အာရမ္မဏပစ္စည်း

အာရမ္မဏပစ္စယောတိ -

* ရူပါယတနံ စက္ခုဝိညာဏဓာတုယာ တံသမ္ပယုတ္တကာနဉ္စ ဓမ္မာနံ အာရမ္မဏပစ္စယေန ပစ္စယော။
* သဒ္ဒါယတနံ သောတဝိညာဏဓာတုယာ တံသမ္ပယုတ္တကာနဉ္စ ဓမ္မာနံ အာရမ္မဏပစ္စယေန ပစ္စယော။
* ဂန္ဓာယတနံ ဃာနဝိညာဏဓာတုယာ တံသမ္ပယုတ္တကာနဉ္စ ဓမ္မာနံ အာရမ္မဏပစ္စယေန ပစ္စယော။
* ရသာယတနံ ဇိဝှါဝိညာဏဓာတုယာ တံသမ္ပယုတ္တကာနဉ္စ ဓမ္မာနံ အာရမ္မဏပစ္စယေန ပစ္စယော။
* ဖောဋ္ဌဗ္ဗာယတနံ ကာယဝိညာဏဓာတုယာ တံသမ္ပယုတ္တကာနဉ္စ ဓမ္မာနံ အာရမ္မဏပစ္စယေန ပစ္စယော။
* ရူပါယတနံ သဒ္ဒါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ မနောဓာတုယာ တံသမ္ပယုတ္တကာနဉ္စ ဓမ္မာနံ အာရမ္မဏပစ္စယေန ပစ္စယော။
* သဗ္ဗေ ဓမ္မာ မနောဓာတုယာ တံသမ္ပယုတ္တကာနဉ္စ ဓမ္မာနံ အာရမ္မဏပစ္စယေန ပစ္စယော။
* ယံ ယံ ဓမ္မံ အာရဗ္ဘ ယေ ယေ ဓမ္မာ ဥပ္ပဇ္ဇန္တိ စိတ္တစေတသိကာ ဓမ္မာ၊ တေ တေ ဓမ္မာ တေသံ တေသံ ဓမ္မာနံ အာရမ္မဏပစ္စယေန ပစ္စယော။

ယံ ယံ ဓမ္မံ = အကြင်အကြင် အာရုံ(၆)ပါး ပစ္စည်းတရားကို၊ အာရဗ္ဘ = အာရုံပြု၍၊ ယေ ယေ ဓမ္မာ = အကြင်အကြင်သို့သော သဘောရှိကုန်သော အာရမ္မဏိက ပစ္စယုပ္ပန်တရားတို့သည်၊ ဥပ္ပဇ္ဇန္တိ = ဖြစ်ကုန်၏ ။ စိတ္တ စေတသိကာ = စိတ်စေတသိက် ဖြစ်ကုန်သော၊ ဓမ္မာ = အာရမ္မဏ ပစ္စယုပ္ပန်တရားတို့သည်၊ ဥပ္ပဇ္ဇန္တိ = ဖြစ်ကုန်၏ ။ တေ တေ ဓမ္မာ = ထိုထိုအာရုံ(၆)ပါး ပစ္စည်းတရားတို့သည်၊ တေသံ တေသံ ဓမ္မာနံ = ထိုထို အာရမ္မဏိက ပစ္စယုပ္ပန်တရားတို့အား၊ အာရမ္မဏပစ္စယေန = အာရမ္မဏပစ္စယသတ္တိဖြင့်၊ ပစ္စယော+ဥပကာရကော = ကျေးဇူးပြုသည၊် ဟောတိ = ဖြစ်၏ ။ ဣတိ = ဤသို့၊ ဘဂဝါ = မြတ်စွာဘုရားသည်၊ အဝေါစ = ဂရုဏာရှေ့သွား ပညာအားဖြင့် ဟောကြားတော်မူခဲ့ပါပေသတည်း ... ။
သာဓု ... သာဓု ... သာဓု ပါဘုရား။

ပစ္စည်း = ပစ္စုပ္ပန်, အတိတ်, အနာဂတ်ဖြစ်သော စိတ် ၈၉-ပါး၊ စေတသိက် ၅၂-ပါး၊ ရုပ် ၂၈-ပါး၊ ကာလဝိမုတ်ဖြစ်သော နိဗ္ဗာန်၊ ပညတ်ဟူသော အာရုံ (၆)ပါး။

ပစ္စယုပ္ပန် = စိတ် ၈၉-ပါးနှင့် စေတသိက် ၅၂-ပါး။

ပစ္စယသတ္တိ = ကြိုးတန်းနှင့် တောင်ဝှေး အစရှိသည်တို့သည် မစွမ်းမသန်သောသူတို့အား ဆွဲတွယ်ထေက်တည်ရန် ကျေးဇူးပြုသကဲ့သို့ အတိတ်, အနာဂတ်, ပစ္စုပ္ပန် အာရုံ (၆)ပါးတို့သည် အသီးသီး မိမိတို့နှင့်ဆိုင်ရာ စိတ်၊ စေတသိက်တို့အား ဖြစ်ပေါ်လာစေရန် အာရမ္မဏသတ္တိဖြင့် ကျေးဇူးပြု၏။

(သင်္ဂြိုဟ်ဆိုင်ရာ မှတ်သားဖွယ်)

အာရမ္မဏသတ္တိ - ဟူသည် ... ဖူးပွင့်ဝေဆာသော ပန်းဥယျာဉ်ကြီးထဲ၌ လူတို့ပျော်မွေ့ဖွယ်ရာ ဖြစ်သကဲ့သို့ ရူပါရုံစသော အာရုံ (၆)ပါးတို့သည်လည်း စိတ် စေတသိက်တို့၏ နှစ်သက်ပျော်မွေ့ဖွယ်ရာ ဖြစ်ကြပါတယ်။ အာရုံနှင့်ကင်း၍ ဖြစ်ကြသော စိတ် စေတသိက်တရား မည်သည် မရှိကြပါ။ စိတ် စေတသိက်တိုင်း ရူပါရုံစသော အာရုံတစ်ခုခုကို အမှန်ပင် အာရုံပြုကြရပါတယ်။ အဲဒီလို စိတ် စေတသိက်တရားတို့က ရူပါရုံစသော အာရုံတို့အပေါ်၌ မခွဲနိုင်၊ မခွါနိုင်လောက်အောင် မွေ့လျော်ဖွယ်ရာကို ဆောင်တတ်သော ဆွဲငင်အား သတ္တိထူးကို "အာရမ္မဏသတ္တိ" လို့ ခေါ်ပါတယ်။
ထိုအာရမ္မဏ-ဟူသော ပါဠိသဒ္ဒါမှ 'အာရုံ' ဟူသည့် မြန်မာဝေါဟာရ ဖြစ်ပေါ်လာပါတယ်။

အာရုံ (၆)ပါးဟူသည်ကား ...

* ၁။ ရူပါရုံ = အဆင်း ။ တရားကိုယ်မှာ 'ဝဏ္ဏ' အဆင်း ဖြစ်ပါတယ်။
* ၂။ သဒ္ဒါရုံ = အသံ ။ တရားကိုယ်မှာ 'သဒ္ဒ' အသံ ဖြစ်ပါတယ်။
* ၃။ ဂန္ဓာရုံ = အနံ့ ။ တရားကိုယ်မှာ 'ဂန္ဓ' အနံ့ ဖြစ်ပါတယ်။
* ၄။ ရသာရုံ = အရသာ ။ တရားကိုယ်မှာ 'ရသ' အရသာ ဖြစ်ပါတယ်။
* ၅။ ဖောဋ္ဌဗ္ဗာရုံ = အထိအတွေ့ ။ တရားကိုယ်မှာ ပထဝီ, တေဇော, ဝါယော-ဟူသော ဓာတ် ၃-ပါးသာလျှင်ဖြစ်သော အထိအတွေ့ 'ဖောဋ္ဌဗ္ဗာရုံ' ဖြစ်ပါတယ်။
* ၆။ ဓမ္မာရုံ = ပသာဒရုပ် ၅-ပါး၊ သုခုမရုပ် ၁၆-ပါး၊ စိတ် ၈၉-ပါး၊ စေတသိက် ၅၂-ပါး၊ နိဗ္ဗာန်၊ ပညတ်တို့ ဖြစ်ကြပါတယ်။

အာရုံ နှင့် ကာလ

* ရူပါရုံ, သဒ္ဒါရုံ၊ ဂန္ဓာရုံ၊ ရသာရုံ၊ ဖောဋ္ဌဗ္ဗာရုံတို့ကား မြင်နိုင်၊ ကြားနိုင်၊ နံနိုင်၊ စားသိနိုင်၊ ထိသိနိုင်လောက်အောင် ကြမ်းတမ်းသည့် သြဠာရိကရုပ် (ရုပ်ကြမ်း)များ ဖြစ်ကြပါတယ်။
* ဓမ္မာရုံ ပါဝင်သော ပသာဒရုပ် (ဝါ) အကြည်ဓာတ် ၅-ပါးနှင့် သုခုမရုပ် (ဝါ) သိမ်မွေ့သောရုပ် ၁၆-ပါးတို့ကား မမြင်နိုင် မထိတွေ့နိုင်သော ရုပ်နုများ ဖြစ်ကြပါတယ်။
* ရုပ်တရား၊ နာမ်တရားတို့ကား 'ဥပါဒ်-ဌီ-ဘင်' (ဖြစ်-တည်-ပျက်) အစီအစဉ်အရ ခဏဖြစ်၍ ခဏပျက်လျက် ရှိကြပါတယ်။
* ဖြစ်ပေါ်၍ မချူပ်ခင် 'ဥပါဒ်-ဌီ-ဘင်' အားဖြင့် အထင်အရှားရှိခိုက် အာရုံကို 'ပစ္စုပ္ပန်' အာရုံဟု ခေါ်တယ်။
* 'ဥပါဒ်-ဌီ-ဘင်' စေ့၍ ချူပ်လေပြီးသော အာရုံကို 'အတိတ်' အာရုံဟု ခေါ်ပါတယ်။
* အကြောင်းညီညွတ်လျှင် ဧကန် ဖြစ်ပေါ်မည့် အာရုံကို 'အနာဂတ်' အာရုံဟု ခေါ်ပါတယ်။
* ထို့ကြောင့် ဆိုခဲ့ပြီးသော ရုပ်-စိတ်-စေတသိက်တို့သည် အတိတ်-ပစ္စုပ္ပန်-အနာဂတ် ဟူ၍ ကာလ ၃-ပါးစီ ရှိကြပါတယ်။
* ဓမ္မာရုံ၌ အကျုံးဝင်သော ပညတ်အာရုံနှင့် နိဗ္ဗာန်အာရုံတို့မှာ အတိတ်၊ ပစ္စုပ္ပန်၊ အနာဂတ် ဟူသည့် ကာလ ၃-ပါးမှ ကင်းလွတ်နေသော 'ကာလဝိမုတ်' အာရုံများ ဖြစ်ကြပါတယ်။

----------
မနောဓာတ် - အရကား ... ပဉ္စဒွါရာဝဇ္ဇန်းနှင့် သမ္ပဋိစ္ဆိုန်း ၂-ပါး၊ ပေါင်း ၃-ပါးတို့ ဖြစ်ကြပါတယ်။

* ပဉ္စဒွါရာဝဇ္ဇန်းစိတ် = ပဉ္စဒွါရ (တံခါးငါးပေါက်)ဟု ခေါ်ဆိုအပ်သော မျက်စိ, နား, နှာ, လျှာ, ကိုယ်တို့၌ ထင်လာသည့် အာရုံ (၅)ပါးကို ဆင်ခြင်နှလုံးသွင်းတတ်သောစိတ် ဖြစ်ပါတယ်။
* သမ္ပဋိစ္ဆိုန်းစိတ် = အာရုံ (၅)ပါးကို လက်ခံယူနိုင်သောစိတ် ဖြစ်ပါတယ်။ အကုသလဝိပါက် ဥပေက္ခာသဟဂုတ် သမ္ပဋိစ္ဆိုန်းစိတ် ၁-ပါး၊ အဟိတ်ကုသလဝိပါက် ဥပေက္ခာသဟဂုတ် သမ္ပဋိစ္ဆိုန်းစိတ် ၁-ပါး၊ ပေါင်း ၂-ပါး ရှိပါတယ်။ သမ္ပဋိစ္ဆိုန်းဒွေ-ဟုလည်း ခေါ်ပါတယ်။

ဓမ္မာနဉ္စ - အရကား ... သဗ္ဗစိတ္တသာဓာရဏစေတသိက် ၇-ပါးနှင့် ဝိတက်, ဝိစာရ, အဓိမောက္ခ - ပေါင်း ၁၀-ပါးတို့ ဖြစ်ကြပါတယ်။

သဗ္ဗစိတ္တဓာရဏစေတသိက် = အလုံးစုံသော စိတ်တို့နှင့် ဆက်ဆံသည့် စေတသိက် ၇-ပါး။ (စိတ်ဖြစ်တိုင်း အမြဲပါဝင်ကြသော စေတသိက်များ ဖြစ်ကြပါတယ်။)
၁။ ဖဿ = စိတ်နှင့် အာရုံကို တွေ့ထိပေးခြင်းသဘော။
၂။ ဝေဒနာ = အာရုံ၏ အရသာကို ခံစားခြင်း သဘော။
၃။ သညာ = အာရုံကို မှတ်သားခြင်း သဘော။
၎။ စေတနာ = ယှဉ်ဖက်တရားတို့ကို (ယှဉ်ဖက်စိတ် စေတသိက်တို့ကို) ဆိုင်ရာ ကိစ္စတို့၌ ဆောင်ရွက်ကြဖို့ရာ စေ့ဆော် တိုက်တွန်းခြင်း သဘော။
၅။ ဧကဂ္ဂတာ = တစ်ခုတည်းသော အာရုံ၌ တည်တံ့ခြင်း တည်ကြည်ခြင်း သဘော။
၆။ ဇီဝိတိနြေ္ဒ = ယှဉ်ဖက်တရားတို့ကို သက်တမ်းပြည့် တည်တံ့အောင် စောင့်ထိန်းခြင်း သဘော။
၇။ မနသိကာရ = စိတ်၌ အာရုံပေါ်လာအောင် ပြုပေးခြင်း သဘော။ (အာရုံကို နှလုံးသွင်းခြင်း သဘော)
ဆောင်။ ။"ဖသ်, ဝေ, သဉ်, စေ၊ ဧ, ဇီ, မန၊ ဤသတ္တ သဗ္ဗ စိတ်တိုင်းဖြစ်"

ဝိတက် = ယှဉ်ဖက်စိတ် စေတသိက်တို့ကို အာရုံသို့ တင်ပေးခြင်း သဘော။
ဝိစာရ = အာရုံကို သုံးသပ်ခြင်းသဘော (ဝါ) အာရုံကို ထပ်၍ ထပ်၍ ယူခြင်း သဘော။
အဓိမောက္ခ = အာရုံကို ဆုံးဖြတ်ခြင်း သဘော။ ... တို့ ဖြစ်ကြပါတယ်။
-------

မနောဝိညာဏဓာတ် - အရကား ... သန္တီရဏ ၃-ပါး၊ မနောဒွါရာဝဇ္ဇန်း၊ ဟသိတုပ္ပါဒ်၊ သဟိတ်စိတ် ၇၁-ပါး၊ ပေါင်း ၇၆-ပါးတို့ ဖြစ်ကြပါတယ်။

* သန္တီရဏစိတ် = သမ္ပဋိစ္ဆိုန်းစိတ် ခံယူထားသော အာရုံကို စုံစမ်းသောစိတ် ဖြစ်ပါတယ်။ ဥပေက္ခာသန္တီရဏ ၂-ပါးနှင့် သောမနဿသန္တီရဏ ၁-ပါးဟု ခွဲခြားထားပါတယ်။
* မနောဒွါရာဝဇ္ဇန်းစိတ် = မနောဒွါရတည်းဟူသော စိတ်တံခါးဝ၌ ထင်လာသော အာရုံကို ဆင်ခြင်နှလုံးသွင်းတတ်သောစိတ် ဖြစ်ပါတယ်။
* ဟသိတုပ္ပါဒ်စိတ် = မြတ်စွာဘုရားနှင့် ရဟန္တာအရှင်မြတ်တို့၏ ပြုံးရယ်သောစိတ် ဖြစ်ပါတယ်။
* သဟိတ်စိတ် = ဟိတ်ပါဝင်သောစိတ်များကို သဟိတ်စိတ်များ ဟုခေါ်ပါတယ်။ (ဟေတုပစ္စည်းမှာ ရှင်းထားပြီးပါပြီ။)

ဓမ္မာနဉ္စ - အရကား ... စေတသိက် ၅၂-ပါး တို့ ဖြစ်ကြပါတယ်။
-------

အာရမ္မဏမျိုး (၈) ပစ္စည်း
၁။ အာရမ္မဏ။
၂။ အဓိပတိ - အာရမ္မဏာဓိပတိ။
၃။ နိဿယ - ဝတ္တာရမ္မဏပုရေဇာတ နိဿယ။
၎။ ဥပနိဿယ - အာရမ္မဏူပနိဿယ။
၅။ ပုရေဇာတ - အာရမ္မဏ ပုရေဇာတ။
၆။ ဝိပ္ပယုတ္တ - ဝတ္ထာရမ္မဏ ပုရေဇာတ ဝိပ္ပယုတ္တ။
၇။ အတ္ထိ - အာရမ္မဏ ပုရေဇာတတ္ထိ။
၈။ အဝိဂတ - အာရမ္မဏ ပုရေဇာတ အဝိဂတ။

ဆောင်။ ။ အာ-အဓိ-နိသ်၊ ဥ-ပု-ဝိပ်၊ နောက်ပိတ် အတ်-အဝိ။ အာရမ္မဏ၊ ပစ္စယ၊ ရှစ်ဝ ရစေဘိ။

မှတ်ချက်။ ။ ရုပ်တရားမှန်သမျှကို လောဘမူစိတ် ၈-ပါးကသာ အလေးအမြတ် အာရုံပြု၍၊ ရုပ်ပွား ဆင်းတုများကို အာဓိ-မဟာ ကုသိုလ်စိတ်ဖြင့် မကြည်ညိုနိုင်သည်ကို အရကောက်နှင့် အာဓိသရုပ်ခွဲတို့က ဖော်ညွှန်းထားပါတယ်။ အာရုံသာမာန်ဖြင့်ကား ကြည်ညိုနိုင်ကြပါတယ်။

နိဗ္ဗာန်သည် (အကျိုးတရားမဟုတ်) အကြောင်းအာရုံတရား ဖြစ်ကြောင်းကို "နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ" ပါဠိတော်တို့က ညွှန်ပြပြီး၊ ထိုပါဠိကပင် ပုထုဇဉ်တို့ နိဗ္ဗာန်ကို အာရုံပြုနိုင်ပုံကိုလည်း ပြဆိုထားပါတယ်။
(ဓမ္မာစကြာ၌ နိဗ္ဗာန်ကို အကျိုးသစ္စာ သဘောဖြင့် ဟောကြားထားပါတယ်။)
(*အသေးစိတ်သိလိုပါက နီးစပ်ရာ ဆရာတော်များထံမှာ လေ့လာ မေးမြန်း သင်ယူကြပါ။ နက်နဲလွန်း၍ ဖြစ်ပါတယ်။)
္က
အာရမ္မဏာဓိပတိသတ္တိ - ဟူသည်ကား .. သာမာန်အာရုံထက်ပင် စိတ်ကို အလွန်အကဲတမ်းတမ်းစွဲ ဖြစ်အောင် ဆွဲဆောင်နိုင်သော စွမ်းအားဖြင့် အလေးအမြတ် ကျေးဇူးပြုခြင်း အစိုးရခြင်း သဘောသတ္တိ မည်ပါတယ်။

