ပြု ပြင်ဖြည့်စွက်ခြင်းများစွာနဲ့ ဘိုင်ဘယ်လ်(ကျောက်ကွင်းဝါဒပြိုင်ပွဲ စာအုပ်ထဲကပါ)

ကျာက်ကွင်းဝါဒပြိုင်ပွဲ စာအုပ်ထဲကပါ

``ဥပမာ……. ခရစ်သက္ကရာဇ် ၁၃၅၀ ခုနှစ်လောက် ပထမဆုံး အင်္ဂလိပ်ဘာသာအဖြစ် ပြန်ဆိုရေးသားတဲ့ (၀င်ကလစ်ဖ်)ရဲ့ `ဘိုင်ဘလ်´ ခေါ်တဲ့ သမ္မာကျမ်းစာကို `တင်ဒေလ်း´ ရဲ့ နောက်မှ ပေါ်တဲ့ သမ္မာကျမ်းစာနဲ့တိုက်ကြည့်ရင် ကွဲလွဲနေတာတွေ အများကြီးရှိနေတာကို တွေ့ရပါ့မယ်။ အဲဒီလို `ဗားဒေးလ်´ရဲ့ သမ္မာကျမ်းစာကလည်း တစ်မျိူးဖြစ်နေပြန်တယ်။ အဲဒီလိုကွဲ လွဲချက်တွေကို မစဉ်းစားမဆင်ခြင်ပဲနဲ့ Aကုန်လုံးကို သိမ်းကျူံးပြီး ခရစ်တော်က ဒီအတိုင်းဟောခဲ့ တယ်ဆိုရင် ဦးသာဒင်တို့ ကြိုက်ကြပါ့မလား ´´ ။
`` တင်ဒေးလ်´ရဲ့သမ္မာကျမ်းစာကိုလည်း ခရစ်သက္ကရာဇ် ၁၅၆၀ လောက်မှာ `မိုင်းအလ်စ် ကိုဘားဒေးလ် ´ က ပြီးတော့ ပြုပြင်ရေးထားတာကို တွေ့ရပြန်တယ်။ အဲဒီနှစ် လောက်မှာပဲ ဒီဆရာတွေရဲ့ ရေးသားချက်တွေဟာ ခရစ်တော်ရဲ့ တရားများကို ယုတ္တိကင်းမဲ့စေ တယ် ။ လွဲမှားစေတယ် ဆိုပြီးတော့ ဂျာမနီက `မာတင်လူသာ´ တို့က ကိုယ်ကြိုက်သလို ပြင်ပြီး ရေးတာကိုလည်း တွေ့ရပြန်ပါတယ်။ ` တင်ဒေးလ်´က ၊ `ဟီးဘရူး´ကျမ်းကို အခြေခံပြီး ရေးတဲ့ `ဘိုင်ဘလ်´ထဲမှာ `ဂျေရုဆလင်´မြို့ကြီးကို သမုဒ္ဒရာနှင့် ရေလွမ်းသတ်တယ်လို့ ရေးတဲ့အခန်းကို `မာတင်လူသာ´တို့က မကြိုက်ကြဘူး ။ ဒါနဲ့ဒီအခန်းကို ပြုပြင်ပြီး ရေးလိုက်ကြတယ် ´´။
`` အဲဒါတွေကို ကြည့်ရင် ခရစ်ယာန်ရှေးကျမ်းများမှာပဲ တစ်ကျမ်းနှင့်တစ်ကျမ်း ကွဲလွဲ ချက်တွေ ၊ မတူတာတွေ ရှိနေပါတယ်။

Dead sea scrolls ဆိုတာ ပင်လယ်သေနားက ကျောက်ဂူတွေထဲမှာ ရှာဖွေတွေ့ရှိတဲ့ အစောဆုံးရှေးအကျဆုံး ဓမ္မဟောင်းကျမ်း အပိုင်းအစတွေဖြစ်ပါတယ်။ ၁၅၀ ဘီစီကနေ ၇၀ အေဒီအတွင်း အသုံးပြုခဲ့တယ်လို့ ခန့်မှန်းကြပါတယ်။ ဘီစီ၁၅၀၀လောက်မှာ စတင်ရေးသားခဲ့တယ်ဆိုတဲ့ ဓမ္မဟောင်းကျမ်းရဲ့ အစောဆုံးမူတောင်မှ ဘီစီ၁၅၀မှာပဲစတာဖြစ်တဲ့အတွက်ကြောင့် မူရင်းဖြစ်နိုင်ချေ အင်မတန်နည်းပါတယ်။ အဲဒီကျောက်ဂူတွေနားမှာနေထိုင်ခဲ့တဲ့ ဂျူးတွေအသုံးပြုခဲ့တဲ့ ကျမ်းစာလို့သီအိုရီတွေကဆိုပါတယ်။ ဓမ္မဟောင်းကျမ်းကို အပြည့်အစုံမပါပါဘူး။ မူရင်းကျမ်းလိပ်လုံးဝမဟုတ်ပါ။ မူရင်းကျမ်းလိပ်လို့ပြောချင်ရင် ကမ္ဘာဦးကျမ်းဘယ်သူရေးလဲ၊ မောရှေရေးတယ်လို့ဆိုတဲ့ ကျမ်းငါးအုပ်မှာ မောရှေရဲ့အသုဘအကြောင်း ဘာလို့ပါနေလဲ၊ စတဲ့ မေးခွန်းတွေတန်းစီထွက်လာပါတယ်။ စာရေးဆရာ ဘယ်သူမှန်းတောင်မသိရင် အဲလူရဲ့မူရင်းလက်ရာပါလို့ ပြောဖို့ကမဖြစ်နိုင်ပါဘူး။ ပြီးတော့အခုလက်ရှိဓမ္မဟောင်းနဲ့တူတာဆိုလို့ အဲဒီကျမ်းစာလိပ်တွေရဲ့ ၄၀% ပဲပါတာ တွေ့ရပါတယ်။

