စားအုန်းဆီ ကိုယ်စားလှယ်အချို့ ဘဏ်လာသွင်းတဲ့ ငွေထုတ်တွေထဲက ကျပ်ငါးထောင်တန် ငွေစက္ကူအတုတွေ အဆက်မပြတ် တွေ့ရှိနေရကြောင်း မြန်မာနိုင်ငံသားများ ဘဏ်လီမိတက်မှ သိရပါတယ်။ ‘ကျပ်ငါးထောင်တန် တစ်ထုပ်ကို အတုတစ်ရွက်နှုန်းနဲ့ ထည့်နေတာ တစ်ရက်ကို အတုထုတ်အား ဘယ်လောက်ရှိမယ် မသိတော့ဘူး။ ဂိုဏ်းနဲ့ တောင်လုပ်နေလား ထင်စရာဖြစ်လာတယ်၊ အရင်က ခြောက်လမှ အတုတစ်ရွက် နှစ်ရွက်ပဲ ရတာ၊ အခုလို များများ မရဖူးဘူး’ လို့ မြန်မာနိုင်ငံသားများ ဘဏ်လီမိတက် တာဝန်ရှိသူ တစ်ဦးက ပြောပါတယ်။ မြန်မာနိုင်ငံသားများဘဏ်က တွေ့ရှိထားတဲ့ ကျပ်ငါးထောင်တန် ငွေစက္ကူအတုအားလုံးရဲ့ ပမာဏကို မှတ်တမ်းတင်ပြီး ဗဟိုဘဏ်ကို အပ်မှာဖြစ်ပါတယ်။ ကျပ်ငါးထောင်တန် ငွေစက္ကူ အတုရဲ့ အသားက ဖယောင်းလို ချောနေပါတယ်။ ငွေစက္ကူအစစ်က ဖိပြီးပွတ်လိုက်ရင် အဖုအထစ်လေးတွေ တွေ့ရမှာဖြစ်တယ်။ ငွေစက္ကူ အတုမှာ ဗဟိုဘဏ်က ရိုက်နှိပ်ထားတဲ့ လုံခြုံရေး အမှတ်အသား ရေမစာ မပါဘူး။ လုံခြုံရေး အမှတ်အသားဖြစ်တဲ့ ငွေကြိုးပေါ်မှာ ငွေစက္ကူ တန်ဖိုး ဖော်ပြတဲ့စာသား မပါဘူး၊ ငွေစက္ကူ အစစ်က ဆေးသားပီပီပြင်ပြင်နဲ့ ဂဏန်းပီပီသသ ရှိပေမဲ့ အတုက ဆေးသားမှိန်ပြီး ပီပီသသ မရှိဘူး လို့ ငွေကြေးဌာန တာဝန်ရှိသူ တစ်ဦးက ရှင်းပြပါတယ်။ အစပိုင်းမှာ စားအုန်းဆီ ကိုယ်စားလှယ်တွေ ဘဏ်လာသွင်းတဲ့ ငွေအားလုံးကို စစ်ဆေးတာမျိုးမလုပ်ဘဲ လက်ခံမိရာက ငါးထောင်ကျပ်တန် ငွေစက္ကူအတုတွေ ပါလာတဲ့ အပြင် တစ်ထောင်ကျပ်တန် အထုပ်ထဲမှာ ကျပ် ၅၀၀ တန်ကြားညှပ်ထားတာနဲ့ ငွေစက္ကူအစုတ်ကို အလယ်ကနေ တစ်ခြမ်းဖြတ်ဆက်ထားတာစတဲ့ ပြဿနာအမျိုးမျိုး နေ့စဉ်တွေ့ကြုံနေရတယ်လို့ မြန်မာနိုင်ငံသားများဘဏ်လီမိတက် တာဝန်ရှိသူထံက သိရပါတယ်။ အခု အတုတွေ့တဲ့အတွက် မြန်မာနိုင်ငံသားများဘဏ် ဝန်ထမ်းတွေက အတုနေရမှာ အစစ်အစားထိုး စိုက်လျော်ရတာ ဇွန်လတစ်လတည်း မှာ ကျပ်လေးသိန်းကျော်ပါတယ်။ ဇူလိုင်လဆန်းပိုင်းမှာ အစားထိုး စိုက်လျော်ရတဲ့ငွေကျပ် ၅၀,၀၀၀ ကျော်နေပြီ ဖြစ်ပါတယ်။ ဘဏ်ဝန်ထမ်းတွေက စိုက်လျော်ရတာများတဲ့အတွက် မပေးနိုင်၊ မစိုက်နိုင်တော့ဘူး ဖြစ်လာတယ်လို့ မြန်မာနိုင်ငံသားများဘဏ် ငွေလက်ခံတဲ့ ဝန်ထမ်းတစ်ဦးက ရှင်းပြပါတယ်။ တခြားဘဏ်အချို့မှာလည်း အခုလို ကျပ်ငါးထောင်တန် ငွေစက္ကူ အတုပြဿနာမျိုးနဲ့ တွေ့ကြုံနေရတယ်လို့ ဆိုပါတယ်။ တစ်ရွက်ချင်းပွတ်ပြီး ရေတွက်မယ်ဆိုရင် အနည်းငယ် အချိန်ကြန့်ကြာမှု တွေရှိလာနိုင်ပါတယ်။ အခုနောက်ပိုင်း ကျပ်ငါးထောင်တန်ဆိုရင် တစ်ရွက် ချင်းစစ်ပြီး လက်ခံနေရကြောင်း ၂၀၁၁ ခုနှစ် ဇူလိုင် ၁၅ ရက်နေ့ထုတ် မော်ဒန် ဂျာနယ်တွင် ဖော်ပြထားပါသည်။
(ကိုထွေးမလုပ်တတ်သဖြင့်ဓါတ်ပုံထည့်မရပါ။ မည်သို့ထည့်ရမည်ကိုသိသူများသင်ပေးကြပါခင်ဗျား)
ပြည် တီ ၏ဘလော့အားကူးယူဖေါ်ပြပါသည်။
(ကိုထွေးမလုပ်တတ်သဖြင့်ဓါတ်ပုံထည့်မရပါ။ မည်သို့ထည့်ရမည်ကိုသိသူများသင်ပေးကြပါခင်ဗျား)
ပြည် တီ ၏ဘလော့အားကူးယူဖေါ်ပြပါသည်။
No comments:
Post a Comment