* ရူပါယတနံ အစရှိသော ပါဠိတော်များဖြင့် အာရုံ + အာရမ္မဏိကအဖြစ် ပြီးပြီးပါလျက် "ယံ ယံ ဓမ္မံ" အစရှိသော ပါဌ်ကို ထပ်၍ ဟောတော်မူရခြင်း။

ရူပါယတနံ ..စသော ပါဌ်ဖြင့် အာရုံ + အာရမ္မဏိက အဖြစ်ပြီးသည်ကား မှန်သော်လည်း အာရုံပြုသော ခဏ၌သာ အာရုံ (၆)ပါးတို့သည် သတ္တဝိဉာဏဓာတ်တို့အား အာရမ္မဏပစ္စည်း ဖြစ်ကြပါတယ်။
ထိုသို့ ဖြစ်ရာတွင်လည်း အတူတကွ မဖြစ်ကြ၊ သူ့အာရမ္မဏိကတရားနှင့် သူ့အာရုံတရားတို့ အသီးသီး ဖြစ်ကြသည်ကို ပြတော်မူခြင်းငှာ - ယံ ယံ ဓမ္မံ စသောပါဌ်ကို ထပ်၍ ဟောတော်မူရပါတယ်။

* ရုပ်/သံ ကြည့်ရှုနားထောင်ရာ၌ မြင်စိတ်နှင့် ကြားစိတ်တို့ ပြိုင်တူ မဖြစ်နိုင်ပုံ

ယံ ယံ ဓမ္မံ အာရဗ္ဘ" စသော ပါဌ်ကို ထောက်၍ မြင်စိတ်နှင့် ကြားစိတ်တို့ ပြိုင်တူ မဖြစ်ကြပါ။ အာရုံ (၆)ပါးတို့သည် ၇-ပါးသော ဝိညာဏဓာတ်တို့အား အာရမ္မဏပစ္စည်း ဖြစ်ကုန်သော်လည်း အတူတကွ မဖြစ်ကြကုန်။ အသီးသီးသာ ဖြစ်ကြကုန်ပါတယ်။
၎င်း ယံ ယံ ဓမ္မံ အာရဗ္ဘ စသည်ဖြင့် အာရမ္မဏနိဂုံး ကိုလည်းကောင်း၊ အာရမ္မဏမျိုး ၈-ပစ္စည်းလုံး ပစ္စည်း ပစ္စယုပ္ပန် ဖြစ်နိုင်ပုံကို ပြပါတယ်။ (အရကောက်-၈၊ ၁၄)

အာရုံ(၆)ပါးကြောင့် ဝိညာဏ်(၆)ပါး ဖြစ်ပုံ

အာရုံ(၆)ပါးက ပစ္စည်းတရား ဖြစ်တယ်။ သတ္တဝိညာဏဓာတ် လို့ခေါ်တဲ့ ဝိညာဏ်(၆)ပါးက ပစ္စယုပ္ပန်တရား ဖြစ်တယ်။ ထိုထိုပုဂ္ဂိုလ်တွေရဲ့ သန္တာန်၊ ယောဂီတို့ရဲ့ သန္တာန်မှာ ဖြစ်ပေါ်နေတဲ့ အာရုံ(၆)ပါးကြောင့် ဝိညာဏ်(၆)ပါး ဖြစ်ပေါ်လာတယ်။ အာရုံ(၆)ပါးက အာရမ္မဏ အကြောင်းပစ္စည်းတရား ဖြစ်တယ်။ ဝိညာဏ်(၆)ပါးက အာရမ္မဏိက ပစ္စယုပ္ပန်တရား ဖြစ်တယ်။ အကျိုးတရား ဝိညာဏ်(၆)ပါး ဖြစ်တာဟာလည်း အာရုံ(၆)ပါးက အကြည်ဓာတ်(၆)ဖြာမှာ လာတိုက်တဲ့ အခိုက်အတန့်မှာသာ ဖြစ်တယ်။ မတိုက်ရင် မဖြစ်ဘူး။

မျက်စိအကြည်မျာ ရူပါရုံ အဆင်းလာတိုက်တဲ့အခါမှာ မြင်သိစိတ် ဖြစ်တယ်။ နားအကြည်မှာ အသံ သဒ္ဒါရုံ လာတိုက်တဲ့အခါ ကြားသိစိတ် ဖြစ်တယ်။ နှာခေါင်းအကြည်မှာ အနံ့ ဂန္ဓာရုံ လာတိုက်တဲ့အခါ နံသိစိတ် ဖြစ်တယ်။ လျှာအကြည်မှာ အရသာ ရသာရုံ လာတိုက်တဲ့အခါ စားသိစိတ် ဖြစ်တယ်။ ကိုယ်အကြည်မှာ အတွေ့ ဖောဋ္ဌဗ္ဗာရုံ လာတိုက်တဲ့အခါကျတော့ ထိသိစိတ် ဖြစ်တယ်။ မနောအကြည်မှာ သဘောဓမ္မာရုံ လာတိုက်တဲ့အခါကျတော့ ကြံသိစိတ် ဖြစ်တယ်။

ဘယ်သူ့သန္တာန်မှာ ဖြစ်နေတာလဲဆိုတော့ ယောဂီများရဲ့သန္တာန်မှာ ဖြစ်နေတာပဲ ဖြစ်တယ်။ ထိုထိုပုဂ္ဂိုလ်တွေရဲ့သန္တာန်မှာလည်း ဖြစ်နေတာပဲဖြစ်တယ်။ အာရုံ(၆)ပါးက အကြည်ဓာတ်(၆)ဖြာမှာ လာတိုက်တဲ့ အခိုက်အတန့် မှာသာလျှင် မြင်သိ၊ ကြားသိ၊ နံသိ၊ စားသိ၊ ထိသိ၊ ကြံသိဆိုတဲ့ ဝိညာဏ်(၆)ပါး ဖြစ်ပေါ်လာတယ်။ ယောဂီများရဲ့သန္တာန်မှာ ကျေးဇူးပြုနေတယ်ဆိုတဲ့ အဓိပ္ပါယ် ဖြစ်တယ်။

အဲဒီမှာ အာရုံ(၆)ပါးက အတိုက်ဓာတ်၊ အကြည်ဓာတ်(၆)ပါးက အခံဓာတ်၊ ဝိညာဏ်(၆)ပါးက အပွင့်ဓာတ် ဖြစ်တယ်။ ကိုယ့်သန္တာန်မှာ အတိုက်ဓာတ်ရယ်၊ အကြည်ဓာတ်ရယ်၊ အခံဓာတ်ရယ်လို့ ဖြစ်နေတယ်။ အဲဒီ အပွင့်ဓာတ်ရယ်လို့ ဖြစ်လာတဲ့အခိုက်အတန့်မှာ ဝိပဿနာတရားတွေ ရှုကြရပါတယ်။

အတိုက်ဓာတ် (၆)ပါး ဖြစ်ပုံ

ဆောင်ပုဒ်။ ။ ဆင်း သံ နံ့ သာ၊ တွေ့ ဓမ္မာ၊ ခြောက်ဖြာ တိုက်ဓာတ်မည်။

အဆင်း ရူပါရုံ၊ အသံ သဒ္ဒါရုံ။ အနံ့ ဂန္ဓရုံ၊ အရသာ ရသာရုံ၊ အတွေ့ ဖောဋ္ဌဗ္ဗာရုံ၊ သဘော ဓမ္မာရုံ ဒီ(၆)ဖြာဟာ အတိုက်ဓာတ် ဖြစ်ပါတယ်။ လာလာပြီးတော့ တိုက်ပါတယ်။

အခံဓာတ် (၆)ပါး ဖြစ်ပုံ

ဆောင်ပုဒ်။ ။ မျက်စိ နား နှာ၊ လျှာ ကိုယ် စိတ်ပါ၊ ဤခြောက်ဖြာ၊ မှန်စွာ ခံဓာတ်မည်။

မျက်စိ အကြည်၊ နား အကြည်၊ နှာခေါင်း အကြည်၊ လျှာ အကြည်၊ ကိုယ် အကြည်၊ စိတ် အကြည်လို့ ယောဂီများ သန္တာန်မှာ ရှိပါတယ်။ အခံဓာတ် ဖြစ်ပါတယ်။ အာရုံ(၆)ပါးက လာလာတိုက်တဲ့ အခါကျမှ ဝိညာဏ်(၆)ပါး ဖြစ်တယ်။ မတိုက်ရင်တော့ မဖြစ်ပါဘူး။

အပွင့်ဓာတ် (၆)ပါး ဖြစ်ပုံ

ဆောင်ပုဒ်။ ။ ဝိညာဏ်ခြောက်ဖြာ၊ ဖြစ်ပေါ်လာ၊ မှန်စွာ ပွင့်ဓာတ်မည်။

မြင်သိစ်ိတ်၊ ကြားသိစိတ်၊ နံသိစိတ်၊ စားသိစိတ်၊ ထိသိစိတ်၊ ကြံသိစိတ်လို့ ဒီဝိညာဏ်(၆)ပါးကတော့ အပွင့်ဓာတ် ဖြစ်တယ်။ အတိုက်ဓာတ်၊ အခံဓာတ်၊ အပွင့်ဓာတ်တွေ ကိုယ့်သန္တာန်မှာ ဖြစ်နေပါတယ်။ မြတ်စွာဘုရား ဟောကြားခဲ့တာ ဖြစ်ပါတယ်။ အဲဒါကိုသိရင် ဝိပဿနာရှုလို့ ရသွားပြီ။

အာရမ္မဏပစ္စည်း - ၂(ခ)

တယောဥပမာ

ဥပမာအားဖြင့် အဋ္ဌကထာဆရာတွေက၊ ထိုထိုဆရာတွေက၊ ပညာရှိပုဂ္ဂိုလ်တွေက ဖွင့်ပြကြတယ်။ အတိုက်ဓာတ်ရယ်၊ အခံဓာတ်ရယ်၊ အပွင့်ဓာတ်ရယ် ဖြစ်ပေါ်နေပုံ ဥပမာနှင့် ပြကြတယ်။ တယောကြိုးရယ်၊ တယောတံရယ်၊ တယော၏ အသံရယ် .ဘယ်နှစ်မျိုးပါလဲ ... သုံးမျိုးပါ။ တယောတံနဲ့ အတိုက်ဓာတ် အာရုံ(၆)ပါးနဲ့ တူတယ်။ တယောကြိုးနှင့် အခံဓာတ် အကြည်ဓာတ် (၆)ဖြာနှင့် တူတယ်။ တယော၏ အသံနှင့် အပွင့်ဓာတ် ဝိညာဏ်(၆)ပါး နှင့်တူတယ်။

တယောကြိုးရယ်၊ တယောတံရယ်၊ တယော၏ အသံရယ် ရှိနေသကဲ့သို့ မိမိတို့ သန္တာန်မှာလည်း ဝိညာဏ်(၆)ပါး ဖြစ်နေတယ်။ အဲဒီဝိညာဏ်(၆)ပါးဖြစ်တဲ့ အခိုက်အတန့်ကလေးမှာ ဝိပဿနာရှုရတာ ဖြစ်တယ်။ ရှုလို့ရတာပါပဲ။ 'မြင်တယ်၊ မြင်တယ်' 'ကြားတယ်၊ကြားတယ်' 'နံတယ်၊နံတယ်' 'စားတယ်၊ စားတယ်' 'ထိတယ်၊ ထိတယ်' 'ကြံစည်တယ်၊ စိတ်ကူးတယ်'လို့ ရှုလို့မရပါဘူးလား .. ရှုလို့ရပါတယ်။ အဲဒီဝိညာဏ်(၆)ပါး ဖြစ်ခိုက်ကလေးမှာ ပစ္စုပ္ပန်တည့်အောင် ရှုနိုင်တယ်။ ရှုလို့ရသွားပြီးဆိုရင်တော့ ယောဂီများ အောင်မြင်သွားပြီ ဖြစ်တယ်။

နောက်တစ်နည်း ထင်ရှားအောင် ဥပမာအားဖြင့် ပြောရမယ်ဆိုလို့ရှိရင် မီးခြစ်ဆံရယ်၊ မီးခြစ်ဘူးရယ်၊ မီးတောက်ကလေးရယ် ဘယ်နှစ်မျိုးပါလဲ ... သုံးမျိုးပါ။ မီးခြစ်ဆံထဲမှာလည်း မီးတောက်ကလေး မရှိသေးဘူး၊ မီးခြစ်ဘူးထဲမှာလည်း မီးတောက်ကလေး မရှိသေးဘူး၊ မီးခြစ်ဆံနှင့် မီးခြစ်ဘူးကို ခတ်လိုက်တဲ့အခါကျမှ မီးတောက်ကလေး ဖြစ်လာပါတယ်။ မီးခြစ်ဆံက အတိုက်ဓာတ်၊ မီးခြစ်ဘူးက အခံဓာတ်၊ မီးတောက်ကလေးက အပွင့်ဓာတ်ပါ။ သိပ်ထင်ရှားတယ်။

ယောဂီများရဲ့သန္တာန်မှာ ဝိညာဏ်(၆)ပါး ဖြစ်နေတာ အဲဒီအတိုင်းပါပဲ။ ဘာကလေးနှင့်တူပါသလဲ .. မီးတောက်ကလေးနှင့် တူပါတယ်။ ပွင့်ပွင့်သွားတာပဲ။ အဲဒီပွင့်သွားတဲ့ အခိုက်အတန့်မှာ 'မြင်တယ်၊ မြင်တယ်' 'ကြားတယ်၊ကြားတယ်' 'နံတယ်၊နံတယ်' 'စားတယ်၊ စားတယ်' 'ထိတယ်၊ ထိတယ်' 'ကြံစည်တယ်၊ စိတ်ကူးတယ်'လို့ မမှတ်ရပါဘူးလား .. မှတ်ရပေတယ်။ ဝိပဿနာရှုဖို့ရာ အချက်အချာတွေပါပဲ။

အကြည်ဓာတ်(၆)ဖြာကို ဒွါရဟူ၍လည်း ခေါ်ဆိုပုံ

အဲဒီအကြည်ဓာတ်(၆)ဖြာကို စာပေကျမ်းဂန်တွေမှာ ဒွါရလို့လည်း ခေါ်ပါတယ်။ စက္ခုဒွါရ = မျက်စိပေါက်၊ သောတဒွါရ = နားပေါက်၊ ဃာနဒွါရ = နှာခေါင်းပေါက်၊ ဇိဝှါဒွါရ = လျှာပေါက်၊ ကာယဒွါရ = ကိုယ်ပေါက်၊ မနောဒွါရ = စိတ်အပေါက်တို့ကို ဒွါရလို့ ခေါ်ပါတယ်။ ဘာကြောင့် ဒွါရလို့ ခေါ်ရသလဲဆိုတော့ တံခါးနဲ့ တူလို့ပဲ။

ဒွေ ဇနာ အရ န္တိ ဂစ္ဆ န္တိ ဧတ္ထာဟိ ဒွါရံ။

ဒွေ ဇနာ = နှစ်ယောက်ကုန်သော သူတို့သည်၊ ဧတ္ထ = ဤနေရာ၌၊ အရ န္တိ ဂစ္ဆ န္တိပဝတ္တန္တိ = ဖြစ်တတ်ကုန်၏ ။ ဣတိတသ္မာ = ထိုသို့ နှစ်ယောက်သောသူတို့၏ ဖြစ်ရာဋ္ဌာန ဖြစ်တဲ့အတွက်ကြောင့်၊ ဒွါရံ = ဒွါရမည်၏ (ဝါ) တံခါးမည်၏ ။

တံခါးဆိုတာ လူနှစ်ယောက်တို့ရဲ့ ဖြစ်ရာဋ္ဌာန။ ဝင်တဲ့သူကလည်း ဒီတံခါးကပဲ မဝင်ရပါဘူးလား ... ဝင်ရပါတယ်။ ထွက်တော့ကော ဒီတံခါးကပဲ ထွက်တယ်။ ထွက်သူ ဝင်သူ နှစ်ယောက်ဖြစ်ရာ ဋ္ဌာနကို တံခါးလို့ ခေါ်ပါတယ်။

စက္ခုဒွါရ - မျက်စိတည်းဟူသောတံခါး၊ သောတဒွါရ - နားတည်းဟူသောတံခါး၊ ဃာနဒွါရ - နှာခေါင်းတည်းဟူသောတံခါး၊ ဇိဝှါဒွါရ - လျှာတည်းဟူသောတံခါး၊ ကာယဒွါရ - ကိုယ်တည်းဟူသောတံခါး၊ မနောဒွါရ - စိတ်တည်းဟူသောတံခါး။ ဒီတံခါးတွေကလည်း ဒီအတိုင်းပါပဲ။ စိတ်ဝိညာဏ်တွေ ထွက်ရာဝင်ရာ နေရာဋ္ဌာနဖြစ်တယ်။ စက္ခုဒွါရ - မျက်စိတံခါးက မြင်သိစိတ်ကလေး ထွက်ရာဝင်ရာ ဖြစ်တယ်။ မြင်သိစိတ်ကလေး ဖြစ်တာလည်း ဒီမျက်စိအကြည် စက္ခုဒွါရမှာပဲ ဖြစ်လိုက်တယ်။ ပျက်သွားတဲ့ အခါကျတော့လည်း ဒီမျက်စိအကြည် စက္ခုဒွါရမှာပဲ ပျက်သွားတာပဲ ဖြစ်တယ်။ အဲဒါလေးကို မြင်အောင်ရှုနိုင်ရမယ်လို့ ဆိုလိုပါတယ်။ ဖြစ်တာကိုလည်း မြင်အောင် ရှုနိုင်ရမယ်။ ပျက်သွားတာကိုလည်းပဲ မြင်အောင် ရှုနိုင်ရပါမယ်။ ရှုနိုင်မယ်ဆိုရင်တော့ ယောဂီများ အောင်မြင်သွားပါပြီ။ မရှုနိုင်သေးရင်တော့ မအောင်မြင်သေးပေဘူး။ မျက်စိက မအောင်မြင်သေးဘူးလို့ ဆိုရမှာပဲ ဖြစ်တယ်။

နားအကြည်ကလည်း ဒီအတိုင်းပဲ။ ကြားသိစိတ်ကလေး ဖြစ်တဲ့အခါလည်း ဒီနားအကြည် = သောတဒွါရမှာပဲ ဖြစ်တယ်။ ပျက်သွားတဲ့အခါမှာလည်း သောတဒွါရ = နားအကြည်ပေါ်မှာပဲ ပျက်သွားတယ်။ ဖျတ်ခနဲဆို ဖြစ်ပြီးတော့ ဖျတ်ခနဲဆို ပျက်သွားတာပဲ ဖြစ်တယ်။ အဲဒီ ဖြစ်ပြီးတော့ ပျက်သွားတာလေးကို မီအောင် ရှုနိုင်ရင်တော့ ယောဂီများအတွက် အောင်မြင်ပါပြီ။