ပြီးတော့ပင်လယ်သေကျမ်းလိပ်တွေနဲ့ပတ်သက်ပြီးပြောချင်တာက ဘိုင်ဘယ်လ်ထဲမှာမတွေ့ရတဲ့ Ezekiel, Jeremiah နဲ့ Daniel ပရော်ဖက်စီတွေကို ကျမ်းလိပ်တွေထဲမှာတွေ့ရတာရယ်၊ ဒါဝိမင်းနဲ့ယောရှုကိုရည်စူးထားတဲ့ ဟိုအရင်ကတစ်ခါမှမတွေ့ဖူးသေးတဲ့ ဆာလံကျမ်းတွေပါနေတာရယ်၊ Joseph, Judah, Levi, Naphtali, Amram တို့ရဲ့ နောက်ဆုံးစကားတွေ ပါနေတာရယ်၊ Enoch, Abraham, Noah စတဲ့ ဘိုင်ဘယ်လ်လာပုဂ္ဂိုလ်တွေအကြောင်း အရင်ကမသိသေးတဲ့ ဇာတ်လမ်းတွေပါနေတာရယ် အထူးသဖြင့် ဘုရားသခင်က အေဘရာဟမ်ရဲ့ ၁ဦးတည်းသောသား အိုင်ဇက်ကိုယာဇ်ပူဇော်ဖို့ ဘာလို့စေခိုင်းခဲ့ရလည်းဆိုတဲ့ ရှင်းပြချက်ရယ် စတဲ့စတဲ့ လက်ရှိဘိုင်ဘယ်လ်နဲ့
ကွဲလွဲတဲ့အချက်တွေပါနေပါတယ်။ ဘီစီ၁၅၀၀မှာစရေးတဲ့ကျမ်းတွေကို ၁၅၀-၂၀၀လောက်မှာတွေ့ရတာဆိုတော့ ဒီကြားထဲဘယ်လောက်တောင်များ ဖြည့်စွက်ပြုပြင်ထားမလည်းမသိနိုင်ပါဘူး။ ဓမ္မဟောင်းတင်မကပါဘူး ဓမ္မသစ်မှာလည်း အလယ်ခေတ်ခရစ်ရှန်အသင်းတော်တွေရဲ့လက်ရာ ဖြည့်စွက်ချက်တွေကို နှောင်းလူဘိုင်ဘယ်လ်ပညာရှင်တွေက တိုက်စစ်ကြည့်တဲ့အခါမှာ တွေ့ရပါတယ်။

နောက်တစ်ချက်က death sea scrolls နဲ့ထပ်တူကျပါတယ် အသင်းတော်ပေးစာ ဘာညာတွေနဲ့ ထပ်တူကျပါတယ်လို့ဆိုလို့ တစ်ချက်ပြန်ကြည့်လိုက်မိတဲ့အခါမှာ တွေ့ပါပြီ။ ဘိုင်ဘယ်လ်ပေါင်းသောင်းခြောက်ထောင်ပါ။

Septuagint - ၂၅၀အေဒီ - ဂရိဘာသာစကား

Vulgate- ၄၀၀ အေဒီ၊ ကာသေ့ခ်ျမြို့ညီလာခံမှာ ပထမဦးဆုံးကျမ်းပြုပုံနှိပ်ခဲ့တဲ့ ဘိုင်ဘယ်လ် - လက်တင်ဘာသာစကား

မာတင်လူသာရဲ့ ဂျာမန်ဘိုင်ဘယ်လ် - ၁၅၃၄ အေဒီ

King James Version- ၁၆၁၁ အေဒီ . လူသုံးအများဆုံးမူဖြစ်ပေမယ့် စာရေးသူတွေကဟီဘရူးစာကို ကောင်းကောင်းနားမလည်လို့ အမှားပေါင်းမြောက်များစွာပါနေတယ်။

