ထိထိရောက်ရောက် နည်းပညာဝေါဟာရများ အပိုင်း(၁)

Proxy Server

အင်တာနက်သုံးစွဲသူတွေကြားမှာတော့ proxy server ဆိုတဲ့စကားဟာ ကြားနေကျစကားဖြစ်ပါတယ်။ Proxy server ဆိုတာဟာတကယ်တော့ အင်တာနက်နဲ့ ကွန်ပျူတာသုံးစွဲသူတွေရဲ့ကြားမှာ ကြားခံဆက်သွယ်ပေးတဲ့ဆာဗာ (server) တစ်ခုပါပဲ။ Proxy server ဟာ gateway လို့ခေါ်တဲ့ ဆာဗာတစ်မျိုးပဲဖြစ်ပါတယ်။ Gateway server တွေဟာ ကွန်ရက်တစ်ခုနဲ့ ပြင်ပကွန်ရက်တို့ကိုခွဲခြားထားတဲ့ ဆာဗာတစ်မျိုးဖြစ်ပါတယ်။ ပြီးတော့ကွန်ရက်ထဲမှာရှိတဲ့ firewall server နဲ့ပြင်ပကွန်ရက်တို့ကို ခွဲခြားပေးထားတဲ့အရာလည်းဖြစ်ပါတယ်။ Proxy server ဟာသုံးစွဲသူထံမှ အင်တာနက်ဝန်ဆောင်မှုအတွက် တောင်းခံချက်တွေကို လက်ခံပါတယ်။ Proxy server ဟာ cache server လိုမျိုး ယခင်ကပြုလုပ်ခဲ့တဲ့ web page တွေရဲ့ download ထဲမှ local cache ကိုပြန်လည်ကြည့်ရှုပါတယ်။ အကယ်လို့ အဲဒီ့စာမျက်နှာဟာ cache ထဲမှာမရှိဘူးဆိုခဲ့လျင် proxy server ဟာသုံးစွဲသူကိုယ်စား client တစ်ခုကဲ့သို့ ကိုယ်တိုင် IP address နှင့် သုံးစွဲသူလိုချင်တဲ့စာမျက်နှာကို သက်ဆိုင်ရာဆာဗာထံတောင်းခံပါတယ်။ အဲဒီ့စာမျက်နှာ ရောက်ရှိလာတဲ့အခါမှာတော့ သုံးစွဲသူထံသို့ ပြန်လည်ပို့ဆောင်ပေးပါတယ်။

