ဘ၀ကုန်သည်

ကျုပ်နာမည်က မဟာဓန၀ါဏိဇ လို့ခေါ်တယ်။
မြန်မာလိုဆိုရင် ဥစ္စာကုန်သည်ကြီးလို့ပြောရင်ရ
တာပေါ့။
ပညတ်သွားရာ ဓါတ်သတ်ပါဆိုသလို ကျုပ်အလုပ်
ကလည်း အ၀တ်ကုန်သည်အလုပ်ပါပဲ။ နေတာက
တော့ ဗာရာဏသီမြို့မှာနေတယ်။ ဗာရာဏသီက
ထွက်တဲ့အ၀တ်တွေကို မြို့တကာလှည့်ရောင်း
တစ်ခါ အဲဒီကထွက်တဲ့ကုန်တွေကိုပြန်ဝယ်ပြီး
ကျုပ်ဇာတိဗာရာဏသီမှာပြန်ရောင်းတယ်။
အဲဒီလိုနဲ့ကျုပ်တစ်နေ့တော့ သာဝတ္ထိမြို့သွားပြီး
အ၀တ်ရောင်းထွက်ဖို့စိတ်ကူးရတယ်။ လှည်း
ငါးရာနဲ့အ၀တ်တွေအပြည့်တင်၊ နေ့ကောင်း
ရက်သာလေးဘာလေးရွေးပြီး ဗာရာဏသီက
ထွက်ခဲ့တယ်။
ကျုပ်တို့ဗာရာဏသီနဲ့သာဝတ္ထိကလည်းဝေး
တော့ အဝေးသား၊ ကြားမှာမြစ်တစ်စင်းက
လည်းရှိသေးတယ်။ ကျုပ်လည်းမြစ်ရောက်
တော့စဉ်းစားမိတယ်။ ခရီးကလည်းအတော်
ပေါက်နေပြီ။ ဒီမြစ်ကိုကူးပြီးဟိုဘက်ကမ်း
ကိုရောက်ရင် သာဝတ္ထိမြို့ကမဝေးတော့ဘူး။
ခု ငါတို့တစ်တွေရော၊ နွားတွေရော ပင်ပန်း
လှပြီ။ ဒီမြစ်ကိုဒီနေ့မကူးသေးဘဲနောက်နေ့
မှပဲ ကူးမယ်။ ဒီနေ့ည ဒီနေရာမှာစခန်းချ
အနားယူရရင်ကောင်းမယ်လို့စဉ်းစားမိ
တယ်။ ဒါနဲ့ကျုပ်လှည်းသမားတို့ကိုဒီနေရာ
တစ်ညနားမယ်၊ နွားတွေဖြုတ်ပြီးအစာ
တွေကျွေးကြ၊ ရေတိုက်ကြလို့အော်ပြော
လိုက်တယ်။
အခုကျုပ်တို့စခန်းချတဲ့နေရာက မြစ်ဘေး
ဆိုတော့ သဘာဝရှုခင်းတွေကလှတယ်။
မြစ်ရေကတော့ အပြည့်မရှိပါဘူး။ အပေါ်
ယံနည်းနည်းပဲ စီးဆင်းနေတယ်။ ကျုပ်တို့
ဖြတ်ကူးမယ်ဆိုရင်ကူးလို့ရတာပေါ့။ လှည်း
ဘီးတစ်ဝက်မရောက်တရာက်လောက်ပဲ
ရေက နက်မယ်ထင်တယ်။ တဖြည်းဖြည်း
နဲ့နေလုံးကြီးက ၀င်လုဝင်ခင်ဖြစ်နေပြီပေါ့။
မြစ်ကြောင်းဆိုတော့ သစ်ပင်အကာအကွယ်
မရှိတော့ လေကလည်း တဟူးဟူးတိုက်
ခတ်နေတယ်။
ပထမတော့လေလေးတဟူးဟူးပဲဆိုတော့
ကျုပ်ဘာမျှမပူပင်ပါဘူး။ သိပ်မကြာခင်
လည်းရောက်ရောမိုးနံ့တွေက ပါလာတယ်။
ဒါနဲ့ကျုပ်က အပြင်ကို အကဲခတ်လိုက်တော့
မိုးစနေ၊ လေရာဟု ဆိုသလိုစနေထောင့်မှာ
မိုးသားတွေမည်းမည်းမှောင်လို့။ ကျုပ်စိုးရိမ်