ဥဒယဗ္ဗယဉာဏ် ရောက်လာတဲ့အခါကျတော့ 'ကြားတယ်၊ ကြားတယ်'လို့ မှတ်လိုက်လို့ရှိရင် ကြားသိစိတ်ကလေးက ဖြစ်ပြီးတော့ ပျောက်သွား၊ ဖြစ်ပြီးတော့ ပျောက်သွားတာ အနည်းငယ် ထင်ရှားလာတယ်။ သမာဓိဉာဏ်များ ရင့်ကျက်လာပြီးတော့ ဥဒယဗ္ဗယဉာဏ် အရင့်ပိုင်းသို့ ရောက်လာရင် ပိုပြီးတော့ ဖြစ်တာ ပျက်တာတွေ ထင်ရှားတယ်။ နောက်ဘင်္ဂဉာဏ်သို့ ရောက်သွားတဲ့အခါကျတော့ ဖြစ်တာကတော့ မထင်ရှားတော့ပေဘူး။ ပျက်ပျက်သွားတာပဲ ထင်ရှားတယ်။ ကြားတယ်၊ ကြားတယ်လို့ မှတ်လိုက်ရင် ကြားသိစိတ်ကလေး ကုန်ပျက်သွားတာ ယောဂီဟောင်းများ သမာဓိဉာဏ် ရင့်ကျက်လာတဲ့ ပုဂ္ဂိုလ်များ မြင်ကြပါတယ်။ မြင်နိုင်ပါတယ်။

ကြားသိစိတ် ဖြစ်ရာ ပျက်ရာ ဌာနဖြစ်လို့ သောတဒွါရလို့ ခေါ်ရတယ်။ တံခါးဟာ လူနှစ်ယောက်တို့၏ ထွက်တဲ့လူနှင့် ဝင်တဲ့လူနှစ်ယောက်တို့၏ ဖြစ်ရာဌာနကို တံခါးခေါ်ရသကဲ့သို့ မြင်သိစိတ်၊ ကြားသိစိတ်တို့၏ ဖြစ်ရာ ပျက်ရာဌာနကို စက္ခုဒွါရ ၊ သောတဒွါရလို့ မခေါ်ရပါဘူးလား ... ခေါ်ရပါတယ်။ ဃာနဒွါရလည်း ဒီအတိုင်း၊ ဇိဝှါဒွါရလည်း ဒီအတိုင်း၊ ကာယဒွါရလည်း ဒီအတိုင်း၊ မနောဒွါရလည်း ဒီအတိုင်းပဲ ဖြစ်ပါတယ်။ အကြည်ဓာတ်(၆)ဖြာ၊ ဒွါရ(၆)ပါးဟာ ဝိညာဏ်(၆)ပါးတို့ရဲ့ ဖြစ်ရာပျက်ရာ နေရာဌာန ဖြစ်တယ်။ ဒါကြောင့် သူတို့ကို ဒွါရလို့လည်း ခေါ်ရတယ်။

ပကတိသော တံခါးကကြီးမှာ လူနှစ်ယောက် ဝင်ရာထွက်ရာဌာန ဖြစ်သလို ဒွါရ(၆)ပါးဟာလည်း ဝိညာဏ်(၆)ပါးရဲ့ ဖြစ်ရာပျက်ရာ နေရာဌာန ဖြစ်တယ်။ အဲဒီ ဖြစ်တာ ပျက်တာကို မီအောင်ရှုနိုင်ရင်တော့ နေရာကျသွားပါပြီ။ အဲဒီ ဝိညာဏ်(၆)ပါး ဖြစ်ပေါ်လာတဲ့အခါ နှလုံးသွင်းနိုင်တယ် ဆိုလို့ရှိရင်လည်း ကုသိုလ်ဖြစ်ပါတယ်။ နှလုံးမသွင်းနိုင်ဘူးဆိုလို့ရှိရင် ကုသိုလ် မဖြစ်တော့ ဘာဖြစ်မလဲ .. အကုသိုလ်ဖြစ်တယ်။

ဒီဒွါရ - အကြည်ဓာတ်(၆)ဖြာမှာတော့ အာရုံ(၆)ပါးက အမြဲတမ်း တိုက်မနေဘူးလား .. တိုက်နေပါတယ်။ အမြဲတမ်း တိုက်နေတယ်။ တိုက်လိုက်လို့ ဝိညာဏ်(၆)ပါး ဖြစ်ခိုက်မှာ နှလုံးသွင်းမှု ဖြစ်ရင်လည်း ကုသိုလ်ဖြစ်ပါတယ်။ ဝိပဿနာ ရှုနိုင်မယ်ဆိုလို့ရှိရင်လည်း ကုသိုလ်ဖြစ်ပါတယ်။ နှလုံးလည်း မသွင်းနိုင်ဘူး၊ ဝိပဿနာလည်း မရှုနိုင်ဘူးဆိုရင်တော့ ဘာဖြစ်ပါမလဲ ... အကုသိုလ်ဖြစ်မှာပါ။ ကုသိုလ်၊ အကုသိုလ်တွေ ဒီဒွါရတွေကပဲ မဖြစ်နေပါဘူးလား ... ဖြစ်နေပါတယ်။ ဒီဌာနတွေကပဲ ဖြစ်နေပါတယ်။ အကုသိုလ်ချည်းပဲ ဖြစ်တာများနေရင်တော့ နေရာကျမှ ကျပါ့မလား .. နေရာမကျပါ။ လူဖြစ်ရကျိုး မနပ်တော့ပါဘူး။ ကုသိုလ်များများ ဖြစ်ဖို့ရာ သိပ်အရေးကြီးတယ်။ နှလုံးသွင်းမှုလည်း ရှိရမယ်။ ရှုမှတ်မှုလည်း ရှိရမယ်။

နှလုံးသွင်းမှု၊ ရှုမှတ်မှု ပြုပါက ကုသိုလ်ဖြစ်ပုံ

ဆောင်ပုဒ်။ ။ နှလုံးသွင်းမှု၊ ရှုမှတ်မှု၊ ပြုက ကုသလာ။

နှလုံးသွင်းတတ်မယ် ဆိုလို့ရှိရင်လည်း၊ နှလုံးသွင်းမှု ရှိမယ်ဆိုလို့ ရှိရင်လည်း ကုသိုလ်ဖြစ်နိုင်ပါတယ်။ ဝိညာဏ်(၆)ပါး ဖြစ်ပေါ်လာတဲ့အခါမှာ ရှုမှတ်မှုရှိမယ်ဆိုလို့ ရှိရင်လည်း ဝိပဿနာကုသိုလ်တွေ ဖြစ်ပေါ်လာနိုင်ပါတယ်။ ကုသိုလ်ဖြစ်ကြောင်း အချက်(၂)ပါးကိုတော့ သိထားရပြီ ဖြစ်တယ်။ အကုသိုလ်ဖြစ်ကြောင်း အချက်(၂)ပါးကိုလည်း သိထားသင့်ပါတယ်။

နှလုံးသွင်းမှု၊ ရှုမှတ်မှု မပြုပါက အကုသိုလ် ဖြစ်ပုံ

ဆောင်ပုဒ်။ ။ နှလုံးမသွင်း၊ ရှုမှတ်ကင်း၊ ဖြစ်ခြင်းအကုသာ။

နှလုံးလည်း မသွင်းဘူး၊ နှလုံးလည်း မသွင်းတတ်ဘူး၊ ရှုမှတ်မှုလည်း မရှိဘူး၊ ရှုမှတ်မှုလည်း မတတ်ဘူးဆိုရင် ထိုပုဂ္ဂိုလ်တွေရဲ့ သန္တာန်မှာ ဘာတွေဖြစ်တာ များနေပါ့မလဲ ... အကုသိုလ်တွေဖြစ်တာ များနေပါတယ်။ အကုသိုလ်တွေဖြစ်တာ များနေရင်တော့ လူဖြစ်ရကျိုးကော မနပ်တော့ဘူး။

ဒုတိယဘဝအတွက် ယုတ်နိမ့်ရာဘုံဘဝသို့ ရောက်သွားဖို့သာ ရှိတော့တယ်။ ဒါကြောင့် အရေးကြီးပါတယ်။ အာရုံ(၆)ပါးက ဒွါရ(၆)ပါး အကြည်ဓာတ်(၆)ဖြာမှာ လာပြီးတော့ တိုက်တဲ့အခါ ဝိညာဏ်(၆)ပါး ဖြစ်ခိုက်မှာ နှလုံးသွင်းတတ် ရှုမှတ်တတ်ဖို့ အရေးကြီးပါတယ်။ အဲဒီအတွက် အားထုတ်ပြီးတော့ နေကြရတာဖြစ်တယ်။

အာရဒ္ဓဝီရိယော ဝိဟရတိ
အကုသလာနံ ဓမ္မာနံ ပဟာနယ
ကုသလာနံ ဓမ္မာနံ ဥပသမ္ပဒါယ

အာရဒ္ဓဝီရိယော = အားထုတ်အပ်သော လုံ့လဝီရိယရှိသည်ဖြစ်၍၊ ဝိဟရတိ = နေရ၏ ။ အကုသလာနံ ဓမ္မာနံ = အကုသိုလ်တရားတို့ကို၊ ပဟာနာယ = ပယ်ခြင်းငှာ၊ ကုသလာနံ ဓမ္မာနံ = ကုသိုလ်တရားတို့ကို၊ ဥပသမ္ပဒါယ = ပြည့်စုံစေခြင်းငှာ၊ အာရဒ္ဓဝီရိယော = အားထုတ်အပ်သော လုံ့လဝီရိယရှိသည်ဖြစ်၍၊ ဝိဟရတိ = နေရ၏ ၊ (ဝါ) နေရမယ်။ ဣတိ = ဤသို့၊ ဘဂဝါ = မြတ်စွာဘုရားသည်၊ အဝေါစ = ကရုဏာရှေ့သွားပညာအားဖြင့် ဟောကြားတော်မူခဲ့ပါပေသတည်း ... ။
သာဓု ... သာဓု ... သာဓု ။

မိမိတို့ကို ဒုက္ခပေးတတ်တဲ့ အကုသိုလ်တရားတွေကို ပယ်ဖို့ရာ ကုသိုလ်တရားတွေ ပြည့်စုံလာစေဖို့ရာ၊ ပြည့်စုံစေဖို့ရာ အားထုတ်ပြီးတော့ နေကြရမယ်။ ဘယ်သူ မိန့်ကြားတာပါလဲ .. မြတ်စွာဘုရား မိန့်ကြားတာဖြစ်တယ်။ အင်မတန်ပဲ သတိထားစရာဖြစ်တယ်။ အကုသိုလ်တရားတွေ ပယ်နိုင်ရအောင် ကုသိုလ်တရားတွေကို ပြည့်စုံလာရအောင် အားထုတ်ပြီးတော့ နေကြရမယ်။ ဘယ်လိုနေရမလဲ ဆိုပါလျှင် နှလုံးသွင်းမှု ရှိရမယ်။ ရှုမှတ်မှု ရှိရမယ်ဆိုတဲ့ အဓိပ္ပါယ် ဖြစ်တယ်။

နှလုံးမသွင်းတတ်ဘူး ဆိုလို့ရှိရင် အကုသိုလ်ဖြစ်တာ သိပ်ထင်ရှားတယ်။ ကောင်းတဲ့ဣဋ္ဌာရုံတွေ မျက်စိ နား နှာ လျှာ ကိုယ် စိတ်တည်းဟူသော အကြည်ဓာတ်(၆)ဖြာမှာ လာတိုက်တယ်။ အဆင်းကောင်းကောင်း အနံ့ကောင်းကောင်း အသံကောင်းကောင်း အရသာကောင်းကောင်း အတွေ့အထိကောင်းကောင်း အာရုံကောင်းကောင်းတွေ မျက်စိ နား နှာ လျှာ ကိုယ် စိတ်မှာ လာတိုက်တယ်။ နှလုံးမသွင်းတတ်ဘူးဆိုရင် အလွန်နှစ်သက် သာယာစွဲလမ်းတဲ့ သဘောတွေ မဖြစ်ပါဘူးလား .. ဖြစ်ပါတယ်။ လောဘဆိုတဲ့ အကုသိုလ် အကုသိုလ်တွေ ဖြစ်ကြတယ်။

ဆန့်ကျင်ဖက်ဖြစ်တဲ့အာရုံတွေ မမြင်ချင်တဲ့ အဆင်းတွေ၊ မကြားချင်တဲ့ အသံတွေ၊ မတွေ့ချင်တဲ့ အတွေ့တွေ၊ ဆန့်ကျင်ဘက် အာရုံတွေနဲ့ လာတွေ့ရတဲ့အခါကျတော့ နှလုံးမသွင်းတတ်လို့ရှိရင် ဒေါမနဿ ဒေါသတွေဖြစ်ကြတယ်။ အကုသိုလ်တွေ မဖြစ်ကြပါဘူးလား... ဖြစ်ကြပါတယ်။ နှလုံးမသွင်းတတ်လို့ရှိရင်တော့ ကောင်းတဲ့အာရုံနဲ့ တွေ့တဲ့အခါမှာ လောဘ၊ မကောင်းတဲ့ အနိဋ္ဌာရုံတွေနဲ့ တွေ့တဲ့အခါကျတော့ ဒေါသ ဒေါမနဿ အကုသိုလ်တွေ ဖြစ်ကြရတယ်။

ကောင်းတဲ့ ဣဋ္ဌာရုံ၌ ကုသိုလ်ဖြစ်အောင် နှလုံးသွင်းပုံ

ကောင်းတဲ့ဣဋ္ဌာရုံတွေနဲ့ တွေ့တဲ့အခါ ဘယ်လိုနှလုံးသွင်းရမလဲ .. မလိုအပ်ပါဘူးလား ... လိုအပ်ပါတယ်။ ကောင်းတဲ့ဣဋ္ဌာရုံတွေနဲ့ တွေ့ကြုံရတဲ့အခါ ဘယ်လိုနှလုံးသွင်းရပါ့မလဲဆိုရင် ကောင်းတဲ့အာရုံတွေနဲ့ မိမိလာတွေ့နေတာ မိမိအတိတ်ဘဝတွေက ကောင်းခဲ့လို့လား ... မကောင်းခဲ့လို့လား ... ကောင်းခဲ့လို့ပါ။ ကောင်းတဲ့ ကုသိုလ်တရားတွေ ပြုခဲ့လို့၊ ကောင်းတဲ့ ကုသိုလ်ကံတွေ ပြုခဲ့လို့ ကောင်းတဲ့ အာရုံ အမျိုးမျိုးတွေနဲ့ လာတွေ့နေရတာ ဖြစ်တယ်။

နောင်တစ်ချိန် အနာဂတ်ဘဝတွေမှာလည်း ဒီလို ကောင်းတဲ့ အာရုံတွေနဲ့ တွေ့ပြီးတော့ အကောင်းမြတ်ဆုံးဖြစ်တဲ့ နိဗ္ဗာန်ချမ်းသာကို ရောက်သွားဖို့ရာ မလိုအပ်ပါဘူးလား ... လိုအပ်ပါတယ်။ ဒါကြောင့် ကောင်းတဲ့ကုသိုလ်တရားတွေ ကောင်းမှုကုသိုလ်တွေကို ရှေ့ကထက်ပိုပြီး ကြိုးစားအားထုတ်ရမယ်။ အားထုတ်မှ တော်မယ်လို့ နှလုံးသွင်းလိုက်တာနဲ့ ကုသိုလ်ဖြစ်မသွားပါဘူးလား .... ဖြစ်သွားပါတယ်။ ရှေ့က မိမိကောင်းခဲ့လို့ ကောင်းတဲ့အာရုံတွေနဲ့ တွေ့ရတာဖြစ်တယ်။ နောင်တစ်ချိန်မှာလည်း ကောင်းတဲ့အာရုံတွေနဲ့ တွေ့ဖို့ရာ နိဗ္ဗာန်ချမ်းသာတိုင်အောင် ရောက်သွားဖို့ရာ ကောင်းတဲ့ကုသိုလ်တွေ ပြုမှတော်မယ်လို့ နှလုံးသွင်းလိုက်တာနဲ့ တစ်ပြိုင်နက် ကုသိုလ်မဖြစ်သွားပါဘူးလား ... ကုသိုလ်ဖြစ်သွားပါတယ်။

မကောင်းတဲ့ အနိဋ္ဌာရုံ၌ ကုသိုလ်ဖြစ်အောင် နှလုံးသွင်းပုံ

မကောင်းတဲ့ အနိဋ္ဌာရုံနဲ့ တွေ့ရတဲ့အခါ မမြင်ချင်တာတွေ၊ မကြားချင်တာတွေ၊ မတွေ့ချင်တာတွေနဲ့ တွေ့ရတဲ့အခါ ကုသိုလ်ဖြစ်အောင် ဘယ်လိုများ နှလုံးသွင်းရပါ့မလဲဆိုတော့ ဒီမကောင်းတဲ့ အနိဋ္ဌာရုံတွေနဲ့ မိမိတွေ့နေရတာ မိမိအတိတ်ဘဝများက ကောင်းခဲ့လို့လား ... မကောင်းခဲ့လို့လား ... မကောင်းခဲ့လို့ပါ။ မကောင်းခဲ့လို့ ဒီလို အနိဋ္ဌာရုံတွေ၊ မကောင်းကျိုးတွေနဲ့ လာတွေ့နေရတာလို့ ဒီလိုသိသွားတာနဲ့ တစ်ပြိုင်နက် မသက်သာသွားပါဘူးလား ... သက်သာသွားပါတယ်။

မကောင်းတဲ့ အနိဋ္ဌာရုံတွေကို ဘာနဲ့များ ကျော်လွန်နိုင်ပါ့မလဲ .. မကောင်းတာတွေနဲ့တော့ မကျော်လွန်နိုင်ပေဘူး။ စိတ်တွေ ညစ်နွမ်းပြီး အကုသိုလ်တရားတွေနဲ့ ကျော်မှ ကျော်လွန်နိုင်ပါ့မလား .. မကျော်လွန်နိုင်ပါဘူး။ ဘာနဲ့ ကျော်လွန်နိုင်သလဲဆိုတော့ ကုသိုလ်တရားတွေနဲ့ ကျော်လွန်နိုင်တယ်။ ကုသိုလ်တရားနဲ့မှ ကျော်လွန်နိုင်တယ်လို့ သိတဲ့အတွက်ကြောင့် ကုသိုလ်တရားတွေကို ရှေးကထက် ဆထက်ထမ်းပိုး တိုးပြီးတော့ ပြုလုပ်မှ တော်မယ်လို့ နှလုံးသွင်းလိုက်တာနဲ့ တစ်ပြိုင်နက် ဘာဖြစ်သွားပါသလဲ ... ကုသိုလ်ဖြစ်သွားပါတယ်။

အာရမ္မဏပစ္စည်း - ၂(ဂ)

