဂ္ဂပရိယန္တံ ဓမ္မံ သရဏံ ဂစ္ဆာမိ။

     အရဟတ္တမဂ္ဂပရိယန္တံ သံဃံ သရဏံ ဂစ္ဆာမိ။

(၈) အရဟတ္တမဂ္ဂကာလပရိယန္တံ ဗုဒ္ဓံ သရဏံ ဂစ္ဆာမိ။     

     အရဟတ္တမဂ္ဂကာလပရိယန္တံ ဓမ္မံ သရဏံ ဂစ္ဆာမိ။

     အရဟတ္တမဂ္ဂကာလပရိယန္တံ သံဃံ သရဏံ ဂစ္ဆာမိ။

(၉) နိဗ္ဗာနပရိယန္တံ ဗုဒ္ဓံ သရဏံ ဂစ္ဆာမိ။     

     နိဗ္ဗာနပရိယန္တံ ဓမ္မံ သရဏံ ဂစ္ဆာမိ။

     နိဗ္ဗာနပရိယန္တံ သံဃံ သရဏံ ဂစ္ဆာမိ။

(၁၀) နိဗ္ဗာနကာလပရိယန္တံ ဗုဒ္ဓံ သရဏံ ဂစ္ဆာမိ။     

       နိဗ္ဗာနကာလပရိယန္တံ ဓမ္မံ သရဏံ ဂစ္ဆာမိ။

       နိဗ္ဗာနကာလပရိယန္တံ သံဃံ သရဏံ ဂစ္ဆာမိ။

အနက်ကား---

(၁) ဇာတိပရိယန္တံ-ဇာတိပဋိသန္ဓေ ကုန်ဆုံးသည့်တိုင်အောင်၊ 

ဗုဒ္ဓံ-မြတ်စွာဘုရားကို၊ သရဏံ-ကိုးကွယ်ရာဟူ၍၊ ဂစ္ဆာမိ-ဆည်းကပ်ပါ၏။

ဓမ္မံ-တရားတော်မြတ်ကို၊ သရဏံ-ကိုးကွယ်ရာဟူ၍၊ ဂစ္ဆာမိ-ဆည်းကပ်ပါ၏။

သံဃံ-သံဃာတော်မြတ်ကို၊ သရဏံ-ကိုးကွယ်ရာဟူ၍၊ ဂစ္ဆာမိ-ဆည်းကပ်ပါ၏။

(၂) ဘောဂပရိယန္တံ-စည်းစိမ်ဥစ္စာ ကုန်ဆုံးသည့်တိုင်အောင်၊

ဗုဒ္ဓံ-ဓမ္မံ-သံဃံ-

(၃) ဇီဝိတပရိယန္တံ-အသက် ကုန်ဆုံးသည့်တိုင်အောင်။

(၄) ယာဝဇီဝံ-အသက်ထက်ဆုံး။

(၅) မရဏပရိယန္တံ-သေခါနီးတိုင်အောင်။

(၆) မရဏကာလပရိယန္တံ-သေသည့်တိုင်အောင်။

(၇) အရဟတ္တမဂ္ဂပရိယန္တံ-အရဟတ္တမဂ် ရသည့်တိုင်အောင်။

(၈) အရဟတ္တမဂ္ဂကာလပရိယန္တံ-အရဟတ္တဖိုလ် ရသည့်တိုင်အောင်။

(၉) နိဗ္ဗာနပရိယန္တံ-ပရိနိဗ္ဗာန် ၀င်စံခါနီးတိုင်အောင်။

(၁၀) နိဗ္ဗာနကာလပရိယန္တံ-ပရိနိဗ္ဗာန် ၀င်စံသည့်တိုင်အောင်။

ဗုဒ္ဓံ-မြတ်စွာဘုရားကို၊ သရဏံ-ကိုးကွယ်ရာဟူ၍၊ ဂစ္ဆာမိ-ဆည်းကပ်ပါ၏။

ဓမ္မံ-တရားတော်မြတ်ကို၊ သရဏံ-ကိုးကွယ်ရာဟူ၍၊ ဂစ္ဆာမိ-ဆည်းကပ်ပါ၏။

သံဃံ-သံဃာတော်မြတ်ကို၊ သရဏံ-ကိုးကွယ်ရာဟူ၍၊ ဂစ္ဆာမိ-ဆည်းကပ်ပါ၏။

ပုတီးစိပ်ရန်---
တပုဒ်လျှင် ဗုဒ္ဓံ၊ ဓမ္မံ၊ သံဃံ ပွား၍ သရဏဂုံ(၃၀) ဖြစ်၏။ 
ပုတီးစိပ်သောအခါ ဗုဒ္ဓံ တစ်လုံး၊ ဓမ္မံ တစ်လုံး၊ သံဃံ တစ်လုံး၊ စိပ်ရ၍ (၁၀)ပုဒ်မှာ (၃၀) ဖြစ်လာ၏။

(၁) ဇာတိပရိယန္တံ ဗုဒ္ဓံ သရဏံ ဂစ္ဆာမိ။   ( ပုတီးတလုံးချ )

     ဇာတိပရိယန္တံ ဓမ္မံ သရဏံ ဂစ္ဆာမိ။   ( ပုတီးတလုံးချ )