စိတ်တွေဝင်ပြီးကျုပ်ရဲ့လှည်းသမားတွေကို
သတိပေးလိုက်တယ်။ မိတ်ဆွေတို့မိုးသား
တွေတရိပ်ရိပ်တက်လာပြီ။ အ၀တ်တွေမိုး
မရွဲအောင် ဂရုစိုက်ကြလို့။
ကျုပ်ပြောပြီးမကြာပါဘူး။ မိုးခြိမ်းသံတွေက
တဂျိန်းဂျိန်းနဲ့လျှပ်စီးတွေကလည်းတ၀င်းဝင်း
ကျုပ်ဘ၀မှာဒီလောက်သဲကြီးမဲကြီးရွာတဲ့မိုး
မကြုံဖူးသလောက်ပါပဲ။ ရွာတော့လည်း
ညလုံးပေါက်ကိုရွာချထားတာဆိုတော့မြစ်
ရေကလည်းတစ်လုံးပြည့်စီးနေတယ်။
အထက်ဒေသတွေမှာလည်း မိုးသဲကြီးမဲ
ကြီးရွာတော့မြစ်ရေကကျမသွားဘူး။
တစ်ရက်ကျနိုး။ တစ်ရက်ကျနိုးနဲ့ မျှော်
ကိုးနေပေမယ့် ခုနှစ်ရက်ပြည့်မှပဲမြစ်ရေ
ကကျတယ်။ မြစ်ရေကျကျခြင်းကျုပ်တို့
ဖြစ်မကူးရဲကြသေးဘူး။ တော်တော်လေး
ကြာမြစ်ရေအခြေအနေအကဲခတ်ပြီးမှ
ဖြတ်ကူးကြတယ်။
သာဝတ္ထိမြို့တစ်ဖက်ကမ်းရောက်တာနဲ့
ကျုပ်တို့တစ်တွေသာဝတ္ထိမြို့ဆီဦးတည်
မောင်းတယ်။ သာဝတ္ထိလည်းရောက်ရော
နက္ခတ်ပွဲသဘင်ကစားနေတာနဲ့ကြုံပြန်
ရော။ ကံဆိုးမသွားရာမိုးလိုက်လို့ရွာဆို
သလို ကျုပ်တော့ကံဆိုးမိုးမှောင်ကျပြီ
ပေါ့။ နက္ခတ်ပွဲသဘင်ကလည်းတစ်ရက်
လည်းမဟုတ် ခုနှစ်ရက်ကြီးများတောင်
မြစ်ရေကြီးလို့ခရီးဖင့်နေတာကခုနှစ်
ရက်၊ နက္ခတ်ပွဲသဘင်နဲ့ဆုံလို့ရောင်း
မရတာကခုနှစ်ရက်ဆိုတော့(၁၄)ရက်
ကြီးများတောင်အချိန်တွေအလဟဿ
ကုန်တယ်။ အသွားအပြန်ကုန်တဲ့ရက်
တွေထည့်ရေတာမဟုတ်သေးပါဘူး။
ကျုပ်ကိုယ်တိုင်ရဲ့အပြစ်ပါပဲ။ မြစ်ကိုကူး
လို့ရလျက်နဲ့နေ့ရွေ့ညရွေ့လိုပ်မိတာပဲ
ကိုး။ မြစ်ကိုတန်းကူးရင်(၁၄)ရက်တွင်
ဘယ်ကတော့မလဲ။ ကျုပ်မှာပါလာတဲ့
ပစ္စည်းတွေရောင်းပြီးသာဝတ္ထိမြို့က
ထွက်ကုန်တွေက ၀ယ်ရဦးမယ်ဆိုတော့
အချိန်တွေအများကြီးကုန်ရဦးမယ်။
ဘယ်သူမပြုမိမိမှုပါပဲလေ။
ဒါနဲ့ကျုပ်အခြေအနေအရပ်ရပ်ကိုပြန်
သုံးသပ်တယ်။ ဗာရာဏသီကထွက်
လာတာလည်းကြာပြီ။ ခုထိကုန်ရောင်း၊
ကုန်ဝယ်တစ်ခုမျှမလုပ်ရသေးဘူး။
ဒီအတိုင်းလှည့်ပြန်ရင်ကျုပ်ရှုံးမှာပေါ့။
အင်းလေဒီမှာပဲနေပြီးအလုပ်လေး
ဘာလေးလုပ်၊ တစ်ဖက်ကလည်း