ဝိပါက်အမှန် ဇောအပြန်ဟု ဆိုရိုးပြုပုံ

အကျိုးပေး ဝိပါက်ကတော့ အနိဋ္ဌာရုံ မကောင်းတဲ့ အကျိုးပေး ဖြစ်တယ်။ မိမိက အခုလို အသိဉာဏ်ရှိတဲ့အတွက်ကြောင့် အသင့်အတင့် နှလုံးသွင်းတတ်တဲ့အတွက်ကြောင့် ဇောတွေကျတော့ ဘာဇောတွေ စောသွားပါသလဲ .. ကုသိုလ်ဇောတွေ စောသွားပါတယ်။ ဒါကြောင့် ဆရာတော်ကြီးများက "ဝိပါက်အမှန်၊ ဇောအပြန်"လို့ ဆိုရိုးပြုကြပါတယ်။

ဝိပေါက်ကတော့ အမှန်အတိုင်း ကိုယ်ဆိုးခဲ့လို့ မကောင်းတဲ့ ဆိုးကျိုးတွေနှင့် လာတွေ့မနေဘူးလား ... တွေ့ရပါတယ်။ ယခု ပစ္စုပ္ပန်ဘဝမှာ ကိုယ်က ကောင်းတဲ့ဘက်ကနေ နှလုံးသွင်းတတ်တဲ့ အတွက်ကြောင့် ဇောတွေကျတော့ လာဇောတွေ စောသွားပါသလဲ .. ကုသိုလ်ဇောတွေ စောသွားပါတယ်။ နေရာကျလိုက်တာ။ နှလုံးသွင်းတတ်ဖို့ လိုအပ်ပါတယ်။ ယောနိသော မနသိကာရ အလွန်ပဲ ယောဂီများအတွက် ကျေးဇူးများပါတယ်။ ကုသိုလ်ဖြစ်ခြင်းရဲ့ နီးစွာသော အကြောင်း၊ အနီးဆုံး အကြောင်းပဲ ဖြစ်ပါတယ်။ ယောနိသောမနသိကာရ အသင့်အတင့် နှလုံးသွင်းမှုတွေလည်း ရှိနေကြရပါတယ်။

နှလုံးသွင်းမှုဆိုတာ တစ်ခါတစ်ခါလည်း ရတယ်။ တစ်ခါတစ်ခါလည်း မရပေဘူး။ အာရုံတွေက သိပ်ပြင်းထန်လာတဲ့အခါ ကြမ်းတမ်းလာတဲ့အခါ စွဲလမ်းစရာ သာယာစရာ အာရုံတွေဖြစ်လို့ သိပ်စွဲလမ်းမှု နှစ်သက်မှုတွေ ဖြစ်လာတဲ့အခါ တစ်ခါတစ်လေ နှလုံးမသွင်းနိုင်တော့ပေဘူး။ အပြင်းအထန် ဝိသမလောဘတွေ ဖြစ်သွားကြတယ်။ တစ်ချို့တစ်ချို့သော ပုဂ္ဂိုလ်တွေပေါ့လေ။ ယခု ယောဂီများအနေနဲ့တော့ အဲဒီဣဋ္ဌာရုံတွေကြောင့်တော့ နှလုံးမသွင်းနိုင်တာတော့ မရှိသလောက် နည်းကြပါတယ်။

အထူးသဖြင့်တော့ အနိဋ္ဌာရုံ ဆန့်ကျင်ဖက် အာရုံတွေ မမြင်ချင်တဲ့ အာရုံတွေ၊ မတွေ့ချင်တဲ့ အာရုံတွေ၊ အလွန်ကြမ်းတမ်းတဲ့ အာရုံတွေနဲ့ သွားတွေ့ရတဲ့အခါ တစ်ခါတစ်ခါ နှလုံးသွင်းလို့ မရတော့ပေဘူး။ စိတ်တွေ ဒေါမနဿတွေ မဖြစ်တတ်ပါဘူးလား ... ဖြစ်တတ်ပါတယ်။ နှလုံးသွင်းမှုက တစ်ခါတစ်ခါလည်း နိုင်တယ်။ တစ်ခါတစ်ခါလည်း မနိုင်ပေဘူး။ ဘာနဲ့နိုင်အောင် ကုစားရမလဲဆိုတော့ ရှုမှတ်မှုနဲ့ ကုစားရမယ်။

ရှုမှတ်မှု့က အနိုင်ဆုံးဖြစ်ပုံ

ရှုမှတ်မှုကတော့ အနိုင်ဆုံးပါပဲ။ ရှုမှတ်မှုလေး ဖြစ်သွားတာနဲ့ ဒီဒေါသ ဒေါမနဿတွေ ဖြစ်ခွင့်မရတော့ဘူး။ 'စိတ်ဆိုးတယ်၊ စိတ်ဆိုးတယ်' 'စိတ်ညစ်တယ်၊ စိတ်ညစ်တယ်'ဟု ရှုရတယ်။ သမာဓိဉာဏ် အားကောင်းရင်တော့ စိတ်ဆိုး စိတ်ညစ်တာတွေ ပျက်ပျက်သွားတာ မြင်ရမယ်။ သမာဓိဉာဏ်က အားနည်းလို့ရှိရင်လည်း မမြင်ရပေဘူး။ မမြင်ရတော့ ဘယ်လိုများ ရှုရမလဲဆိုတော့ ကိုယ်ကာယမှာ ရွှေ့ပြီးတော့ ရှုရမယ်။ မိမိက စိတ်ကိုရှုလို့ မနိုင်ရင် ဘယ်ကို ရွှေ့ရှုရပါ့မလဲ ... ကိုယ်ကာယကို ရွှေ့ပြီးတော့ မှတ်ရမယ်။

ထိုင်လျက်ဆိုရင်လည်း 'ထိုင်တယ်၊ ထိတယ်' 'ထိုင်တယ်၊ ထိတယ်' 'ဖောင်းတယ်၊ ပိန်တယ်' 'ဖောင်းတယ်၊ ပိန်တယ်'လို့ အမှတ်ဖြစ်သွားတာနဲ့ ဒီဒေါသ ဒေါမနဿ ဖြစ်မှ ဖြစ်ပါတော့မလား .. မဖြစ်တော့ပါဘူး။ စိတ်ဟာ တစ်ချိန်တည်းမှာ နှစ်ခုပြိုင်ပြီးတော့ ဖြစ်လို့ မရပေဘူး။ အမှတ်ဖြစ်သွားတာနဲ့ ဒေါသ ဒေါမနဿတွေ တဒင်္ဂ တဒင်္ဂ ကင်းပြတ်သွားတယ်။ ပယ်ပြီးသား ဖြစ်မသွားပါတယ်။

သွားလျက်ဆိုလို့ရှိရင်လည်း 'ဘယ်လှမ်းတယ်၊ ညာလှမ်းတယ်' 'ဘယ်လှမ်းတယ်၊ ညာလှမ်းတယ်' 'ကြွတယ်၊ ချတယ်' 'ကြွတယ်၊ ချတယ်' 'ကြွတယ်၊ လှမ်းတယ်၊ ချတယ်'လို့ မှတ်လိုက်တာနဲ့ တစ်ပြိုင်နက် ဒီဒေါသ ဒေါမနဿတွေ ဖြစ်နေတာ မရှိတော့ဘူး။ အမှတ်က မပယ်လိုက်ပါဘူးလား ... ပယ်လိုက်ပါတယ်။ ရပ်လျက်နဲ့ ဆိုရင်လည်း 'ရပ်တယ်၊ ရပ်တယ်'လို့ မှတ်လိုက်တာနဲ့ အမှတ်ဖြစ်သွားတာနဲ့ ဒေါသ ဒေါမနဿတွေ ဖြစ်ခွင့် မရတော့ပေဘူး။ ဝိပဿနာကတော့ မနိုင်ပါဘူးလား ... နိုင်ပါတယ်။ အနိုင်ဆုံးပဲ။ ယောဂီများကတော့ ဝိပဿနာကို တကယ်အားကိုးကြတာ ဖြစ်တယ်။ အားကိုးရာအစစ် ဖြစ်ပါတယ်။

ကိုယ့်ကိုယ်သည်သာ အားကိုးရာ အစစ်ဖြစ်ပုံ

အတ္တာဟိ အတ္တနော နာထော၊
ကောဟိ နာထော ပရော သိယာ။

အတ္တာဟိ = မိမိသည်ပင်လျှင်၊ အတ္တနော = မိမိ၏ ၊ နာထော = ကိုးကွယ်ရာဖြစ်၏ ။ ပရော = သူတစ်ပါးသည်၊ ကောဟိ = အဘယ်မှာလျှင်၊ နာထော = ကိုးကွယ်ရာသည်၊ သိယာ = ဖြစ်နိုင်ပါအံ့နည်း။

ကိုယ့်ကိုယ်သည်သာ အားကိုးရာ အစစ်ဖြစ်တယ်။ သူတစ်ပါးဟာ မိမိရဲ့ အားကိုးရာ ဘယ်မှာ ဟုတ်နိုင်ပါ့မလဲ ... ကိုယ့်ကိုယ်ကို ဘယ်လိုအားကိုးရမလဲ ... မြတ်စွားဘုရားက မိန့်ကြားပါတယ်။ ကာယ၊ ဝေဒနာ၊ စိတ္တ၊ ဓမ္မတည်း ဟူသော သတိပဋ္ဌာန်တရား(၄)ပါးက ပွားများနေတာ ကိုယ့်ကိုယ်ကို အားကိုးနေတာ ဖြစ်တယ်။ အားမကိုးရပါဘူးလား ... အားကိုးရပါတယ်။ အကုသိုလ်ဆိုတာ ရန်သူတွေ၊ ကုသိုလ်တွေဆိုတာက မိတ်ဆွေတွေ၊ ဆွေမျိုး မိဘတွေပဲ ဖြစ်တယ်။ အကုသိုလ်တွေ ပယ်နိုင်ဖို့ရာ ကာယ၊ ဝေဒနာ၊ စိတ္တ၊ ဓမ္မတွေ မပွားများရပါဘူးလား ... ပွားများရပါတယ်။ အားကိုးရာ အစစ်ဖြစ်တယ်။ ယောဂီများ အားကိုးရာ အစစ်ကိုတော့ ရထားလို့ နေရာကျပြီး ဖြစ်တယ်။

ဖြစ်ခိုက်သိမှ သဘောသိပုံ

အဲဒီမှာ ရှုမှတ်ဖို့ရာကတော့ မျက်စိကလည်း ရှုမှတ်ရမယ်၊ မြင်သိစိတ် ဖြစ်ခိုက်မှာ။ နားကလည်း ရှုမှတ်ရမယ်၊ ကြားသိစိတ် ဖြစ်ခိုက်မှာ။ နှာခေါင်းကလည်း ရှုမှတ်ရမယ်၊ နံသိစိတ် ဖြစ်ခိုက်မှာ။ လျှာကလည်း ရှုမှတ်ရမယ်၊ စားသိစိတ် ဖြစ်ခိုက်မှာ။ ကိုယ်ကလည်း ရှုမှတ်ရမယ်၊ ထိသိစိတ် ဖြစ်ခိုက်မှာ။ စိတ်ကလည်း ရှုမှတ်ရမယ်၊ ကြံသိစိတ် ဖြစ်ခိုက်မှာ။ အာရုံ(၆)ပါးက ဒွါရ(၆)ပါး အကြည်ဓာတ်(၆)ဖြာမှာ လာတိုက်၍ ဝိညာဏ်ဖြစ်တဲ့ အခိုက်အတန့်လေးမှာ ရှုရမယ်။ မဖြစ်ဘဲနဲ့ ရှုနေလို့တော့ မရပေဘူး။ ဖြစ်ခိုက်မှာ ရှုမှတ်ရမယ်။

ဆောင်ပုဒ်။ ။ ဖြစ်ခိုက်ရှုမှ၊ သဘာဝ၊ မုချသိရမည် ။ သဘောသိမှ၊ ဥဒယ၊ ဝယမြင်နိုင်သည်။

သဘောသိမှ၊ ဖြစ်ပျက် မြင်နိုင်ပုံ

ဖြစ်ခိုက်ကိုရှုမှ သဘာဝ - သဘောလေးတွေကို သိရမယ်။ သဘောကို သိမှ ဥဒယ-က ဖြစ်၊ ဝယ-က ပျက်။ "ဖြစ်ပျက်ကို သိမှ အနိစ္စမြင်၊ အနိစ္စမြင်မှ ဒုက္ခထင်၊ ဒုက္ခထင်မှ အနတ္တမြင်၊ အနတ္တမြင် ၊ နိဗ္ဗာန်ခွင် ၊ ပြေးဝင်ဆိုက်ရောက်သည်" ဆိုတဲ့အတိုင်း အနတ္တဉာဏ်တွေ ပိုင်သွားတဲ့အခါ ယောဂီများ ကောင်းမှုတွေ ပြုတိုင်း ပြုတိုင်း ဆုတောင်းခဲ့တဲ့ နိဗ္ဗာန်သို့ ဆိုက်ရောက်သွားတာပါပဲ။

မျက်စိ နား နှာ လျှာ ကိုယ် စိတ် လို့ဆိုတဲ့အတိုင်း အစဉ်အတိုင်းတော့ မျက်စိကစပြီး ဟောရမှာပါပဲ။ ဝိပဿနာဉာဏ်တွေ ထူထောင်ရတာတော့ ဘယ်ကနေစပြီးတော့ ထူထောင်ရပါသလဲဆိုရင် ကာယကနေစပြီး ထူထောင်နေရတယ်။ ဝိပဿနာဉာဏ်တွေ အားရှိထက်သန်လာတဲ့အခါကျတော့ မျက်စိကလည်း ရှုလို့ရ၊ နားကလည်း ရှုလို့ရ၊ နှာခေါင်းကလည်း ရှုလို့ရ၊ လျှာကလည်း ရှုလို့ရ၊ ကိုယ်ကလည်း ရှုလို့ရ၊ စိတ်ကလည်း ရှုလို့ရတာ ဖြစ်သွားတာပါပဲ။ ဟောကြားတဲ့ အစဉ်အတိုင်း ရှုမှတ်ပုံလေးတွေကို အတိုချူပ်တော့ ထည့်ပြီးတော့ ဟောရမှာဖြစ်တယ်။

မျက်စိမှာ ရူပါရုံအဆင်း လာတိုက်တဲ့အခါ တိုက်ခိုက်လေးမှာ၊ မြင်သိစိတ် ဖြစ်ခိုက်လေးမှာ 'မြင်တယ်၊ မြင်တယ်'လို့ပဲ မရှုမှတ်ရပါဘူးလား ... ရှုမှတ်ရပါတယ်။ သာမန်ပုဂ္ဂိုလ်တွေအနေနဲ့တော့ မြင်တာကို 'မြင်တယ်၊ မြင်တယ်' လို့ရှုတာ ဘာများ ထူးပါလိမ့်မလဲ ... ဝိပဿာနာ အခြေခံမရှိတဲ့ ပုဂ္ဂိုလ်တွေ စိတ်မှာ ဒီလို ဖြစ်သွားနိုင်ပါတယ်။

ဝိပဿနာ အခြေခံရှိတဲ့ ပုဂ္ဂိုလ်များကျတော့ 'မြင်တယ်၊ မြင်တယ်'လို့ ရှုရတာ အလွန် ထူးခြားတာပါပဲ။ မြင်ခါမျှမတ္တမှာ တည်အောင် ရှုရတယ်။ မြင်ခါမျှမတ္တမှာ တည်အောင် ရှုလိုက်တဲ့အခါ ကုသိုလ်တွေ ဖြစ်သွားတာပါပဲ။ ယောဂီများအနေနဲ့ မြင်ခါမျှမတ္တမှာ တည်အောင်ရှုဖို့ရာ မခဲယဉ်းလှပါဘူး။ သာမန်ပုဂ္ဂိုလ်တွေ အနေနဲ့တော့ ဘယ်လိုပြောတဲ့ စကားလဲလို့တောင် ထင်သွားကြတယ်။

စင်္ကြံလျှောက်နေတဲ့ ယောဂီမှာ အမှတ်တွေက ကောင်းလို့ ကြွတယ်၊ လှမ်းတယ်၊ ချတယ်လို့ မှတ်နေရာတွင် ကြွလိုက်တဲ့အခါ ပေါ့ပေါ့တက်သွားတာ၊ လှမ်းလိုက်တဲ့အခါ ပေါ့ပေါ့ပြီးတော့ ရွေ့သွားတာ၊ ချလိုက်တဲ့အခါ လေးလေးပြီးတော့ ကျသွားတာ မြင်နေ၍ အမှတ်တွေ ကောင်းနေခိုက်မှာ ယောဂီအနားမှာ လူတစ်ယောက် ဖြစ်သွားလိုက်တဲ့အခါ ယောဂီနားက ဖြစ်သွားတာ ဘယ်သူပါလဲလို့ မေးလိုက်လျှင် လူတစ်ယောက်တော့ ဖြစ်သွားတာပဲ၊ ဘယ်သူလဲတော့ မသိပါဘူး၊ အမျိုးသားလား၊ အမျိုးသမီးလား၊ ကွဲမှ ကွဲပြားပါရဲ့လား ... မကွဲပြားပါဘူး။

မြင်လျှင် မြင်ခါမျှမတ္တမှာ မတည်သွားပါဘူးလား ... တည်သွားပါတယ်။ ရှုမှတ်နေတော့ လူတစ်ယောက် ဖြစ်သွားတာကိုတော့ သိလိုက်တယ်။ အမျိုးသားလား၊ အမျိုးသမီးလား၊ အရပ်က မြင့်သလား၊ နိမ့်သလား၊ အသားက မဲသလား၊ ဖြူသလား၊ သိမှ သိပါရဲ့လား ... မသိပါဘူး။ မြင်ခါမျှမတ္တမှာ တည်သွားတာ ဖြစ်တယ်။ မြင်လျှင် မြင်ခါမျှမတ္တမှာဆိုတာ ယောဂီများလို သမာဓိဉာဏ် အခြေခံရှိတဲ့ ပုဂ္ဂိုလ်တွေ အတွက်တော့ သိပ်တော့ မခက်လှပါဘူး။

ဒိဋ္ဌေ ဒိဋ္ဌမတ္တံ ဘဝိဿတိ။
ဒိဋ္ဌေ = မြင်အပ်သော အဆင်းရူပါရုံ၌၊ ဒိဋ္ဌမတ္တံ = မြင်ကာမျှ ဖြစ်သောစိတ်သည်၊ ဘဝိဿတိ = ဖြစ်လတ္တံ (ဝါ) မြင်ခါမျှမတ္တမှာ တည်အောင်ရှုရမည် ။ ဣတိ = ဤသို့၊ ဘဂဝါ = မြတ်စွားဘုရားသည်၊ အဝေါစ = ကရုဏာရှေ့သွား ပညာအားဖြင့် ဟောကြားတော်မူခဲ့ ပါပေသတည်း .... ။
သာဓု ... သာဓု ... သာဓု ။

ရူပါရုံအဆင်း မျက်စိအကြည်မှာ လာတိုက်တဲ့အခါ 'မြင်တယ်၊ မြင်တယ်'လို့ မြင်ခါမျှမတ္တမှာပဲ တည်အောင်ရှုရမယ်လို့ မြတ်စွာဘုရား မိန့်ကြားတော်မူပါတယ်။ မြင်ခါမတ္တမှာ တည်အောင် ရှုဖို့ရာမှာ အဆင့်ဆင့် ရှုရင်တော့ ပိုပြီး မြင်ခါမျှမတ္တ တည်သွားနိုင်ပါတယ်။