Bot worm

Bot worm ဆိုတာဟာ ကိုယ့်ဘာသာတုံ့ပြန်လုပ်ကိုင်နိုင်တဲ့ malware ပရိုဂရမ်တစ်ခု ဖြစ်ပါတယ်။ ၎င်းဟာ RAM ထဲမှာခိုအောင်းနေထိုင်ပါတယ်။ Bot worm ဟာ စွဲကပ်နေတဲ့ကွန်ပျူတာတွေကို 20 mbie တွေဖြစ်အောင် (သို့မဟုတ်) bot တွေဖြစ်အောင် လုပ်ဆောင်နိုင်စွမ်းရှိပါတယ်။ Bot worm ဟာ botnet တွေဖန်တီးပြီးနောက်ပိုင်းတွင်မတော့ Virus, Trojan တွေနဲ့ Spam တွေပျံ့နှံ့စေရန်အတွက် ပတ်ဝန်းကျင်ကို တည်ဆောက်ပြီးသားဖြစ်နေပါတော့တယ်။ Botnet တွေရဲ့ အဓိကလုပ်ဆောင်ချက်တွေက Virus တွေပျံ့နှံ့ဖို့၊ Trojan တွေပျံ့နှံ့ဖို့နဲ့ Spam တွေပျံ့နှံ့ဖို့အတွက် စက်ရုပ်တွေလို အလိုအလျှောက် လုပ်ဆောင်ကြတာဖြစ်ပါတယ်။ Bot worm တွေဟာ Windows operationg system တွေရဲ့ ချို့ယွင်းချက်တွေကိုအသုံးချပြီး antivirus ဆော့ဖ်ဝဲတို့လို application မျိုးတွေကို ပစ်မှတ်ထားပြီး တိုက်ခိုက်တတ်ကြပါတယ်။ ၂၀၀၆ ခုနှစ် ဒီဇင်ဘာလတွေမှာတုန်းကတော့ Big Yellow လို့ခေါ်တဲ့ bot worm ဟာ Symantec ရဲ့လုံခြုံရေးဆော့ဖ်ဝဲကို တိုက်ခိုက်မှုတွေ ပြုလုပ်ခဲ့ပါတယ်။ Bot worm တွေထဲက အစောဆုံးအရာတွေထဲမှာ Zotob ဆိုတာကလည်း တစ်ခုအပါအ၀င်ဖြစ်ပါတယ်။ Zotob ဟာ ပစ်မှတ်ထားတဲ့ကွန်ပျူတာတွေနဲ့ ကွန်ရက်တွေကို ဟက်ကာတွေ တိုက်ခိုက်ဝင်ရောက်နိုင်အောင် ပြုလုပ်ပေးပါတယ်။ ဟက်ကာတွေက Zotob ကိုအသုံးချပြီး ပုဂ္ဂလိကဆိုင်ရာအချက်အလက်တွေနဲ့ ငွေကြေးဆိုင်ရာအချက်အလက်တွေကို ရယူကြပါတယ်။ Anti-malware ပရိုဂရမ်တွေကို update ဖြစ်တာတွေသုံးစွဲပြီး စစ်ဆေးခိုင်းတဲ့အခါမှာ worm တွေကို တွေ့နိုင်မှာဖြစ်ပါတယ်။ နောက်ထပ်ကာကွယ်ရမယ့်နည်းလမ်းကတော့ အမြဲတမ်းထုတ်ပေးတဲ့ Operating system ရဲ့နောက်ဆုံးပေါ် patch တွေကို ရယူသုံးစွဲဖို့ဖြစ်ပါတယ်။ Antivirus တွေ၊ anti-spyware ပရိုဂရမ်တွေနဲ့ ကွန်ပျူတာကိုပုံမှန်စစ်ဆေးပေးပြီး အဲဒါတွေကိုလည်းပုံမှန် update လုပ်ပေးဖို့လိုပါတယ်။

Slackware

Slackware ဆိုတာဟာ Linux operating system ရဲ့အစောပိုင်း ကာလတွေမှာဖြန့်ဖြူးပေးခဲ့တဲ့ Operating System ပါ။ ယခု အချိန်အထိဖွံ့ဖြိုးဆဲဖြစ်ပါတယ်။ Patrick Volkerding က Slackware ကို တီထွင်ခဲ့ပြီး Softlanding Linux ဆိုတဲ့အမည်နဲ့ ဖြန့်ဖြူးပေးခဲ့ပါတယ်။ Slackware ပရောဂျက်ဝက်ဘ်ဆိုက်ရဲ့အဆိုအရ ဒီ OS ဟာ သုံးစွဲရလွယ်ကူစေရန်အတွက် ပြုလုပ်ပေးထားတယ်လို့ သိရပါတယ်။ Slackware ကို ၁၉၉၃ ခုနှစ် ဧပြီလမှာ ပထမဆုံးအဖြစ်ဖြန့်ချိခဲ့တယ်လို့ ဆိုပါတယ်။ Slackware Linux ပရောဂျက်ကို UNIX နှင့်တူအောင်ပြုပြင်ထားပြီး Linux လောကထဲမှာဖြန့်ချိပေးထားတာဖြစ်ပါတယ်။ Slackware ဟာ Linux File Standard ကဲ့သို့ Linux စံသတ်မှတ်မှုဘောင်ထဲမှ စံများနှင့်ပြည့်စုံအောင် ပြုလုပ်ပေးထားပြီးမှ ဖြန့်ချိပေးထားတာဖြစ်ပါတယ်။ Slackware ပရောဂျက်လုပ်ဆောင်သူတွေကတော့ ဒီ OS ကိုပြုလုပ်တဲ့အခါ ရိုးရှင်းလွယ်ကူမူနဲ့ တည်ငြိမ်မှုတို့ကို အဓိကထား လုပ်ဆောင်ပေးထားပါတယ်လို့ ပြောဆိုကြပါတယ်။ Slackware ကို အပြည့်အ၀တင်ပြီးသုံးတဲ့အခါ အောက်ပါ feature တွေလည်း ပါဝင်တာတွေ့ရမှာဖြစ်ပါတယ်။
- the X Windows System
- C/C ++ adevelopment enviroments
- Perl
- networking atilities
- a mial server
- a news server
- a web server
- an FTP server
- the GNU Image Maniulation Program
Slackware ရဲ့အမည်ဟာ slack လို့ခေါ်တဲ့စကားလုံးကို ရည်ညွှန်းပြီးခေါ်ဆိုတာပါ။ Slack ရဲ့ သွယ်ဝိုက်တဲ့အဓိပ္ပာယ်က ပုဂ္ဂလိကအနေနဲ့လွတ်လပ်မှု (personal space and freedom) ပြီးတော့ သီးခြားလွတ်လပ်မှု စတာတို့ဖြစ်ပါတယ်။ Developer တွေက Slackware operating system ကို ဒီအမည်သုံးစွဲဖို့အကြံပြုခဲ့ပြီး သုံးစွဲခဲ့ကြတာဖြစ်ပါတယ်။