အ၀တ်အထည်တွေအရင်ကုန်အောင်
ရောင်းရတော့မှာပေါ့။ အဲဒီလိုကျုပ်
စဉ်းစားပြီး လှည်းတွေချွတ်ခိုင်းပြီး
သင့်တင့်မယ့်အရပ်ကို ရှာကြတယ်။
ဘုရားအမှူးရှိတဲ့သံဃာတော်တွေ
ဆွမ်းခံကြွရင်း ကျုပ်ရဲ့အကြံအစည်
တွေကိုသိတော်မူလို့ ဘုရားပြုံးတော်
မူတယ်ဆိုပဲ။ အဲဒါကိုအရှင်အာနန္ဒာ
ကမေးလျှောက်တော့ ကျုပ်သာဝတ္ထိ
မြို့မှာတစ်နှစ်နေမယ်ကြံတယ်။
ဒါပေမယ့်ကျုပ်အသက် ခုနှစ်ရက်ပဲ
ရှင်မယ်ဆိုတာသိလို့ ပြုံးတော်မူတာ
ပါတဲ့။ ဒါတွေအားလုံးကျုပ်ကိုရှင်
အာနန္ဒာလာပြောလို့သိရတာပါပဲ။
ကျုပ်လည်းသိသိချင်းအတော်လေး
ကိုကြောက်သွားတယ်။ အေးလေ
ကျုပ်မှာကုသိုလ်ကောင်းမှုတွေလုပ်
မိမှာမဟုတ်ဘူး။ ခုတော့ကျုပ်ဘုရား
အမှူးရှိတဲ့သံဃာတွေကိုပင့်ပြီးဆွမ်း
ကပ်ကြ၊ ဝေယျာဝစ္စကုသိုလ်တွေပြု
ကြနဲ့ပေါ့။ ဒီနေ့ပါဆိုရင် ခုနှစ်ရက်တိ
တိပြည့်ပြီလေ။ ကျုပ်အသက်ရှင်ရ
မယ့်ခုနှစ်ရက်လုံးလုံးကုသိုလ်တွေ
ချည်းပြုလုပ်တာပေါ့။ ကျုပ်သေရ
မယ်ကိုကျုပ်မသိရခင်ကျုပ်သာဝတ္ထိ
မြို့မှာတစ်နှစ်နေဖို့ကြံစည်တယ်။
ဒီကလာတုန်းကလည်းမိုးရွာမယ်မှန်း
မသိဘဲနားလိုက်မိလို့ ကျုပ်ခရီးစဉ်တွေ
ကစဥ့်ကလျားဖြစ်ခဲ့ရတယ်။ ခုတော့
ကျုပ်ပြုထားတဲ့ကုသိုလ်ကောင်းမှုတွေ
က ကျုပ်သွားရမယ့်သံသရာခရီးမှာ
ကစဥ့်ကလျားမဖြစ်အောင်ပြုလုပ်ပေး
မှာ အသေအချာပါပဲ။
အနုမောဒနာတရားနာကြားဖို့အတွက်
ဘုရားရှင်ရဲ့သပိတ်ကိုလှမ်းယူလိုက်
တယ်။ ဘုရားရှင်က လူမိုက်တွေဟာ
မမြဲတဲ့ခန္ဓာကိုယ်နဲ့အသက်မြဲတယ်
ထင်ပြီးဒီနေရာမှာ မိုးဥတု၊ နွေဥတု၊
ဆောင်းဥတုတွေမှာနေဖို့တွေးကြံကြ
တယ်။ မိမိရဲ့အသက်နဲ့ခန္ဓာရဲ့အန္တရာယ်
ကို မသိကြဘူးလို့ဟောတယ်။ ကျုပ်ရဲ့
အကြောင်းကိုသိတော်မူထားတော့
ကျုပ်နဲ့လျောက်ပတ်တဲ့ဒေသနာတော်
ကို ဟောတော်မူတာပါပဲ။
တရားဒေသနာအဆုံးမှာကျုပ်ရတနာ
သုံးပါးအပေါ်မှာအသက်နဲ့အမျှကိုး
ကွယ်ဆည်းကပ်သူဖြစ်သွားရသလို
ငါးပါးသီလကိုလည်းခါးဝတ်ပုဆိုးလို
မြဲမြံစွာကျင့်တဲ့သူဖြစ်ပြီဆိုတာကျုပ်