အမှတ်တွေကောင်းနေတဲ့ စင်္ကြိလျှောက်နေသည့် ယောဂီပုဂ္ဂိုလ်မှာ မြင်စရာ ကြည့်စရာတစ်ခုပေါ်လာ၍ ကြည့်ရတော့မယ် ဆိုလို့ရှိရင် ရှေးဦးစွာ ကြည့်ချင်တဲ့စိတ်တွေ အရင်ဖြစ်နေတာ မထင်ရှားပါဘူးလား ... ထင်ရှားပါတယ်။ ထင်ရှားနေတော့ 'ကြည့်ချင်တယ်၊ ကြည့်ချင်တယ်'လို့ မှတ်လို့မရပါဘူးလား ... မှတ်လို့ရပါတယ်။ ကြည့်ချင်စရာ အာရုံသည် မိမိအတွက် ဘာမျှ အကျိုးမရှိဘူးဆိုရင် မကြည့်တော့ပေဘူး။ 'ကြည့်ချင်တယ်၊ ကြည့်ချင်တယ်'နဲ့ပဲ ရပ်လို့ရသွားတယ်။ မကြည့်ဖြစ်တော့ပေဘူး။

မကြည့်မဖြစ်တဲ့ အာရုံဖြစ်လို့ ကြည့်မှ ဖြစ်မယ်ဆိုရင်တော့ 'ကြည့်ချင်တယ်၊ ကြည့်ချင်တယ်'လို့ ရှေးဦးစွာ ရှုမှတ်ရပါတယ်။ ထို့နောက်မှ ကြည့်တဲ့ မျက်လုံး အမူအရာတွေ ဖြစ်လာတယ်။ အပေါ်မျက်ခွံက အပေါ်သို့တက်၊ အောက်မျက်ခွံက အောက်သို့ကျ၊ အတွင်းက အားယူနေတာကို 'ကြည့်တယ်၊ ကြည့်တယ်'လို့ ရှုမှတ်ရပေတယ်။ (၃)ဆင့် ရှုမှတ်လိုက်လျှင် မြင်ခါမျှမတ္တ တည်အောင် ရှုမှတ်လို့ ရသွားကြပါတယ်။

ရှုမှတ်၍ ကြည့်ရာတွင် ကုသိုလ်(၃)မျိုး ရရှိနိုင်ပုံ

'ကြည့်ချင်တယ်၊ ကြည့်ချင်တယ်'လို့ မှတ်ရတာက ကြည့်ချင်တဲ့ စိတ်ကို မှတ်ရတဲ့အတွက်ကြောင့် စိတ္တာနုပဿနာ သတိပဋ္ဌာန်အနေနဲ့ ကုသိုလ်တွေ ရပေတယ်။ 'ကြည့်တယ်၊ ကြည့်တယ်'လို့ ရှုမှတ်တဲ့ အခါကျတော့ မျက်လုံးအမူအရာ ကိုယ်ကာယကို ရှုမှတ်ရတဲ့အတွက်ကြောင့် ကာယာနုပဿနာ သတိပဋ္ဌာန်အနေနဲ့ ကုသိုလ်တွေ ရပေတယ်။ 'မြင်တယ်၊ မြင်တယ်'လို့ ရှုမှတ်ရတဲ့ အခါကျတော့ မြင်ခါမျှမတ္တသဘောကို ရှုမှတ်ရတဲ့အတွက်ကြောင့် ဓမ္မာနုပဿနာ သတိပဋ္ဌာန်အနေနဲ့ ကုသိုလ်တွေရပေတယ်။ ဤကဲ့သို့ တစ်ခါကြည့်လိုက်ရင် ကုသိုလ်တွေ (၃)မျိုး ရရှိသွားနိုင်ပေတယ်။

ဥပ္ပန္နုပ္ပန္နာနံ သင်္ခါရာနံ ခယမေဝ ပဿတိ။
ဥပ္ပန္နုပ္ပန္နာနံ = ဖြစ်တိုင်း ဖြစ်တိုင်းကုန်သော၊ သင်္ခါရာနံ = သင်္ခါရတရား ရုပ်နာမ် နှစ်ပါးတို့၏ ၊ ခယမေဝ = ကုန်ခြင်းကိုသာလျှင်၊ ပဿတိ = ရှု၏ ။ ဣတိ = ဤသို့၊ အဋ္ဌကထာစရိယော = အဋ္ဌကထာဆရာသည်၊ သံဝဏ္ဏေတိ = ကောင်းစွာမသွေ ဖွင့်ပြတော် မူခဲ့ပါပေသတည်း ... ။
သာဓု ... သာဓု ... သာဓု ။

ယောဂီများရဲ့သန္တာန်မှာ အကျဉ်းချူပ်အားဖြင့် ရုပ်တရား နာမ်တရား နှစ်ပါးပဲ ရှိပါတယ်။ အဲဒီ ရုပ်တရား နာမ်တရား နှစ်ပါးလုံးသည်လည်း ဖြစ်ပြီးတာနဲ့ ကုန်ပျက်၊ ဖြစ်ပြီးတာနဲ့ ကုန်ပျက်သွားတာပါပဲ။ တစ်ခဏလေးတောင် မတည်ပေဘူး။ အဲဒီ ကုန်ပျက်တဲ့ဘက်ကို စိတ်ကို ညွတ်ပြီးတော့ ရှုမှတ်တတ်တာဟာလည်း ဣနြေ္ဒထက်ကြောင်းတရား တစ်ပါးဖြစ်တယ်။ တရားတွေ မြန်မြန်တွေ့၊ တရားထူး တရားမြတ်တွေ မြန်မြန်ရဖို့ရာ ဖြစ်တယ်။

ဆောင်ပုဒ်။ ။ ဖြစ်တိုင်းရုပ်နာမ်၊ ချူပ်ပျက်ဟန်၊ ဧကန်ရှုရမည်။

ရုပ်တရား နာမ်တရားနှစ်ပါးလုံး ကုန်ပျက် ချူပ်ပျက်တဲ့ဘက်ကို စိတ်ကို ညွတ်ပြီး ရှုမှတ်တတ်တာဟာလည်း ဣနြေ္ဒထက်ကြောင်း တရားတွေတက်ကြောင်း တစ်ပါးဖြစ်ပေတယ်။ ဖောင်းတယ်၊ ပိန်တယ်၊ ကြွတယ်၊ လှမ်းတယ်၊ ချတယ်ဟု ရှုမှတ်နေတဲ့အခါမှာ ကုန်ပျက်တဲ့ဘက်ကို စိတ်ကို ညွတ်ပြီးတော့ ရှုမှတ်ပေးရမယ်။ ဖောင်းတယ်လို့ ရှုမှတ်တဲ့အခါမှာ ရှုမှတ်ပြီးတာနဲ့ ဖောင်းတာလေး မရှိတော့ပေဘူး။ ပိန်တယ်လို့ ရှုမှတ်ရတာ အသစ်လား ... အဟောင်းလား .. အသစ်ပဲ ဖြစ်ပေတယ်။ ရှုမှတ်ပြီးတာနဲ့ ကုန်သွားပြီး ပျက်သွားတာကို သိနိုင်လောက်အောင် စိတ်ကို စူးစိုက်ထားရမယ်။ ကုန်ပျက်တဲ့ဘက်ကို စိတ်ကို ညွတ်ထားရပေတယ်။

အာရမ္မဏပစ္စည်း - ၂(ဃ)

ပိန်တယ်လို့ ရှုမှတ်လိုက်တဲ့အခါမှာလည်း ရှုမှတ်ပြီးတာနဲ့ ပိန်တာလေးက မရှိတော့ပေဘူး။ ဖောင်းတယ်လို့ ရှုမှတ်ရတာ အသစ်လား .. အဟောင်းလား ... အသစ်ပဲ ဖြစ်တယ်။ ကုန်ပျက်တဲ့ဘက်ကို စိတ်ကို ညွတ်ထားရမယ်ဆိုတာ ကုန်ပျက်တာတွေကို မမြင်သေးပဲနဲ့ 'ကုန်တယ်၊ ပျက်တယ်' 'ကုန်တယ်၊ ပျက်တယ်'လို့ မရှုမှတ်ရပေဘူး။ အဲဒီလို ရှုမှတ်လို့ရှိရင် ပိုနှေးသွားလိမ့်မယ်။

သူ့ရှုမြဲတိုင်းပဲ 'ဖောင်းတယ်၊ ပိန်တယ်၊ ထိုင်တယ်၊ ထိတယ်၊ ကြွတယ်၊ လှမ်းတယ်၊ ချတယ်'လို့ မရှုမှတ်ရပါဘူးလား ... ရှုမှတ်ရပါတယ်။ စိတ်ကိုတော့ ကုန်ပျက်တဲ့ဘက်ကို ညွတ်ထားရပေတယ်။ အလေးပြုထားရပေတယ်။ မိမိရဲ့ သမာဓိဉာဏ်တွေ အားနည်းနေသေးလို့ မမြင်သေးတာပဲ။ တကယ်စင်စစ်တော့ ကုန်ပျက်နေတာပဲလို့ ကုန်ပျက်တာတွေကို မြင်နိုင်လောက်အောင် စိတ်ကို အလေးပြုထားတော့ သမာဓိ ပိုဖြစ်ပေတယ်။

သမာဓိဖြစ်လာလို့ သမာဓိတွေ အားကောင်းလာတဲ့အခါ ဝိပဿနာဉာဏ် ဖြစ်လာပေတယ်။ ဝိပဿနာဉာဏ် ဖြစ်လာ၍ ဣနြေ္ဒ ၅-ပါး ညီသွားတဲ့အခါ ကုန်ပျက်တာလေးတွေ အသင့်အတင့် တွေ့လာတတ်ပါတယ်။ ကုန်ပျက်တဲ့ ဉာဏ်အဆင့်တော့ မရောက်သေးသော်လည်း ကုန်ပျက်တာလေးတွေကို ဣနြေ္ဒ ၅-ပါး ထက်သန်ညီမျှတဲ့အခါ တစ်ခါတစ်ရံ တွေ့လာတတ်ပါတယ်။

'ဖောင်းတယ်၊ ပိန်တယ်'လို့ ရှုမှတ်လိုက်တဲ့အခါ ဖောင်းတဲ့အမူအရာလေးဟာ ပိန်တဲ့ဆီကို လိုက်မပါလာပေဘူး။ ပြတ်ကျန်နေသကဲ့သို့၊ ပျက်ကျန်နေခဲ့သလို၊ ပိန်တဲ့ အမူအရာလည်း ဖောင်းတဲ့ဆီကို ပြန်လိုက်မပါလာပေဘူး။ ပျက်ပြီး ကျန်နေခဲ့သလို စိတ်ထဲဉာဏ်ထဲမှာ တစ်ခါတစ်ရံ ထင်ထင်လာတတ်ပေတယ်။

'ကြွတယ်၊ လှမ်းတယ်၊ ချတယ်'လို့ မှတ်တဲ့အခါမှာလည်း ကြွတဲ့အမူအရာလေးတွေဟာ လှမ်းတဲ့အမူအရာသို့ လိုက်မပါလာပေဘူး။ နောက်မှာ အရိပ်လေးတွေလိုပဲ ကျန်နေခဲ့တယ်။ လှမ်းတဲ့ အမူအရာတွေဟာလည်း ချတဲ့ အမူအရာနောက်သို့ လိုက်မပါလာပေဘူး။ နောက်မှာ အရိပ်လေးတွေလိုပဲ ကျန်နေခဲ့တယ်။ နင်းချလိုက်တဲ့ အမူအရာကလည်း ကြွတဲ့ အမူအရာသို့ လိုက်မပါလာပေဘူး။ နောက်မှာ အရိပ်လေးတွေလိုပဲ ကျန်နေခဲ့သလို ယောဂီရဲ့ ဉာဏ်ထဲမှာ တစ်ခါတစ်ခါ ထင်ထင်လာပေတယ်။

ဉာဏ်ထဲမှာ ထင်ထင်လာတဲ့အတိုင်း တရားလျှောက်တဲ့အခါ ယောဂီက ထည့်လျှောက်တယ်။ "အရိပ်လေးတွေလို ကျန်ကျန်နေခဲ့တယ်ဘုရား၊ ကုန်ပျက် ကုန်ပျက်တဲ့ သဘောလေး တစ်ခါတစ်ရံ တွေ့ရတယ်ဘုရား။ အဲဒါ ဟုတ်မှ ဟုတ်ပါရဲ့လားဘုရား" "ဘယ့်နှယ် မဟုတ်ပဲ ဖြစ်ရမလဲ။ ယောဂီကိုယ်တိုင် တွေ့နေရတာပဲ"။ အမှန်အတိုင်း တွေ့ရတာဖြစ်တယ်။

သမာဓိဉာဏ်က အားနည်းနေသေးလို့ ထင်ထင်ရှားရှား မတွေ့ရသေးတဲ့အတွက်ကြောင့် "စိတ်ထဲက ထင်လို့ ဖြစ်ပါလိမ့်မယ်။ တစ်ကယ်ကုန်ပျက်တာတော့ ဟုတ်မယ်မထင်ပါဘူး"လို့ မကုန်ပျက်တဲ့ဘက်ကလည်း စိတ်ကို ပြန်ပြန်ပြီး တင်းမိတတ်တယ်။ အဲဒီလိုလည်း မတင်းမိစေရပေဘူး။ "ကုန်ပျက်တာတွေကို အသင့်အတင့် တွေ့သိလာပြီ။ နောင်တော့ တစ်ကယ်တမ်း ကုန်ပျက်တာတွေ မြင်ရတော့မှာပဲ"ဟု ကုန်ပျက်တဲ့ဘက်သို့ပဲ စိတ်ကို ညွတ်ပြီးတော့ ရှုမှတ်ပေးရမယ်။

ညွတ်၍ ရှုပါများတော့ သမာဓိဉာဏ်တွေ အားကောင်းလာပြီး ဘင်္ဂဉာဏ်သို့ ရောက်သွားတဲ့အခါ ကုန်ပျက်တာတွေကို ပကတိသော မျက်စိဖြင့် မြင်ရသလို ထင်ထင်ရှားရှားတွေ့ကြပါတယ်။ ဖောင်းတယ်လို့ မှတ်လိုက်ရင် ဖောင်းတဲ့ အမူအရာလေး ရိပ်ခနဲ ရိပ်ခနဲ ကုန်ပျက်သွားတာ၊ ပိန်တယ်လို့ မှတ်လိုက်ရင်လည်း ပိန်တဲ့ အမူအရာလေး ရိပ်ခနဲ ရိပ်ခနဲ ကုန်ပျက်သွားတာ။ 'ကြွတယ်၊ လှမ်းတယ်၊ ချတယ်'လို့ မှတ်တဲ့အခါမှာလည်း ကြွတဲ့ လှမ်းတဲ့ ချတဲ့ အမူအရလေးတွေ ရိပ်ခနဲ ရိပ်ခနဲ ကုန်ပျက်သွားတာကို သမာဓိဉာဏ် အခြေခံ ရင့်ကျက်လာတဲ့ ယောဂီများ ကိုယ်တိုင် မတွေ့ရပါဘူးလား ... တွေ့ရပေတယ်။

ကုန်ပျက်သွားတာ မြင်ရတော့ မမြဲဘူးဆိုတာလည်း မသိနေပါဘူးလား ... သိနေပါတယ်။ နောက်သမာဓိဉာဏ်တစ်ဆင့် ရင့်ကျက်အားရှိ ထက်သန်လာတဲ့အခါ မှတ်စရာအာရုံသာ ကုန်ပျက် ကုန်ပျက်သွားတာ မဟုတ်ဘူး၊ မှတ်သိစိတ်ပါ ကုန်ပျက် ကုန်ပျက်သွားတာကို တစ်ဆင့် မြင်ကြပြန်ပါတယ်။ တချို့တချို့ ယောဂီများက တော်တော့ကို ဉာဏ်ထက်တာပဲ။ (၁၀)ရက်လောက်အတွင်းမှာပဲ အဲဒီလို ကုန်ပျက်တာကို မြင်ကြတယ်။

ဖောင်းတယ်လို့ မှတ်လိုက်ရင် ဖောင်းတဲ့ အမူအရာလေး ရိပ်ခနဲ ရိပ်ခနဲ ကုန်ပျက်သွားတာ၊ မှတ်သိစိတ်ပါ လိုက်ပြီး ကုန်ပျက်သွားတာ။ ပိန်တယ်လို့ မှတ်လိုက်ရင် ပိန်တဲ့ အမူအရာလေး ရိပ်ခနဲ ရိပ်ခနဲ ကုန်ပျက်သွားတာ၊ မှတ်သိစိတ်ပါ လိုက်ပြီး ကုန်ပျက်သွားတာကို မြင်ကြတယ်။ 'ကြွတယ်၊ လှမ်းတယ်၊ ချတယ်။'လို့ မှတ်နေတဲ့အခါမှာလည်း ကြွတယ်လို့ မှတ်လိုက်တဲ့အခါ ကြွတဲ့ အမူအရာလေး ရိပ်ခနဲ ရိပ်ခနဲ ကုန်ပျက်သွားတာ၊ မှတ်သိစိတ်ပါ လိုက်ပြီး ကုန်ပျက်သွားတာ။ လှမ်းတယ်လို့ မှတ်တဲ့အခါ လှမ်းတဲ့ အမူအရာလေး ရိပ်ခနဲ ရိပ်ခနဲ ကုန်ပျက်သွားတာ၊ မှတ်သိစိတ်ပါ လိုက်ပြီး ကုန်ပျက်သွားတာ။ ချတယ်လို့ မှတ်တဲ့အခါ ချတဲ့ အမူအရာလေး ရိပ်ခနဲ ရိပ်ခနဲ ကုန်ပျက်သွားတာ၊ မှတ်သိစိတ်ပါ လိုက်ပြီး ကုန်ပျက်သွားတာ ကို မြင်ကြပေတယ်။

အဲဒီလို ကုန်ပျက်တာတွေကို မြင်တဲ့အခါ မှတ်စရာအာရုံ ရုပ်တရားတွေလည်း မမြဲဘူး။ မှတ်သိစိတ် နာမ်တရားလည်း မမြဲဘူးလို့ မသိသွားပါဘူးလား ... သိသွားပါတယ်။ မမြဲဘူးဆိုတာ မြန်မာလို ဖြစ်တယ်။ ပါဠိလိုကျတော့ .. အနိစ္စပါ။ ကုန်ပျက်တာတွေ လျှင်မြန်အားကြီးတော့ နှိက်စပ်နေသလို ဖြစ်၍ ဆင်းရဲပါလား..။ ဆင်းရဲဆိုတာ မြန်မာလို ဖြစ်တယ်။ ပါဠိလိုကျတော့ ... ဒုက္ခပါ။ ဒီလို ကုန်ပျက် နှိပ်စက်နေတဲ့ ဆင်းရဲတွေကို ဘယ်လိုများ ကာကွယ်လို့ ရပါ့မလဲ၊ ဘယ်လိုမှ ကာကွယ်လို့ မရဘူး၊ သူ့သဘောအတိုင်း ကုန်ပျက် နှိပ်စက်နေတာပဲ ကိုယ်အစိုးမရပါလား...။ ကိုယ်အစိုးမရပါလားဆိုတာ မြန်မာလို ဖြစ်တယ်။ ပါဠိလိုကျတော့ .. အနတ္တပါ။ အနိစ္စ ဒုက္ခ အနတ္တတွေ ကိုယ်တိုင်တွေ့ကြရပေတယ်။