Revised Standard Version- ၁၉၅၂ အေဒီ၊ အစောဆုံးဖြစ်နိုင်ချေရှိတဲ့ ကျမ်းစာတွေကိုသုံးပြီးတော့ ဘက်မလိုက်ပဲ အမေရိကန်အင်္ဂလိပ်စာသို့ ပြန်ဆိုခဲ့တယ်။

New International Version - ၁၉၆၀-၇၀ အေဒီ. ခေတ်ပေါ်ရှေးရိုးစွဲ အင်္ဂလိပ်မူ

Jerusalem Bible- ၁၉၆၆ အေဒီ. အေဒီ၎ရာစုကတည်းက ကတ်သလစ်အသင်းတော်က တာဝန်ယူပြုစုနေတဲ့ ပထမဆုံးမူ

New Revised Standard Version- ၁၉၉၀ အေဒီ. ပညာရှင်တွေနဲ့ လေ့လာသူတွေကပြုစုထားတဲ့ မူရင်းကျမ်းစာတွေကို အတတ်နိုင်ဆုံးတိတိကျကျဘာသာပြန်ထားတဲ့မူ။

ခရစ်ရှန်များကိုမေးချင်တာက ထာဝရဘုရား၏နှုတ်ကပတ်တော်ဆိုတာ ဒီအထဲက ဘယ်တစ်ခုကိုပြောတာလဲ။ အခုဟာတွေက ဘိုင်ဘယ်လ်မူပေါင်း၁ဒါဇင်လောက်ရှိတဲ့အထဲက အထင်ရှားဆုံးမူကွဲတွေပဲ။ ဘိုင်ဘယ်လ်ကလည်း ခေတ်နဲ့အညီပြောင်းလဲနေပါလား။ နောင်တစ်ချိန်မှာ နောက်ထပ်မူတစ်မူ ထွက်ကောင်းထွက်လာနိုင်သေးတယ်နော်။

အခုရေးထားသလောက်က ဘိုင်ဘယ်လ်မူအမျိုးမျိုးအကြောင်း အကျဉ်းချုပ်ကလေးပါ။ တကယ်တော့ ဘိုင်ဘယ်လ်ကိုထိန်းသိမ်းနေတာ လူသားစဉ်စစ်တွေသာဖြစ်တယ် ဘုရားသခင်မဟုတ်ဘူးဆိုတာ အထင်းသားသိနိုင်ပါတယ်။ ကျမ်းကိုပြင်ဆင်ရေးသားရင် ကျိန်ခြင်းခံရမယ်တဲ့ သိပ်ဟုတ်တာပေါ့ ယေဟောဝါရယ် ကိုယ်ကဘာမှမလုပ်နိုင်တာကို ထိုင်ဆဲနေရုံကလွဲပြီး ဘာများတတ်နိုင်မှာလဲ။ မြန်မာပြည်က တိုင်းရင်းသားပေါင်း၁၃၅မျိုးထဲမှာ ထက်ဝက်လောက်ဘာသာပြန်ပြီးပြီဆိုတဲ့ ဘိုင်ဘယ်လ်တွေကရော ပရိုတက်စတင့်ဘိုင်ဘယ်လ်လား ကက်သလစ်မူလား? ဘယ်မူကိုယူပြီး ဘာသာပြန်ထားတာလဲ? ယုဒသန်ဘိုင်ဘယ်လ်ကရော ဘယ်မူတုန်း? ကြည့်မိသလောက်ကတော့ ယုဒသန်ဘိုင်ဘယ်လ်ဆိုတာ king james bible လည်းမဟုတ် RSV လည်းမဟုတ်။ ပြီးတော့ တိုင်းတစ်ပါးသား အမေရိကန်တစ်ယောက်က မြန်မာပြည်မှာ၃နှစ်ပဲ ဗမာစာလေ့လာပြီး ဟီဘရူး၊ဂရိ၊အာမေးနီးယန်းစကားတွေကနေ ဗမာလိုဘာသာပြန်ခဲ့တဲ့ဘိုင်ဘယ်လ်က ဘယ်လောက်များတိကျမှာလဲလို့ မေးခွန်းထုတ်မိပါတယ်။ ယုဒသန်ထက် အဆပေါင်းမြောက်မြားစွာ အထောက်အပံ့အကူအညီရခဲ့တဲ့ King James bible ဘာသာပြန်တွေတောင်မှ ဘယ်လိုမျိုးတွေမှားနေတယ်ဆိုတာ။ အင်္ဂလန်က King James ရဲ့ လုပ်ပိုင်ခွင့်နဲ့ပြုစုခဲ့တဲ့ဘိုင်ဘယ်လ်နော်။ အခုတော့တော်လိုက်တော့မယ်။