Cloud backup

Cloud backup ဆိုတာဟာ အွန်လိုင်း backup တစ်မျိုးဖြစ်ပါတယ်။ အများသုံးကွန်ရက်မှ ပေးပို့လိုက်တဲ့ ဒေတာတွေကို သိမ်းဆည်းထားတဲ့ လုပ်ဆောင်ချက်တွေကို လုပ်ဆောင်တဲ့ backup နည်းပညာတစ်ခုဖြစ်ပါတယ်။ ဒီဆာဗာကို third party service provider တွေက host အဖြစ် ပုံမှန်အားဖြင့် သုံးစွဲကြပါတယ်။ ဖောက်သည်တွေကို ၎င်းတို့က သူတို့ ရယူသုံးစွဲသိုလှောင်တဲ့ပမာဏနဲ့ bandwidth သို့မဟုတ် သုံးစွဲတဲ့သူအရေအတွက်ပေါ်ကိုမူတည်ပြီး ငွေကြေးတောင်းခံကြပါတယ်။ စီးပွားရေးလုပ်ငန်းအတွင်းမှာတော့ backup လုပ်တဲ့နည်းပညာဟာ server များမှာ လုပ်ဆောင်ကြတဲ့ပုံစံနဲ့ အတူတူပဲဖြစ်ပါတယ်။ အွန်လိုင်း backup စနစ်ဟာ client software appliction နဲ့ ပတ်သက်ပြီး တည်ဆောက်ကြတာ ဖြစ်ပါတယ်။ ဒီ software တွေဟာ အချိန်ဇယားတွေနဲ့ သတ်မှတ်ပြီးတော့ ၀ယ်ယူထားတဲ့ဖောက်သည်ရဲ့ ၀န်ဆောင်မှုအဆင့်အတန်းကို မူတည်ပြီး ပိုင်းခြားသတ်မှတ် အလုပ်လုပ်ပေးကြတာဖြစ်ပါတယ်။ အကယ်၍ ဖောက်သည်တွေဟာ နေ့စဉ် backup လုပ်ဖို့ တောင်းဆိုထားတယ်ဆိုရင် ဒီ application ဟာ အချက်အလက်တွေကို ရယူခြင်း၊ compresses ပြုလုပ်ခြင်း၊ encrypts ပြုလုပ်ခြင်းနှင့် အချက်အလက်များကို service provider ရဲ့ server ဆီသို့ ပို့ဆောင်ခြင်းများကို ၂၄ နာရီအတွင်း ပြုလုပ်ကြမှာဖြစ်ပါတယ်။ Bandwidth ကိုလျှော့ချပြီး ရယူခဲ့မယ်ဆိုရင်တော့ service provider ဆီကို အချက်အလက်တွေကို ပို့ဆောင်တဲ့နေရာမှာ အချိန်ပိုကြာပါလိမ့်မယ်။ Third party cloud backup ဟာ လုပ်ငန်းငယ်တွေနဲ့ အိမ်သုံးအတွက်တော့ လူကြိုက်များတဲ့ အသုံးဝင်လှတဲ့ backup စနစ်ဖြစ်ပါတယ်။ စီးပွားရေးလုပ်ငန်းကြီးတွေ အတွက်ကတော့ cloud backup service လုပ်ဆောင်မှုတွေဟာ အရေးပါလှပါတယ်။ ယခင်သုံးနေကြ backup စနစ်တွေထက် ပိုမိုပြီးတော့ကောင်းမွန်တဲ့ စနစ်ဖြစ်ပါတယ်။ အချက်အလက်တွေကို လိုအပ်တဲ့အခါမှာ အချိန်တိုတိုနဲ့ ရယူအသုံးပြုနိုင်ပါတယ်။ အကယ်၍ အချက်အလက်အများအပြားကို recobered လုပ်ဖို့လိုအပ်ခဲ့မယ်ဆိုရင်တော့ တိပ် သို့မဟုတ် သယ်ဆောင်ရလွယ်ကူတဲ့ storage media တွေကို သုံးစွဲရမှာဖြစ်ပါတယ်။