ငယ်ရွယ်စဉ်အခါကတည်းက လူကြီးသူမတွေ ပြောလို့ ကြားခဲ့ရတဲ့ အနိစ္စ ဒုက္ခ အနတ္တတွေ ကိုယ့်ခန္ဓာကိုယ်ထဲမှာ ကိုယ်တိုင်တွေ့ရတော့ ဝမ်းမြောက်ဝမ်းသာစရာ မကောင်းပါဘူးလား... ဝမ်းမြောက်ဝမ်းသာဖြစ်စရာ ကောင်းပါတယ်။ တစ်ချို့တော့ ဝမ်းမြောက်ဝမ်းသာဖြစ်လို့ ပီတိတွေဖြစ်လို့ ရှုတောင် မရှုနိုင်တော့ဘူး။ အနိစ္စ ဒုက္ခ အနတ္တတွေ မြင်ပြီး ဝမ်းမြောက်ဝမ်းသာတွေ ဖြစ်နေတာ နေရာကျပါတယ်။ ဒီပီတိကလည်း တရားရဖို့ ကျေးဇူးပြုနေပေတယ်။ ကုန်ပျက် ကုန်ပျက်တဲ့ဘက်ကို စိတ်ကို ညွတ်ပြီး ရှုမှတ်လိုက်တဲ့အခါ ကုန်ပျက်တာတွေ မြင်သွားတော့ အနိစ္စ မမြင်သွားပါဘူးလား ... အနိစ္စ မြင်သွားပါတယ်။ အနိစ္စမြင်သွားတော့ ဒုက္ခလည်း ထင်တော့တာပါပဲ။ ဒုက္ခထင်တော့ အနတ္တလည်း မြင်တော့တာပါပဲ။ လက္ခဏာစစ် တစ်ခုမြင်သွားလို့ရှိရင် သုံးပါးလုံးပင် မြင်သွားပေတယ်။

ဆောင်ပုဒ်။ ။ လက္ခဏာစစ်တွင်၊ တစ်ခုမြင်၊ အကုန်ပင် သိတော့သည်။

ကုန်ပျက်တဲ့ဘက်ကို စိတ်ကိုညွတ်ပြီး ရှုလိုက်လို့ ကုန်ပျက်တဲ့ မမြဲတဲ့ အနိစ္စ လက္ခဏာစစ်ကို မြင်လိုက်တာနဲ့ တစ်ပြိုင်နက်တည်း ဒုက္ခလက္ခဏာကိုလည်း မြင်တယ်။ အနတ္တလက္ခဏာကိုလည်း မြင်တယ်ဆိုတဲ့ အဓိပ္ပါယ် ဖြစ်ပေတယ်။ ကုန်ပျက်တဲ့ဘက်ကို စိတ်ကို ညွတ်ပြီး ရှုတဲ့အခါ တကယ်တမ်း ကုန်ပျက်တာတွေ မြင်နိုင်လောက်အောင် ရိုရိုသေသေ စူးစူးစိုက်စိုက် ရှုမှတ်ရမယ်။

ရိုရိုသေသေဆိုတာ ကိုယ်အမူအရာလေးတွေကို သိမ်သိမ်မွေ့မွေ့ နူးနူးညံ့ညံ့ ပြုလုပ်တာ ဖြစ်တယ်။ ဖောင်းတာ ပိန်တာကို မှတ်တဲ့အခါ မှန်မှန်လေး ရှူတာကို ရိုရိုသေသေပဲ ဖြစ်တယ်။ စူးစူးစိုက်စိုက်ဆိုတာကတော့ ပစ္စုပ္ပန်လည်း တည့်အောင် ပရမတ်ကိုလည်း သိအောင် စူးစိုက်ရတယ်။ ဖောင်းတယ်လို့ မှတ်တဲ့အခါ အဆင့်ဆင့် ဖောင်းတက်လာတဲ့ အစဉ်လေး သန္တတိ ပစ္စုပ္ပန်ကို တည့်နိုင်သမျှ တည့်အောင်၊ မီနိုင်သမျှ မီအောင် စူးစိုက်ရပါတယ်။ ဝမ်းဗိုက် ပုံသဏ္ဌာန် ပညတ်ကြီးကိုတော့ ခွာနိုင်သမျှ ခွာရပါတယ်။

ပိန်တယ်လို့ မှတ်တဲ့အခါမှာလည်း ဒီအတိုင်းပဲ။ အဆင့်ဆင့် လျော့ကျသွားတဲ့ အစဉ်လေး သန္တတိ ပစ္စုပ္ပန်ကို တည့်နိုင်သမျှ တည့်အောင်၊ မီနိုင်သမျှ မီအောင် စူးစိုက်ရပါတယ်။ ဝမ်းဗိုက် ပုံသဏ္ဌာန် ပညတ်ကြီးကိုတော့ ခွာနိုင်သမျှ ခွာရပါတယ်။ ဝိပဿနာတရား ရှုမှတ်တဲ့အခါမှာ ပစ္စုပ္ပန်လည်း တည့်အောင်၊ ပရမတ်ကိုလည်း သိအောင် စူးစိုက်ဖို့ရာတို့သည် အရေးကြီးတဲ့ အချက်တွေပင် ဖြစ်ပေတယ်။ ပစ္စုပ္ပန်တည့်တည့်ကလေးမှာမှ တရားသဘောတွေက ရှိပါတယ်။

ဒီတရားသဘောတွေကိုလည်း ပညတ် ပုံသဏ္ဌာန်တွေ ရှုမှတ်နေလို့လည်း မတွေ့နိုင်ပေဘူး။ ပုံသဏ္ဌာန်ဒြပ်တွေကို ခွာပြီး သဘောတရားတွေကို ရှုနိုင်မှသာ သဘောတွေကို ထင်ထင်ရှားရှား တွေ့ရပေတယ်။

ဆောင်ပုဒ်။ ။ ပညတ်ကိုခွာ၊ ပရမတ်သာ၊ မှန်စွာရှုရမည်။

ဝိပဿနာစစ်စစ်ဖြစ်ချင်လို့ရှိရင် ပညတ် ပုံသဏ္ဌာန်ဒြပ်တွေကို ခွာနိုင်သမျှ ခွာရပါမယ်။ ရှုတဲ့အခါမှာလည်း ကုန်တဲ့ ပျက်တဲ့ဘက်ကို စိတ်ကို ညွတ်ပြီး ရှုရပေမယ်။ ဝိပဿာနာစစ်စစ်ဖြစ်အောင် ဘယ်လိုများ ရှုရပါမလဲလို့ မေးရင် ပညတ်ပုံသဏ္ဌာန်ဒြပ်တွေကို ခွာနိုင်သမျှခွာ၊ ပရမတ် သဘောတရားတွေကို သိနိုင်သမျှ သိအောင် စူးစိုက်ပြီး ကုန်ပျက်တဲ့ဘက်ကနေပြီးတော့ ရှုမှတ်ရမယ်လို့ ပြောပြရပေမယ်။

သမထဆိုကတော့ ရှုတဲ့အခါမှာလည်း မြဲတဲ့ဘက်ကနေ ရှုရတယ်။ အာရုံကလည်း ပညတ်အာရုံကိုပဲ ရှုရတယ်။ ပထဝီကသိုဏ်းဆိုရင် မြေကွက်ကလေး စကောလောက်၊ ဘန်းလောက်ပြုလုပ်ပြီး ဒီမြေကွက်ကလေးကို ပကတိသော မျက်စိနှင့် မြင်အောင် ကြည့်ထားရတယ်။ မမှိတ်သော မျက်စိနှင့် ကြည့်နိုင်ရင် ပိုကောင်းတယ်။ စိတ်ကလည်း ဒီမြေကွက်ကလေးကို အမြဲတမ်း စိတ်ထဲမှာ ထင်နေရအောင် နှလုံးသွင်းပြီးတော့ (မြေ မြေ၊ ပထဝီ ပထဝီ)လို့ ရှုရတယ်။

စိတ်ထဲမှာ အမြဲတမ်း ထင်အောင်ရှုရတယ်။ မြဲတဲ့ဘက်က မရှုရပါဘူးလား ... မြဲတဲ့ဘက်က ရှုရပါတယ်။ အာရုံကလည်း ပညတ်အာရုံပဲ ဖြစ်ပေတယ်။ ရှုတဲ့အခါမှာလည်း မြဲတဲ့ဘက်ကနေ၍ ရှုရတယ်။ နောက်သမာဓိဖြစ်လာတဲ့အခါ မျက်စိမှိတ်လိုက်သော်လည်း ဒီမြေကွက်ကလေးဟာ စိတ်အာရုံထဲမှာ ပကတိသော မျက်စိဖြင့် မြင်ရတဲ့ မြေကွက်လေးလိုပဲ အမြဲထင်နေတယ်ဆိုရင် ဥဂ္ဂဟနိမိတ်လို့ ဆိုရပေတယ်။

နောက်တစ်ဆင့်တက် ရှုမှတ်လို့ သမာဓိအားရှိလာတဲ့အခါ ပကတိသော မြေကွက်ထက် ပိုပြီး ကြည်လင်တောက်ပတဲ့ မြေကွက်ကလေး စိတ်ထဲမှာ ထင်လာတယ်။ မြဲအောင် မရှုရပါဘူးလား... မြဲအောင် ရှုရပါတယ်။ အာရုံကလည်း ပညတ်အာရုံပဲ ဖြစ်ပေတယ်။ ရှုတဲ့အခါလည်း မြဲအောင်ပဲ ရှုရတယ်။ အဲဒါ သမထပါ။ ဝိပဿနာယောဂီဆိုတော့ သမထလည်း သိထားရပေတယ်။

သမထဘာဝနာနှင့် ဝိပဿနာဘာဝနာထူးပုံ

ဆောင်ပုဒ်။ ။ ပညတ်အာရုံ၊ မြဲနေပုံ၊ ရှုတုံ သမထမည်။

အာရုံကလည်း ပညတ်အာရုံ၊ ရှုတဲ့အခါမှာလည်း မြဲတဲ့ဘက်ကနေ ရှုရတာ သမထပဲ ဖြစ်ပေတယ်။ ဝိပဿနာကတော့ အာရုံကလည်း ပရမတ်အာရုံ၊ ရှုတဲ့အခါမှာလည်း မမြဲတဲ့ဘက်ကနေ ရှုရတယ်။ ပရမတ် အာရုံသဘောလေးမျှကို ရှုမှတ်ရပါတယ်။

ဆောင်ပုဒ်။ ။ ပရမတ်အာရုံ၊ မမြဲပုံ၊ ရှုတုံ ဝိပဿ်မည်။

သမထနဲ့ ဝိပဿနာ ကွဲပြားသွားကြပေပြီ ဖြစ်တယ်။ ဝိပဿနာတရားစစ်စစ် ရှုတတ်ဖို့ အရေးကြီးပါတယ်။ တစ်ချို့ တချို့ စာပေကျမ်းဂန်နယ်က ပရိယတ္တိသမားတွေက ပဋိပတ္တိသမားတွေကို မကြာခဏ လေ့လာကြပါတယ်။ အဲဒီမှာ ရှင်းရှင်း ပြောပြနိုင်ရအောင် သူတို့လည်း သဘောကျပြီး အားထုတ်နိုင်ရအောင် ဝိပဿနာနဲ့ သမထကို ကွဲပြားအောင် သိထားကြရပေတယ်။

တချို့ပုဂ္ဂိုလ်များက ပရိယတ္တိလောက်သာ အားသန်ပြီး ပဋိပတ္တိဉာဏ်က မရှိတော့ သဘောမပေါက်ကြပေဘူး။ ယောဂီတစ်ဦး ငယ်ရွယ်စဉ်က ဆရာဖြစ်ခဲ့ဖူးသည့် ဆရာကြီးတစ်ဦးက "သင်တို့ ဖောင်းတယ် ပိန်တယ် ထိုင်တယ် ထိတယ်လို့ ရှုမှတ်နေတာ သမထလည်း မဟုတ်ဘူး၊ ဝိပဿနာလည်း မဟုတ်ဘူး၊ မဟုတ်တာတွေ ရှုနေကြတယ်"ဟု ပြောလိုက်သောကြောင့် ယောဂီမှာ သံသယတွေဖြစ်ပြီး စိတ်မချမ်းမသာ ဖြစ်ရတာ ရှိခဲ့ဖူးပါတယ်။ အဲဒီလို မဖြစ်ရအောင် သမထနှင့် ဝိပဿနာ ကွဲပြားအောင် ရှုမှတ်ပုံများကို သိထားသင့်ပေတယ်။

ပရမတ်ကို ရှုရပုံမှာ ဖောင်းတယ်လို့ ရှုတဲ့အခါ တောင့်တင်း တွန်းကန်မှုကိုပဲ ရှုရပါတယ်။ ပိန်တယ်လို့ ရှုတဲ့အခါလည်း လျော့သွား လှုပ်သွားတဲ့ သဘောကိုပဲ ရှုရပါတယ်။

ဆောင်ပုဒ်။ ။ ထောက်ကန် တောင့်တင်း၊ လျော့ခြင်းတစ်မည်၊ ဝါယောဓာတ်၊ ရှုမှတ် မြတ်ယောဂီ။

ဝါယောဓာတ်ရဲ့ လက္ခဏာ ဖြစ်ပါတယ်။ ဖောင်းတဲ့အခါ ထောက်ကန်တာ၊ တောင့်တင်း တွန်းကန်တာ မထင်ရှားပါဘူးလား... ထင်ရှားပါတယ်။ ပိန်တဲ့အခါလည်း လျော့သွားတာ မထင်ရှားပါဘူးလား .. ထင်ရှားပါတယ်။ ပညတ်ကို ရှုတာလား .. ပရမတ်ကို ရှုတာလား ... ပရမတ်ကို ရှုတာပါ။ ရှုတဲ့အခါမှာလည်း မြဲတဲ့ဘက်ကရှုတာလား .. မမြဲတဲ့ဘက်က ရှုတာလား... မမြဲတဲ့ဘက်က ရှုတာပါ။ ဝိပဿနာစစ်စစ်ကို ရှုတာပါလို့ ပြန်ဖြေနိုင်ပါတယ်။

အမေးခံရတဲ့အခါမှာ အဲဒီ ယောဂီကတော့ မဖြေနိုင်ပေဘူး။ စိတ်တွေ ဂယောက်ခြောက်ခြားတွေ ဖြစ်သွားရပါတယ်။ ငယ်ရွယ်စဉ်အခါက ပရိယတ္တိ ဆရာသမားဖြစ်သူက ပြောလိုက်သည်မှာ "သင်တို့ဟာတွေက သမထလည်း မဟုတ်၊ ဝိပဿနာလည်း မဟုတ်ဘူး"လို့ ပြောလိုက်တော့ အို .. ခံရခက်လိုက်တာ။ ဝိပဿနာရှုတာ အကျိုးမရတော့ဘူးလို့ စိတ်ထဲမှာတောင် တော်တော်လေး သံသယတွေ ဖြစ်သွားပါတယ်တဲ့။ အဲဒီလို မဖြစ်ရအောင် ယောဂီများကတော့ သိထားရပါတယ်။

ဝိပဿနာစစ်စစ်ဆိုတာ ပရမတ်ကိုပဲ ရှုရပါတယ်။ ရှုတဲ့အခါမှာလည်း မမြဲတဲ့ဘက်ကဘဲ ရှုရပါတယ်လို့ပြောလို့ ရပါတယ်။ မမြဲတဲ့ဘက်၊ ကုန်ပျက်တဲ့ဘက်ကနေရှုတော့ မမြဲတဲ့ အနိစ္စ၊ ဆင်းရဲတဲ့ ဒုက္ခ၊ အစိုးမရတဲ့ အနတ္တတွေကို မြင်နိုင်ပါတယ်။

ဝိဝိဓေန အနိစ္စာဒိအာကာရေန ပဿတီတိ ဝိပဿနာ။

ဝိဝိဓေန အနိစ္စာဒီအာကာရေန = အထူးထူး အပြားပြားသော အနိစ္စ အစရှိသော အခြင်းအရာအားဖြင့်၊ ပဿတိ = ရှုတတ်၏ ။ ဣတိတသ္မာ = ဤသို့ အထူးထူး အပြားပြားသော အနိစ္စအစရှိသော အခြင်းအရာအားဖြင့် ရှုရတဲ့အတွက်ကြောင့်၊ ဝိပဿနာ = ဝိပဿာနာ မည်၏ ။

အနိစ္စ ဒုက္ခ အနတ္တ အစရှိသော အခြင်းအရာအားဖြင့် အထူးထူး အပြားပြား ဖောင်းတယ် ပိန်တယ် ထိုင်တယ် ထိတယ် ကြွတယ် လှမ်းတယ် ချတယ်လို့ ရှုတာ ဝိပဿနာ ဖြစ်ပါတယ်။ ယုံမှားသံသယ မဖြစ်ပါနဲ့။ အဲဒီလို ဝိပဿာနာရှုလို့ ဘင်္ဂဉာဏ်သို့ ရောက်သွားတဲ့အခါ ကုန်ပျက်တာတွေ မြင်တဲ့အခါ ဒွါရ(၆)ပါးကနေ လှည့်ပြီး ရှုလို့ ရသွားတတ်ပါတယ်။ သမာဓိဉာဏ် အားကောင်းတဲ့ ပုဂ္ဂိုလ်တွေ မျက်စိကလည်း 'မြင်တယ်'လို့ ရှုမှတ်လို့ ရသွားပါတယ်။ နားကလည်း 'ကြားတယ်'လို့ ရှုမှတ်လို့ ရသွားပါတယ်။ အထူးသဖြင့် နားကရတဲ့ ပုဂ္ဂိုလ်တွေကတော့ များပါတယ်။ မျက်စိကရတဲ့ ပုဂ္ဂိုလ်က နည်းနည်း နည်းပေတယ်။ နှာခေါင်းက 'နံတယ်၊ နံတယ်'။ လျှာကလည်း 'စားတယ်၊ ဝါးတယ်'။ ကိုယ်ကတော့ ရပြီးသား ဖြစ်ပါတယ်။ စိတ်ကလည်း 'စိတ်ကူးတယ်၊ ကြံစည်တယ်'လို့ မှတ်လို့ ရသွားပေတယ်။