     ဇာတိပရိယန္တံ သံဃံ သရဏံ ဂစ္ဆာမိ။( ပုတီးတလုံးချ ) စသည် ပုတီးစိပ်လေ။ 

ပုတီးစိပ်သောအခါ စိတ်တည်ကြည်စွာထား၍ ဂုဏ်တော်သုံးပါး အနက်သဘောကို ဉာဏ်နှင့်သိ၍ ကြည့်၍ စိပ်နိုင်ပါလျှင် အကျိုးထူးကြီးများကို အောက်ပါအတိုင်း ရနိုင်ကြကုန်၏-ဟု ယုံကြည်ရိုသေစွာ ပုတီးစိပ်လေ။

သရဏဂုံ၊ ကိုယ်လုံးခြုံ၊ အကုန်သိဒ္ဓိပေါက်။

သရဏဂုံ၊ ကိုယ်လုံးထုံ၊ အာရုံထင်နိမိတ်။

သရဏဂုံ၊ သုံးဆယ်စုံ၊ အကုန်ပုတီးစိပ်။

အန္တရာယ်ကင်း၊ ကပ်ကျော်နင်း၊ ပေါခြင်းလာဘ်မဆိပ်။

သရဏဂုံ သုံးဆယ်ဂါထာ မန္တာန်တော်ကြီး အကျိုးကြီးပုံအကျယ် ---

ဘုရားဂုဏ်တော်မြတ်ကို ထင်မြင်အောင် ဆင်ခြင်အောက်မေ့၍ သရဏဂုံမန္တာန်တော်ကြီးကို ရွတ်ဆိုကြလျှင် ကြံတိုင်းအောင်၏။ ပြောသမျှ ပြီးစီး၏။ လူ နတ်တို့ ချစ်ခင်၏။

ထမင်း ခဲဖွယ်ဘောဇဉ် အစားအစာများကို မန်း၍ စားက (၉၆)ပါးရောဂါ မဖြစ်နိုင်။ မိမိနေသော အိမ်ဖြစ်စေ၊ ကျောင်းဖြစ်စေ၊ သစ်ပင်ဖြစ်စေ၊ နေရင်းထိုင်ရင်း၊ သွားရင်းလာရင်း၊ စားရင်းသောက်ရင်း၊ ဗုဒ္ဓဂုဏ်တော် ကြီးကို ရွတ်ပွားကာ နေကြလျှင် (သြော်) ငါသည် အဖိုအနဂ္ဃ ထိုက်တန်လှသော ဂုစ်တော်မြတ်ကြီးကို အာရုံစွဲစွဲနှင့် စိတ်ထဲဉာဏ်ထဲတွင် မြဲမြဲကြီး တွေ့ဆုံမိ ကြည်ညိုမိရပေပြီဟု ပါရာယနသုတ္တန်လာ ပိင်္ဂိယမထေရ်ကဲ့သို့ မှတ်ထင်ဝမ်းမြောက်ရမည်။

တကယ်တမ်းယုံကြည်၍ ဂုဏ်တော်မြတ်ကြီးကို ရွတ်ဆိုပွားလတ် ဆည်ကပ်သူတို့မှာ ဆင်းရဲဒုက္ခနှင့် ရင်ဆိုင်မတွေ့ရဟု မှတ်၊ မကောင်းသော အနိဋ္ဌဘေးရန်အပေါင်းတို့သည် မလာမရောက်နိုင်သည့်ပြင် လောက၌ ကျက်သရေမင်္ဂလာ စီးပွား အစားအစာ တိုးတက်သည်။

ဤသရဏဂုံ(၃၀)ကို နှစ်နှစ်ကာကာ ယုံကြည်စွာနှင့် ရွတ်ဆိုပွားလတ် ကိုးကွယ်ဆည်းကပ်သူတို့သည် ၀ိပတ္တိကပ်ဆိုးလည်း မထိုက်၊ ပျက်စီးခြင်း ဗျသနလည်း မဆိုက်၊ ရန်သူလည်း မကပ်၊ ဗုဒ္ဓဓာတ် သရဏဂုံ ကိုယ်လုံခြုံကြလျှု လောကီဘုံဖြစ်ရာ ရတနာတွေလည်းပေါ၊ အသက်ရှည်လို့ ရောဂါကင်း၊ သာသနာတော်  မြတ်ကြီးကလည်း နေရောင်မက ထွန်းတောက်လို့ လင်းနိုင်ပါသတည်း။

စာရေးသူ ၀န်ခံချက်။

(ဤသရဏဂုံ သုံးဆယ် မန္တာန်တော်ကြီးကို တနေ့လျှင် ပုတီး(၉)ပတ်စိပ်၍ (၉)ရက် အဓိဋ္ဌာန်ဝင်ခဲ့ရာ အဓိဋ္ဌာန်(၉)ကြိမ် ပြည့်သောနေ့ရက်တွင် ထူးထူးခြားခြား လာဘ်သပ္ပကာ ၀င်ခဲ့ဖူးကြောင်း သူတော်ကောင်းတို့ သိရှိပွားများ အကျိုးတရား ရနိုင်စေရန် တင်ပြလိုက်ခြင်း ဖြစ်သည်။)

သုတေသီမြင့်ထွန်း

(အစွမ်းထက်သော ပုတီးစိပ်နှင့် ကိုယ်တွေ့ဖြစ်ရပ်ဆန်းများ)