Peppermint

Peppermint ဆိုတာဟာ ပေါ့ပါးသော Open source operating system တစ်ခုဖြစ်ပါတယ်။ Cloud computing နှင့်ဝက်ဘ်အခြေပြု application တွေအတွက် ပြုလုပ်ထားတာဖြစ်ပါတယ်။ Ubuntu Linux ကိုအခြေခံပြီးပြုလုပ်ထားတဲ့ Operating System တစ်ခုပါ။ Peppermint ဖွံ့ဖြိုးတိုးတက်မှုအတွက် လုပ်ဆောင်ပေးတဲ့ နောက်ကွယ်ကတွန်းအားကတော့ မြန်ဆန်တဲ့ဝက်ဘ်အခြေပြု Operating system တွေပြုလုပ်ဖို့အတွက် ဖြစ်ပါတယ်။ ဒီဝက်ဘ်အခြေပြု OS ဟာ သုံစွဲသူတွေကို ၀က်ဘ် application တွေသုံးစွဲနိုင်ဖို့ အထောက်အပံ့ပေးမှာဖြစ်ပါတယ်။ သုံးစွဲသူတွေက ဒီ application တွေကို ကိုယ့်စက်မှာတင်ပြီးသုံးစွဲရသလို ခံစားနိုင်အောင်စီမံပေးမှာဖြစ်ပါတယ်။ Mozilla Prism ကို site-specific browsers (SSBs) အဖြစ်သုံးစွဲရန် ဖန်တီးပေးထားပါတယ်။ ၀က်ဘ် application တွေကို ရှုပ်ထွေးမှုနည်းပါးစေရန် ပြုလုပ်ပေးထားတဲ့ Windows ပေါ်မှာသုံးစွဲနိုင်ဖို့စီမံပေးထားပြီး application နှင့်မသက်ဆိုင်သော browser feature တွေနဲ့ ခလုတ်တွေမပါဝင်အောင် ပြုလုပ်ပေးထားပါတယ်။ Peppermint Operating System ကိုသုံးစွဲဖို့အတွက် သိုလှောင်သိမ်းဆည်းနိုင်တဲ့နေရာဟာ 512MB လောက်ရှိဖို့လိုအပ်ပါတယ်။ Operating system ကို စဖွင့်လိုက်တဲ့အခါ သုံးစွဲဖို့အသင့်ဖြစ်တဲ့အချိန်အထိ ကြာချိန်က ၂၅ စက္ကန့်လောက်ပဲရှိပါတယ်။ ပိတ်မယ်ဆိုလျင်တော့ ၅ စက္ကန့်သာကြာပါလိမ့်မယ်။ Default အဖြစ်ထားပေးထားတဲ့ desktop environment ကတော့ LXDE (Lightweight x11 Desktop Environment) ဖြစ်ပါတယ်။ အခြားသော default အဖြစ်ထည့်သွင်းပေးထားတဲ့ application တွေကတော့ Firefox Dropbox (အွန်လိုင်း backup application), Exaile (သီချင်းစီမံခန့်ခွဲမှု application), Prism, X-Chat နဲ့ Transmission တို့ဖြစ်ပါတယ်။ Default အဖြစ်ထည့်သွင်းပေးထားတဲ့ cloud application တွေကတော့ Editor ပါဝင်တဲ့ Pixlr, Facebook, Hulu, last.FM, Pandora, Seesmic Web, The Cloud Player, YouTube, Google Calendar, Google Docs, Google Mail နဲ့ Google Reader တို့ဖြစ်ပါတယ်။ Peppermint OS One အစိတ် အပိုင်းတွေထဲမှာ ပါဝင်တဲ့အရာတွေကတော့
- Linux Kernel 2.6.32
- Xorg 7.5
- Openbox 3.4.20
- PCManFM 0.95
- LX Session 0.4.3 တို့ဖြစ်ပါတယ်။ Peppermint ကို Peppermint ၀က်ဘ်ဆိုက်မှအခမဲ့ download လုပ်ပြီးရယူနိုင်သလို Live CD သို့မဟုတ် Live USB တို့ဖြင့် ဈေးနှုန်းချိုသာစွာ ၀ယ်ယူနိုင်မှာဖြစ်ပါတယ်။