စွဲလမ်းစရာ အာရုံတွေကြောင့် စိတ်ကူးကြံစည်မှုလေးတွေ ဖြစ်လာတယ် ဆိုလို့ရှိရင် 'စိတ်ကူးတယ်၊ ကြံစည်တယ်'လို့ မှတ်လိုက်တဲ့အခါ စိတ်ကူးကြံစည်မှုလေးတွေ တစ်ချက်မှတ် တစ်ချက်ပျောက်၊ တစ်ချက်မှတ် တစ်ချက်ပျောက်သွားတာ သမာဓိဉာဏ် အားကောင်းတဲ့ ပုဂ္ဂိုလ်တွေ တွေ့ကြရတယ်။ နောက်သမာဓိဉာဏ်တွေ အားရှိလာတော့ မှတ်သိစိတ်ပါ လိုက်လိုက်ပြီး ကုန်ပျက်ကုန်ပျက်သွားတာ တွေ့ရပြန်တယ်။ ကုန်ပျက်တာ တွေ့ရတော့ မမြဲဘူးဆိုတာ သိသွားကြတယ်။ အနိစ္စ ဒုက္ခ အနတ္တဉာဏ်တွေ ဖြစ်သွားကြတယ်။

ကာယဒွါရကနေ၍ စပြီးထူထောင်လို့ ဘင်္ဂဉာဏ်သို့ ရောက်သွားတဲ့အခါ မျက်စိ နား နှာ လျှာ ကိုယ် စိတ်တည်းဟူသော ဒွါရ(၆)ပါးလုံးမှာ လှည့်လည်ပြီးတော့ ရှုမှတ်လို့ ရသွားပါတယ်။ ဒွါရ(၆)ပါးလုံး လုံခြုံသွားတာနဲ့ တစ်ပြိုင်နက်တည်း ယောဂီများ အလိုရှိအပ် တောင့်တအပ်တဲ့ တရားထူး တရားမြတ်များ ရသွားကြမှာ ဖြစ်ပေတယ်။

အာရမ္မဏပစ္စည်း - ၂ (င)

အရှင်ပေါဋ္ဌိလမထေရ် ရဟန္တာ ဖြစ်ပုံ

ဒွါရ(၆)ပါးလုံး လုံခြုံအောင်၊ ဒွါရ(၆)ပါးလုံး ပိတ်ထားလို့တော့ မရပေဘူး။ (၅)ဒွါရကို ပိတ်ထားပြီး တစ်ဒွါရကနေ ရှုမှတ်ရမယ်။ ရှုမှတ်ရမည့် အကြောင်းကို မြတ်စွာဘုရား လက်ထက်တော်အခါက ပြဿနာတစ်ခုကြောင့် ရဟန္တာကိုရင်လေးက ဟောကြားပါတယ်။

တစ်ချိန်သောအခါ မြတ်စွာဘုရားသည် သာဝတ္ထိပြည် ဇေတဝန်ကျောင်းတော်မှာ သီတင်းသုံးနေတော်မူပါတယ်။ ဂိုဏ်းကြီး(၁၈)ဂိုဏ်းကို အုပ်ချူပ်ပြီး စာပေကျမ်းဂန်တွေကို ပို့ချနေတဲ့၊ ပိဋကတ်(၃)ပုံကို နှုတ်ငုံဆောင်ထားတဲ့ အရှင်ပေါဋ္ဌိလ ဆိုတာ ရှိတယ်။ သံဃာတော်တွေကို နေ့စဉ်နဲ့အမျှ နေ့မအား ညမအား စာပေကျမ်းဂန်တွေ ပို့ချပြီး သင်ကြားပေးတယ်။

မကြာခဏလည်း မြတ်စွာဘုရားထံလာပြီး ပူဇော်ကန်တော့တယ်။ မြတ်စွာဘုရားက "တုစ္ဆပေါဋ္ဌိလ"။ "အချည်းနှီး အလကား ပေါဋ္ဌိလ သွားတော့၊ ပြန်တော့" စသည်ဖြင့် မိန့်ကြားတဲ့အခါ "ဘယ်လိုပါလိမ့်မလဲ၊ သာသနာအတွက်လည်း နေ့မအား ညမအား စာပေကျမ်းဂန်တွေကို ပို့ချ သင်ကြားပေးနေရသေးတယ်။ မြတ်စွာဘုရားက 'တုစ္ဆ - အချည်းနှီး အလကားပဲ'လို့လည်း အပြောခံနေရသေးတယ်။ နေရာမကျပါဘူး။ ဘာကြောင့်ပါလဲ'လို့ စဉ်းစားတဲ့အခါ မိမိသန္တာန်မှာ တရားထူး တရားမြတ် မရသေးလို့ မြတ်စွာဘုရား ဒီလိုပြောတာပဲလို့ ပညာရှိပုဂ္ဂိုလ်ဆိုတော့ သိသွားပါတယ်။ သိတော့ မနေတော့ဘူး၊ တောထွက်မယ်ဆိုပြီး တောထွက်သွားပါတယ်။

ယူဇနာ(၁၂၀)ဝေးကွာတဲ့ တောကျောင်းကို ရောက်သွားတယ်။ သံဃာအပါး(၃၀) ရှိပါတယ်။ သံဃာအပါး(၃၀)လုံး ရဟန္တာပုဂ္ဂိုလ်ချည်း ဖြစ်ကြတယ်။ ရှေးဦးစွာ အကြီးဆုံးဖြစ်တဲ့ မထေရ်ကြီးထံသွားပြီး ချဉ်းကပ်တယ်။ ချဉ်းကပ်ပြီး "ဆရာတော်ကြီးဘုရား ... တပည့်တော်ရဲ့ မှီခိုအားထားရာ ဖြစ်တော်မူပါဘုရား၊ ကမ္မဋ္ဌာန်းတရား ပေးသနားတော်မူပါဘုရား"ဟု လျှောက်ထားတော့ ဆရာတော်ကြီးက "အရှင်ပေါဋ္ဌိလဟာ ပိဋကတ်(၃)ပုံကို နှုတ်ငုံဆောင်တဲ့ ပုဂ္ဂိုလ်ဖြစ်လို့ မာန်မာနတွေ ရှိနေတယ်။ တရားပေးလို့ ရနိုင်မှာ မဟုတ်ဘူး။" လို့ သိနေသောကြောင့် "အရှင်ပေါဋ္ဌိလထံမှာသာ ဆရာတော်တို့က ဆည်းပူးရမှာပါ၊ အရှင်ပေါဋ္ဌိလဆိုတာ ပိဋကတ်(၃)ပုံကို နှုတ်ငုံဆောင်တဲ့ ပုဂ္ဂိုလ် ဖြစ်ပါတယ်။ တပည့်တော်ကသာ အရှင်ပေါဋ္ဌိလအထံမှာ ကမ္မဋ္ဌာန်း ဆည်းပူးရမှာပါ၊ ကမ္မဋ္ဌာန်းတရား မပေးနိုင်ပါဘူး။ ဒုတိယ အကြီးဆုံး မထေရ်ထံ သွား၍ လျှောက်ထားပါ"ဟု ပြောလိုက်ပေတယ်။

ဒုတိယမထေရ်ကြီးကလည်း ဒီအတိုင်းပဲ မိန့်ကြားတယ်။ လက်မခံပေဘူး ကမ္မဋ္ဌာန်းတရား မပေးဘူး။ တတိယမထေရ်ကြီးကလည်း ဒီအတိုင်းပဲ ပယ်လိုက်တယ်။ အဆင့်ဆင့် မထေရ်ကြီးတွေ ပယ်လိုက်တာ ဘယ်ရောက်သွားလဲဆိုတော့ (၇)နှစ်သားအရွယ် ရဟန္တာ ရှင်သာမဏေလေးထံ ရောက်သွားတယ်။ "ကိုရင်ဘုရား... တပည့်တော်ရဲ့ အားထားကိုးကွယ်ရာ ဖြစ်တော်မူပါဘုရား ကိုရင်တစ်ပါးသာ ကျန်ပါတော့တယ်ဘုရား။ တပည့်တော်ရဲ့ ကိုးကွယ်အားထားရာ ဖြစ်တော်မူပါဘုရား။ ကမ္မဋ္ဌာန်းတရား ပေးသနားတော်မူပါဘုရား"လို့ လျှောက်ထားတယ်။

ကိုရင်လေးက ပြန်လျှောက်ထားပါတယ်။ "အရှင်ဘုရား ... ဘယ်လိုမိန့်ကြားတာပါလဲဘုရား။ တပည့်တော်က အသက်လည်း ငယ်ပါတယ်ဘုရား။ စာမေကျမ်းဂန်လည်း မတတ်ပါဘူးဘုရား။ အရှင်ဘုရားထံမှာသာ တပည့်တော်က ကမ္မဋ္ဌာန်းတရားတွေ ဆည်းပူးဖို့ရာ ဖြစ်ပါတယ်ဘုရား"ဟု ပယ်လိုက်ပြန်တော့ အရှင်ပေါဋ္ဌိလမှာ အားကိုးရာမဲ့ပြီး "ကိုရင်... ကိုရင်မှတစ်ပါး ယခုအချိန်မှာ တပည့်တော် အားကိုးစရာ မရှိတော့ပါဘူးဘုရား။ တပည့်တော်ကို သနားချီးမြှောက်သောအားဖြင့် ကမ္မဋ္ဌာန်းတရား ပေးသနားတော်မူပါဘုရား"လို့ လျှောက်ထားပြန်တယ်။

ထိုအခါ ကိုရင်လေးက 'အရှင်ပေါဋ္ဌိလ မာနတွေကျသွားပေပြီ၊ တရားပေးမှပဲ' ဆိုပြီး -
"အရှင်ဘုရား ... တပည့်တော် ပြောတဲ့စကား နားထောင်နိုင်ပါ့မလား"
"နားထောင်နိုင်ပါတယ်ဘုရား၊ ကိုရင်က အခု မီးပုံထဲ ခုန်ချလိုက်ပါဆိုရင် အခု မီးပုံထဲ ခုန်ချလိုက်ပါမယ်။"
"မီးပုံတော့ မရှိဘူး၊ ဟိုရှေ့မှာ ရေအိုင်ကြီး၊ အရှင်ဘုရား တွေ့ရဲ့လား"
"တွေ့ပါတယ်ဘုရား"
"အဲဒီရေအိုင်ကြီးထဲကို အရှင်ဘုရား အခုဝတ်ထားတဲ့ သင်္ကန်းအသစ်တွေနဲ့ ဆင်းသွားရမယ်။"

တစ်ခွန်းတည်းသော စကားဖြင့် ရေအိုင်ထဲသို့ ဆင်းသွားပါတယ်။ သင်္ကန်းအနားတွေ ရေစိုတဲ့အခါ - "အရှင်ဘုရား၊ ပြန်ကြွလာပါတော့"ဟု ဆိုလိုက်ရာ တစ်ခွန်းတည်းသော စကားနဲ့ပဲ ပြန်ကြွလာတယ်။

(၆)ဒွါရ၌ (၅)ဒွါရပိတ်၍ တစ်ဒွါရက ရှုမှတ်ပုံ

"အရှင်ဘုရားကို ကမ္မဋ္ဌာန်းတရား ပေးတော့မယ်။ အရှင်ဘုရား သတိထားပြီးတော့ နားထောင်ပါ။ တောထဲမှာ တောင်ပို့တစ်ခုရှိပါတယ်။ အပေါက်က (၆)ပေါက် ရှိပါတယ်။ အဲဒီတောင်ပို့ထဲမှာ ဖွတ်တစ်ကောင် ဝင်နေပါတယ်။ အဲဒီဖွတ်ကို လိုချင်တဲ့ ယောက်ျားဟာ (၅)ပေါက်က ပိတ်ထားပြီးတော့ တစ်ပေါက်က စောင့်ဖမ်းရပါတယ်။"

"အရှင်ဘုရားသန္တာန်မှာလည်း ဒီအတိုင်းပဲ။ မျက်စိ နား နှာ လျှာ ကိုယ် စိတ်-တည်းဟူသော ဒွါရ(၆)ပါး အပေါက်(၆)ပေါက် ရှိပါတယ်။ (၅)ဒွါရကို ပိတ်ပြီးတော့ တစ်ဒွါရကနေ ရှုရပါမယ်"ဟု ကိုရင်လေး မိန့်ကြားလိုက်တော့ အရှင်ပေါဋ္ဌိလ သဘောတွေကျသွားပါတယ်။ "ကိုရင် .. ဒီမျှနဲ့ပဲ တပည့်တော်အတွက် ကမ္မဋ္ဌာန်းပေးတာ ပြည့်စုံသွားပါပြီ"။ မှောင်မိုက်ထဲမှာရှိတဲ့ အဖိုးတန်ပစ္စည်းကို မီးထွန်းပြလိုက်သလို ချက်ခြင်းသိသွားတယ်။ အားထုတ်လိုက်တာ မကြာမီ အချိန်အတွင်းမှာပဲ ရဟန္တာ ဖြစ်သွားပါတယ်။ ကိုရင်လေးပေးတဲ့ ကမ္မဋ္ဌာန်းနည်း နေရာကျပါတယ်။

ဘယ်နှစ်ပေါက်ကို ပိတ်ထားရပါသလဲ ... (၅)ပေါက်ကို ပိတ်ထားရပါတယ်။ တစ်ပေါက်ကနေ၍ ဖွတ်ကို စောင့်ပြီး ဖမ်းရသလို တစ်ပေါက်ကနေ၍ ရှုမှတ်ရမယ်။ မျက်စိ နား နှာ လျှာ ကိုယ်-ဆိုတဲ့ (၅)ဒွါရကို ပိတ်ထားရမယ်။ ဘယ်ကနေ ရှုနေရပါသလဲ ... မနောဒွါရကနေ ရှုနေရပါမယ်။ ရှုလို့ရှိရင်တော့ (၅)ဒွါရဟာလည်း လုံခြုံနေသကဲ့သို့ ဖြစ်ပါတယ်။

မျက်စိမှာကျလာတဲ့ အာရုံကိုလည်း ဘယ်ကနေရှုရမလဲ ... မနောဒွါရကနေ ရှုရပါမယ်။ နားမှာကျလာတဲ့ အာရုံကိုလည်း ... မနောဒွါရကနေ ရှုရပါမယ်။ နှာခေါင်းမှာ ကျလာတဲ့ အာရုံကိုလဲ ... မနောဒွါရကနေ ရှုရပါမယ်။ လျှာမှာ ကျလာတဲ့ အာရုံကိုလဲ ... မနောဒွါရကနေ ရှုရပါမယ်။ ကိုယ်မှာ ကျလာတဲ့ အာရုံကိုလဲ ... မနောဒွါရကနေ ရှုရပါမယ်။ တစ်ပေါက်ကနေ၍ မရှုရပါဘူးလား ... ရှုရပါတယ်။ တစ်ပေါက်ကနေ၍ စောင့်ပြီး ဖွတ်ကို ဖမ်းနေတဲ့ ယောက်ျားနှင့် တူပေတယ်။

ဒီမှာ သဘာဝကျကျ စဉ်းစားစရာ မျက်စိမှာကျတဲ့ အာရုံကို ဘယ့်နှယ် မနောဒွါရက တစ်ခြားကနေရှုလို့ ရမှ ရပါ့လား။ မျက်စိတွေ နားတွေ နှာခေါင်းတွေ လျှာတွေ ကိုယ်တွေမှာ ကျတာက တစ်ခြား၊ ရှုတာက တစ်ခြား။ ဒီလို မဖြစ်နေဘူးလားလို့ စဉ်းစားစရာ ဖြစ်ပေတယ်။ သဘာဝကျကျ သိပ္ပံနည်းကျကျ စဉ်းစားတဲ့ ပုဂ္ဂိုလ်တွေက ဒီလိုလည်း မေးလာတတ်ကြပေတယ်။ မေးလာတဲ့အခါ အဖြေရှိပါတယ်။

ဒွါရ(၅)ပါးမှာ ကျလာတဲ့ အာရုံတွေဟာ မနောဒွါရသို့ ချက်ချင်းပဲ ရောက်လာတာ ဖြစ်ပါတယ်။ ဥပမာအားဖြင့် မွန်းတည့်ချိန်မှာ သစ်ပင်ဖျား၌ ငှက်တွေ လာနားတယ်။ နားလိုက်တာနဲ့ တစ်ပြိုင်နက်တည်း မြေမှာ အရိပ်တွေ သွားပြီး မထင်ပါဘူးလား ... ထင်ပါတယ်။ သစ်ပင်အောက်မှာ ရှိနေတဲ့ ယောက်ျား မသိပါဘူးလား ... သိပါတယ်။ အရိပ်တွေ ထင်လာတာ တွေ့တာနဲ့ အော် .. ငှက်လာနားပြီလို့ သိရပါတယ်။

အဲဒီလိုပဲ ဒွါရ(၅)ပါးမှာ ကျလာတဲ့ အာရုံတွေဟာ မနောဒွါရကို ချက်ချင်းပဲ ရောက်လာတယ်။ မနောကနေ ရှုလို့မရပါဘူးလား ... ရှုလို့ ရပါတယ်။ အဲဒါလေးတွေကို ဥပမာနဲ့ အဋ္ဌကထာဆရာတွေ ဖွင့်ပြထားပါတယ်။

ဆောင်ပုဒ်။ ။ သစ်ပင်ဖျား၌၊ ငှက်နားပမာ၊ အာရုံငါးပါး၊
ထိငြားထင်လာ၊ မြေ၌ ငှက်ရိပ်၊ ခပ်နှိပ်ပမာ၊
မနောပေါက်၊ ဆိုက်ရောက်လေသည်သာ။

သစ်ပင်ဖျားမှာ ငှက်နားလိုက်တာနဲ့ တစ်ပြိုင်နက်တည်း မြေမှာ အရိပ်တွေ သွားထင်တယ်။ အောက်က ယောင်္ကျားက ငှက်တွေ လာနားပြီလို့ သိသလိုပါပဲ။

မျက်စိအကြည်၊ နားအကြည်၊ နှာခေါင်းအကြည်၊ လျှာအကြည်၊ ကိုယ်အကြည်မှာ အာရုံ(၅)ပါး လာတိုက်တာနဲ့ တစ်ပြိုင်နက်တည်း မနောအကြည်မှာ မနောပေါက်ကို လာပြီးတော့ ထင်တော့တာပါပဲ။ ငှက်ရိပ်ထင်သလို ထင်လာတော့ 'မြင်တယ်၊ မြင်တယ်' 'ကြားတယ်၊ ကြားတယ်' 'နံတယ်၊ နံတယ်' 'စားတယ်၊ စားတယ်' 'ထိတယ်၊ ထိတယ်'လို့ မှတ်လို့ရပါတယ်။ အဲဒီ မနောတစ်ဒွါရက စောင့်ပြီးတော့ ရှုမှတ်နေတာ ဖွတ်ကို လိုချင်တဲ့ ယောင်္ကျားနှင့် အလွန်တူပေတယ်။

ကိုရင်လေးပေးတဲ့ ကမ္မဋ္ဌာန်းသည် အခုယောဂီများ ရှုနေတဲ့ ကမ္မဋ္ဌာန်းနဲ့ မတူပါဘူးလား ... တူပေတယ်။ ရဟန္တာမထေရ် ပေးတဲ့ ကမ္မဋ္ဌာန်းနဲ့ မြတ်စွာဘုရားပေးတဲ့ ကမ္မဋ္ဌာန်း အတူတူပါပဲ။ ဒွါရ(၆)ပါး လုံခြုံသွားတာနဲ့ တစ်ပြိုင်နက်တည်း ယောဂီများ အလိုရှိအပ် တောင့်တအပ်တဲ့ နိဗ္ဗာန်ချမ်းသာသို့ ရောက်သွားတော့တာပါပဲ။ လုံခြုံလို့ ရောက်သွားတဲ့ သာဓကတွေ မြတ်စွာဘုရား လက်ထက်တော်အခါက အများကြီး ရှိခဲ့ပေတယ်။