ကိုယ်ကျုပ်သိလိုက်တယ်။
အ၀ိဇ္ဇာတွေပိတ်ဖုံးနေတဲ့ကျုပ်ရဲ့စိတ်
တွေ အသက်နဲ့ခန္ဓာမြဲမယ်ထင်ပြီး
ပမာဒ မေ့လျော့နေတဲ့စိတ်တွေကို
ခုမှပဲကျုပ်သတိပြုမိသွားတယ်။
ဟုတ်ပါတယ်။ အခုခရီးစဉ်ဟာ ကျုပ်
အတွက် မပြောပလောက်တဲ့လောကီ
ကုန်တွေရှုံးပေမယ့် သံသရာမှာအဖိုး
မဖြတ်ရတဲ့အမြတ်တွေကျန်ခဲ့တယ်။
ကျုပ်ရင်းနှီးလိုက်ရတာက မုံညင်းစေ့
လောက်လေး။ ကျုပ်ပြန်ရလိုက်တဲ့
အမြတ်တွေက မြင်းမိုရ်တောင်ပေါင်း
ရာထောင်မကတဲ့ အမြတ်လောကုတ္တရာ
ဥစ္စာတွေပါပဲ။
ဘုရားရှင်က ကျုပ်သာဝတ္ထိနေမယ်
ကြံစည်တာကိုသိလို့ ရှင်အာနန္ဒာကို
မိန့်တော်မူတဲ့အခါတရားတစ်ပုဒ်ဟော
တယ်တဲ့။ နက်ဖြန်မှာကိုယ်အသက်
ရှုင်ရမယ် သေရမယ်ဆိုတာ မည်သူမျှ
မသိနိုင် ဒါကြောင့်ကိုယ်အသက်ရှင်
နေရတဲ့ယနေ့မှာအပ္ပမာဒဆိုတဲ့မမေ့
မလျော့မပေါ့မဆတဲ့သတိနဲ့ကုသိုလ်
တွေပြုလုပ်သင့်တယ်။ သေမင်းဆိုတာ
တံစိုးလက်ဆောင်တွေ၊ ချော့မြူတဲ့
စကားတွေနဲ့ဖြားယောင်းလို့မရဘူး
လို့ဟောတော်မူပါတယ်။
ကျုပ်ဘ၀ကိုကျုပ်တွေးကြည့်တဲ့အခါ
ဒီနေ့မှာ ခုနှစ်ရက်လည်းစေ့ပြီမို့ကျုပ်
အသက်ရှင်ဖို့နာရီပိုင်းပဲကျန်တော့
တယ်လေ။ ဘုရားရှင်ပေးတော်မူတဲ့
မဂ္ဂင်ယဉ်ကြီးနဲ့တစ်ဆင့်ထက်တစ်ဆင့်
မြင့်သည်ထက်မြင့်အောင်အပ္ပမာဒတရား
လက်ကိုင်ထားပြီးသံသရာခရီးလက်ကျန်
ဘ၀တွေကိုကျုပ်သွားရဦးမယ်။ ခင်ဗျား
တို့တစ်တွေလည်း ကျုပ်ဘ၀ဇာတ်လမ်း
ကိုကြည့်ပြီး အပ္ပမာဒတရားနဲ့မဂ္ဂင်လှေ
ကားတွေတစ်ထစ်ပြီးတစ်ထစ်နိဗ္ဗာန်ကို
လက်လှမ်းနိုင်ကြပါစေဗျာ။
စာကြွင်း
ဓမ္မပဒအဋ္ဌကထာ (ဒု) မဟာဓန၀ါဏိဇ
ဝတ္ထုကိုမှီးပါသည်။ ကုန်သည်သည်
ဘုရားရှင်ဒေသနာအဆုံးသောတာပန်
ဖြစ်သွားပြီး ညနေစောင်းသောအခါ
ရုတ်တရက်ခေါင်းကိုက်သောဝေဒနာ
ဖြင့်ကွယ်လွန်သွားပါသည်။ ကုန်သည်
သည် သောတာပန်ပုဂ္ဂိုလ်ဖြစ်သဖြင့်
ခုနှစ်ဘ၀သာ အလွန်ဆုံးဘ၀ခန္ဓာရ၍
နောက်ဆုံးခုနှစ်ဘ၀မြောက်၌ပရိနိဗ္ဗာန်
စံရပါမည်။ ဤစာကိုကုန်သည်နေရာမှ
ခံစားရေးဖွဲ့ပါသည်။
နေသစ်မှူး(ငွေသာတွင်း)
အပ္ပမာဒဓမ္မရသမဂ္ဂဇင်း