Cyberterrorism

Cyberterrorism ဆိုတာဟာ ပုဂ္ဂလိကကွန်ပျူတာတွေကိုဖြစ်စေ၊ အများဆိုင်ကွန်ရက်တွေကိုဖြစ်စေ၊ အစိုးရနှင့်သက်ဆိုင်သောကွန်ရက်များကိုဖြစ်စေ ရည်ရွယ်ချက်ရှိစွာနှင့် ချိုးဖောက်ဝင်ရောက်ပြီး အချက်အလက်ပျက်စီးစေရန်လုပ်ဆောင်တာကို ဆိုလိုတဲ့စကားလုံးပါ။ ကွန်ပျူတာဗိုင်းရပ်စ်တွေ၊ Trojan တွေစတဲ့ အဖျက်စွမ်းအားရှိတဲ့ပရိုဂရမ်တွေနဲ့ တိုက်ခိုက်တာကိုဆိုတာပါ။ ယနေ့ခေတ်မှာ ဆိုက်ဘာအကြမ်းဖက်မှု (cyberterrorism) ဆိုတဲ့စကားလုံးက အတော်လေးကိုတွင်ကျယ်လာပါတယ်။ ကျယ်ပြန့်နက်ရှိုင်းတဲ့စကားလုံးဖြစ်ပြီး ၎င်းကိစ္စကို လူတစ်ဦးချင်းစီမှဖြစ်စေ၊ အစိုးရအဖွဲ့တစ်ဖွဲ့မှဖြစ်စေ၊ လူအုပ်စုတစ်ခုမှဖြစ်စေ လုပ်ကိုင်နိုင်ကြပါတယ်။ လူမှုကိစ္စ အတွေးအခေါ်၊ ဘာသာရေး၊ နိုင်ငံရေးနှင့် ၎င်းကိစ္စကဲ့သို့သောအကြောင်းများကြောင့် တိုက်ခိုက်မှုကိုပြုလုပ်ကြခြင်းဖြစ်ပါတယ်။ ၎င်းစကားလုံးဟာ Barry C.Collin ဆိုတဲ့သူကစပြီး အမည်ပေးခေါ်ဝေါ်ခဲ့တာဖြစ်ပါတယ်။ ၎င်းစကားလုံးဟာ လူတိုင်းကိုခြိမ်းခြောက်နေတဲ့ ယနေ့ခေတ်စကားလုံးတွေထဲက တစ်လုံးလည်းဖြစ်ပါတယ်။ Hacking သို့မဟုတ် information warfare တို့လို စကားလုံးတွေနဲ့မတူဘဲကွဲပြားပါတယ်။