ဒွါရ(၆)ပါးကို လုံခြုံအောင် စောင့်စည်းနိုင်၍ ရဟန္တာဖြစ်ပုံ

တစ်ချိန်သောအခါ ရဟန်းတော်တော်များများ မြတ်စွာဘုရားထံမှာ ကမ္မဋ္ဌာန်းတရားတွေ ယူပြီး တရားအားထုတ်ဖို့ရာ ဒေသစာရီ ကြွချီပြီးတော့ ဝါဆိုရန် နေရာရှာကြတယ်။ တိုင်းစွန်မြို့ဖျားတစ်ခုသို့ ရောက်သွားတဲ့အခါ အဲဒီမှာ ဝါဆိုကြတယ်။ တိုင်းစွန်တိုင်းဖျား မြို့သူမြို့သားတို့သည် ကမ္မဋ္ဌာန်းတရား ကြိုးစားအားထုတ်နေတဲ့ ရဟန်းတွေ ရောက်လာတော့ အလွန်ပဲ ဂရုစိုက်ပြီး ပြုစုကြတယ်။ ဝါလယ်လောက်ရောက်တဲ့အခါ တိုင်းစွန်တိုင်းဖျား ဖြစ်သည့်အားလျောစွာ သူပုန်သူကန် သူခိုးဓားပြတွေ မြို့ကိုဝင်ပြီး လုယက်ဖျက်ဆီး မီးရှို့ လူတွေသတ်ဖြတ်၊ ပစ္စည်းတွေလုယူသွားကြတယ်။ မြို့သူမြို့သားတွေ ရဟန်းတော်များကို ဂရုမစိုက်နိုင်တော့ပဲ ဖြစ်ကြပေတယ်။

မြို့အပြင်က ကျုံးတွေတူးကြရ၊ မြို့အတွင်းက တံတိုင်းတွေ တံခါးတွေ ဆောက်လုပ်ကြရနဲ့ ရဟန်းတော်တွေကို ဂရုမစိုက်နိုင်တဲ့အခါ ရဟန်းတော်တွေ ငြိုငြိုငြင်ငြင် ပင်ပင်ပန်းပန်းနဲ့ နေခဲ့ကြရတယ်။ ဝါကျွတ်တာနဲ့ တစ်ပြိုင်နက်တည်း မြတ်စွာဘုရားထံသို့ ပြန်လာကြတယ်။ ရောက်တဲ့အခါ "ချစ်သားရဟန်းတို့ ... သင်တို့ ဝါဆိုခဲ့တဲ့နေရာမှာ ကျန်းကျန်းမာမာ ချမ်းချမ်းသာသာ ရှိကြပါရဲ့လား၊ ဆွမ်းခဲဘွယ်ဘောဇဉ်တွေ လုံလုံလောက်လောက် ရှိကြပါရဲ့လား" စသည်ဖြင့် မြတ်စွာဘုရားက နှုတ်ဆက်စကား မိန့်ကြားတော်မူပါတယ်။

ရဟန်းတော်တွေက ပြန်ပြီးတော့ လျှောက်ထားကြတယ်။ "မြတ်စွာဘုရား ... တပည့်တော်တို့ တိုင်းစွန်တိုင်းဖျားမြို့ကို အမှီပြုပြီးတော့ တရားအားထုတ်ခဲ့ရပါတယ်ဘုရား။ တရားတော့ မရခဲ့ပါဘူးဘုရား။ ဝါဆိုဦးကနေ ပြီးတော့ ဝါလယ်လောက်ထိအောင် ချမ်းချမ်းသာသာ အားထုတ်ခဲ့ရပါတယ်ဘုရား။ ဝါလယ်ရောက်တော့ မြို့ကို သူပုန်သူကန်တွေ ဝင်စီးတဲ့အတွက်ကြောင့် မြို့သူမြို့သားတွေ တပည့်တော်များကို မစောင့်ရှောက်နိုင်ကြတော့ပါဘုရား။ ဒါကြောင့် ငြိုငြိုငြင်ငြင် ပင်ပင်ပန်းပန်း နေခဲ့ကြရပါတယ်ဘုရား"လို့ လျှောက်ထားတယ်။

မြတ်စွာဘုရားက -
အလံ ဘိက္ခဝေ မာ စိန္တယိတ္ထ ဖာသုဝိဟာရောနာမ နိစ္စကာလံ ဒုလ္လဘော။

ဘိက္ခဝေ = သံသရာဘေး လာမည့်ရေးကို မျှော်တွေးထောက်ဆ သိမြင်ကြတဲ့ အို-ချစ်သားရဟန်းတို့၊ အလံ မာ စိန္တယိတ္ထ = ဟိုဟိုဒီဒီ မကြံစည်ကြကုန်လင့်။ ဖာသုဝိဟာရောနာမ = ချမ်းသာစွာ နေရခြင်းမည်သည်၊ နိစ္စကာလံ = အမြဲမပြတ်၊ ဒုလ္လဘော = ရခဲ၏ - ဟု မိန့်ကြားတော်မူပါတယ်။

ဟိုဟိုဒီဒီ ချမ်းသာတာ ဆင်းရဲတာတွေကို မကြံစည်နေနဲ့တော့၊ ကိုယ်တရားရဖို့ရာ အဓိကဖြစ်တယ်။ မြို့သူမြို့သားတွေ မိမိတို့ရဲ့ မြို့ကို လုံခြုံအောင် စောင့်ရှောက်ကြသကဲ့သို့ ကိုယ့်ရဲ့ မျက်စိ နား နှာ လျှာ ကိုယ် စိတ်-တည်းဟူသော ကိုယ့်ခန္တာကို လုံခြုံအောင် စောင့်ရှောက်ဖို့ရာ အရေးကြီးတယ်လို့ မိန့်ကြားပြီး မြတ်စွာဘုရား ဂါထာတစ်ပုဒ် ဟောကြားပါတယ်။

နဂရံ ယထာ မစ္စန္တံ၊ ဂုတ္တံ သန္တရဗာဟိရံ။
ဧဝံ ဂေါပေထ အတ္ထာနံ၊ ခဏော ဝေ မာ ဥပစ္စဂါ။
ခဏာတီတာ ဟိ သောစန္တိ၊ နိရယမှိ သမပ္ပိတာ။

ပစ္စန္တံ = တိုင်းစွန်တိုင်းဖျား၌ ဖြစ်သော၊ နာဂရံ = မြို့ကို၊ သန္တရဗာယိရံ = အတွင်းအပနှင့်တကွ၊ ဂုတ္ထံယထာ = လုံခြုံအောင် စောင့်ရှောက်ရသကဲ့သို့၊ ဧဝံ = ဤအတူ၊ အတ္ထာနံ = မိမိကိုယ်ကို (ဝါ) မျက်စိ နား နှာ လျှာ ကိုယ် စိတ်-တည်းဟူသော မိမိကိုယ်ကို၊ ဂေါပေထ = လုံခြုံအောင် စောင့်ရှောက်ကြကုန်လော့။ ခဏော = ဘုရားပွင့်တော်မူလာသော အခွင့်ကောင်း အခါကောင်းသည်၊ ဝေ = စင်စစ်၊ မာ ဥပစ္စဂါ = မလွန်သွားစေလင့်။ ခဏာတီတာ = ဘုရားပွင့်တော်မူလာသော အခွင့်ကောင်း အခါကောင်းကို လွန်စေကြကုန်သောသူတို့သည်၊ နိရယမှိ = ငရဲ၌၊ သမပ္ပိတာ = ကျရောက်ကုန်သည်ဖြစ်၍၊ သောစန္တိ အနုသောစန္တ = အဖန်တလဲလဲ စိုးရိမ်ကြရကုန်၏ ။ ဣတိ = ဤသို့၊ ဘဂဝါ = မြတ်စွာဘုရားသည်၊ အဝေါစ = ကရုဏာရှေ့သွား ပညာအားဖြင့် ဟောကြားတော် မူခဲ့ပါပေသတည်း ...။
သာဓု ... သာဓု ... သာဓု ။

ချစ်သားရဟန်းတို့ ... ဆင်းရဲတာတွေ ချမ်းသာတာတွေကို မကြံစည်နေကြနဲ့။ တိုင်းစွန်တိုင်းဖျားမှာရှိတဲ့ မြို့သူမြို့သားတွေ သူတို့ရဲ့ မြို့ကို လုံခြုံအောင် စောင့်ရှောက်ကြသကဲ့သို့ မျက်စိ နား နှာ လျှာ ကိုယ် စိတ်-တည်းဟူသော ကိုယ့်ခန္ဓာကိုယ်ကို လုံခြုံအောင် စောင့်ရှောက်ရမယ်။

လုံခြုံအောင် စောင့်ရှောက်နိုင်တယ် ဆိုတာဟာလည်း ဘုရားပွင့်တော်မူလာတဲ့ အခါနှင့် ကြုံမှသာ စောင့်ရှောက်နိုင်တယ်။ ဘုရားပွင့်တဲ့ အခွင့်ကောင်းအခါကောင်း လွန်သွားကြပြီဆိုရင် ဘဝသံသရာမှာ ဆင်းရဲဒုက္ခ အမျိုးမျိုးတွေနဲ့ တွေ့ကြုံကြရလိမ့်မယ်။ ငရဲမှာ ကျရောက်ပြီး ပူပန်လို့မဆုံး ဖြစ်ကြရလိမ့်မယ်လို့ မြတ်စွာဘုရား မိန့်ကြားတော်မူပြီး အလုပ်ပေးတရားတွေ ဟောကြားတာကို နာကြားပြီး ရဟန်းတော်တွေ တရားကို ကြိုးကြိုးစားစား အားထုတ်လိုက်ကြတာ ရဟန္တာ ဖြစ်သွားကြပေတယ်။

မျက်စိ နား နှာ လျှာ ကိုယ် စိတ်-တည်းဟူသော ဣနြေ္ဒ(၆)ပါး၊ ဒွါရ(၆)ပါးကို လုံခြုံအောင် စောင့်စည်းနိုင်သွားတဲ့ အတွက်ကြောင့် ဘာဖြစ်သွားကြပါသလဲ ... ရဟန္တာ ဖြစ်သွားကြပေတယ်။
အဲဒီမှာ မြတ်စွာဘုရား ဥပမာနဲ့ ဟောကြားပါတယ်။ မြို့နယ်မြေရယ်၊ သူပုန်သူကန် ခိုးသားဓားပြတွေရယ်၊ အစောင့်စစ်သားတွေရယ်လို့ ဘယ်နှစ်မျိုး ရှိပါသလဲ ... သုံးမျိုးရှိပေတယ်။ အဲဒီလို့ပါပဲ။ မိမိတို့ရဲ့ သန္တာန်မှာလည်း မြို့နယ်မြေနဲ့တူတဲ့ အတွင်း အဇ္ဈတ္တိ ကာယတန(၆)ပါး။ သူခိုး သူပုန် ဓားပြတွေနဲ့တူတဲ့ အဆင်းရူပါရုံ၊ အသံသဒ္ဒါရုံ၊ အနံ့ဂန္ဓာရုံ၊ အရသာရသာရုံ၊ အတွေ့အထိဖောဋ္ဌဗ္ဗာရုံ၊ သဘောဓမ္မာရုံ-ဆိုတဲ့ ဗာဟိရာယတနာ (၆)ပါး။ အစောင့်စစ်သားတွေနဲ့တူတဲ့ သတိပဋ္ဌာန်တရား(၄)ပါး ရှိနေပေတယ်။

ယောဂီများမှာ ရှိနေတဲ့ မျက်စိအကြည်၊ နားအကြည်၊ နှာခေါင်းအကြည်၊ လျှာအကြည်၊ ကိုယ်အကြည်၊ စိတ်အကြည်ဆိုတဲ့ အကြည်ဓာတ်(၆)ဖြာကတော့ သူပုန်သူကန်တွေ လုယက်ဖျက်ဆိးရာ မြို့နယ်မြေတွေနဲ့ တူပေတယ်။

ဆောင်ပုဒ်။ ။ အတွင်းခြောက်ထွေ၊ မြို့နယ်မြေ၊ တူလေဥပမာ။

မျက်စိအကြည်၊ နားအကြည်၊ နှာခေါင်းအကြည်၊ လျှာအကြည်၊ ကိုယ်အကြည်၊ စိတ်အကြည်-ဆိုတဲ့ အကြည်ဓာတ်(၆)ဖြာက သူပုန်သူကန်တွေ လုယက်ဖျက်ဆီးရာ မြို့နယ်မြေနဲ့ တူတယ်ဟု ဆိုလိုပါတယ်။

အဆင်းရူပါရုံ၊ အသံသဒ္ဒါရုံ၊ အနံ့ဂန္ဓာရုံ၊ အရသာရသာရုံ၊ အတွေ့အထိဖောဋ္ဌဗ္ဗာရုံ၊ သဘောဓမ္မာရုံဆိုတဲ့ ဗာဟိရာတန(၆)ပါးကတော့ ခိုးသား ဓားပြ သုပုန် သူုကန်တွေနဲ့ တူပေတယ်။

ဆောင်ပုဒ်။ ။ အပြင်ခြောက်ထွေ၊ ခိုးသားတွေ၊ တူလေဥပမာ။

အာရုံ(၆)ပါးကတော့ ခိုးသားဓားပြတွေနဲ့ တူတယ်။ ခိုးသားဓားပြတွေ မြို့နယ်မြေ ဝင်လာပြီးတော့ လုယက်ဖျက်ဆီး၊ လူတွေကို သတ်ဖြတ်၊ မီးတွေရှို့သွား၊ ဖျက်ဆီးသွားကြသလို အာရုံ(၆)ပါးက အကြည်ဓာတ်(၆)ဖြာမှာ ရောက်လာပြီး တိုက်တဲ့အခါ ကုသိုလ်တွေ ဖြစ်ခွင့်မရအောင် ကုသိုလ်တွေကို လုယက်ဖျက်ဆီးသွားကြတယ်။ မရှုမှတ်နိုင်လို့ရှိရင် ဘာတွေလာဖြစ်သလဲ ... အကုသိုလ်တွေ ဖြစ်လာပေတယ်။ ဒါကြောင့် အာရုံ(၆)ပါးဟာ ဘာနဲ့တူသလဲဆိုရင် ခိုးသားဓားပြတွေနဲ့ တူတယ်။

စင်စစ်တော့ အာရုံ(၆)ပါးက တကယ်လုယက်ဖျက်ဆီးနိုင်တာ မဟုတ်ဘူး။ အာရုံ(၆)ပါးကြောင့် မိမိသန္တာန်မှာ ဖြစ်တဲ့ လောဘ ဒေါသ မောဟတွေက ကုသိုလ်တွေကို ဖျက်ဆီးလိုက်တာပဲ ဖြစ်ပေတယ်။

အာရုံ(၆)ပါးကြောင့် ဖြစ်တဲ့ လောဘ ဒေါသ မောဟတွေက ဖျက်ဆီးတာကိုပဲ အာရုံ(၆)ပါးမှာ တင်စားပြီး မိန့်ကြားတဲ့ တရားတော်ဖြစ်တယ်။ အကျိုး လောဘ ဒေါသ မောဟတို့ရဲ့ အမည်ကို အကြောင်းအာရုံ(၆)ပါး၌ တင်စားပြီးတော့ အကြောင်းအာရုံ(၆)ပါးကိုပင် ခိုးသားဓားပြလို့ ဖလူပစာအားဖြင့် မိန့်ကြားတဲ့ တရားတော်ဖြစ်တယ်။

သတိပဋ္ဌာန်တရား(၄)ပါးကတော့ ဘာနဲ့တူပါသလဲ ... မြို့စောင့်စစ်သားတွေ၊ လက်နက်ကိုင် စစ်သားတွေနဲ့ တူပေတယ်။ အာရုံ(၆)ပါးက ဒွါရ(၆)ပါး အကြည်ဓာတ်(၆)ဖြာကို လာတိုက်တဲ့အခါ 'မြင်တယ်၊ မြင်တယ်' 'ကြားတယ်၊ ကြားတယ်' 'နံတယ်၊ နံတယ်' 'စားတယ်၊ စားတယ်' 'ထိတယ်၊ ထိတယ်' 'ကြံစည်တယ်၊ စိတ်ကူးတယ်'လို့ မရှုမှတ်ပါဘူးလား .... ရှုမှတ်ရပေတယ်။ ဘာနဲ့ရှုမှတ်ရတာလဲ ... သတိပဋ္ဌာန်တရားနဲ့ ရှုမှတ်ရပေတယ်။ သတိပဋ္ဌာန်တရား(၄)ပါးက အစောင့်စစ်သား မြို့စောင့်တွေနဲ့ တူပေတယ်။

ဆောင်ပုဒ်။ ။ သတိပဋ္ဌာန်ပေ၊ မြို့စောင့်တွေ၊ တူလေ ဥပမာ။

ဤကဲ့သို့ အာရုံ(၆)ပါးက အကြည်ဓာတ်(၆)ဖြာဟူသော ဒွါရ(၆)ပါး၌ လာတိုက်သောအခါ သတိပဋ္ဌာန်တရား(၄)ပါးဖြင့် 'မြင်တယ်၊ မြင်တယ်' 'ကြားတယ်၊ ကြားတယ်' 'နံတယ်၊ နံတယ်' 'စားတယ်၊ စားတယ်' 'ထိတယ်၊ ထိတယ်' 'ကြံစည်တယ်၊ စိတ်ကူးတယ်'ဟု ရှုမှတ်နိုင်၍ ဒွါရ(၆)ပါးလုံး လုံခြုံသွားသောအခါ မိမိတို့ အလိုရှိအပ် တောင့်တအပ်သော ဆင်းရဲခပ်သိမ်း ချူပ်ငြိမ်းရာဖြစ်သည့် နိဗ္ဗာန်ချမ်းသာသို့ ရောက်သွားကြမည် ဖြစ်ပေတယ်။

ဤကဲ့သို့ ပဋ္ဌာန်းပါဠိတော် ပစ္စယနိဒ္ဒေသပါဠိတော်လာ အာရမ္မဏပစ္စည်းတရားတော်ကို နာကြားရသဖြင့် နာကြားရတဲ့အတိုင်း လိုက်နာကျင့်ကြံပွားများ အားထုတ်နိုင်ကြပြီးလျှင် မိမိတို့ အလိုရှိအပ် တောင့်တအပ်တဲ့ တရားထူး တရားမြတ်တို့ကို ဒုက္ခခပ်သိမ်း အေးငြိမ်းရာ ဖြစ်တဲ့ နိဗ္ဗာန်ချမ်းသာကို လွယ်ကူသောအကျင့် လျှင်မြန်စွာ ဆိုက်ရောက်၍ မျက်မှောက် ပြုနိုင်ကြပါစေကုန်သတည်း..။

ဆရာတော်ဘုရား ပေးသနားတော်မူတဲ့ ဆုနဲ့ ပြည့်စုံရပါလို၏။

သာဓု ... သာဓု ... သာဓု ။

ပြည့်ဖြိုး (ဗောဓိမြိုင်ဓမ္မရိပ်)